Wednesday, 6 June 2012
സര്‍ക്കാര്‍ ഓഫീസുകളില്‍ ഫോണ്‍ വിളിക്ക് വിലക്ക്
തിരുവനന്തപുരം: സര്‍ക്കാര്‍ ഓഫീസുകളില്‍ ജോലി സമയത്ത്‌ ഉദ്യോഗസ്ഥരുടെ മൊബൈല്‍ ഫോണ്‍ വിളിക്ക് വിലക്ക്. പൊതുഭരണ വകുപ്പ്‌ സെക്രട്ടറിയാണ്‌ ഇത് സംബന്ധിച്ച ഉത്തരവിറക്കിയത്‌. ഫെബ്രുവരി ആറിനാണ്‌ ഉത്തരവിറങ്ങിയത്‌. ഉത്തരവ് നടപ്പാക്കേണ്ട ചുമതല അതാത്‌ ഓഫീസുകളിലെ മേധാവിക്കായിരിക്കും.
ഓഫീസുകളിലെത്തുന്ന പൊതുജനങ്ങള്‍ക്ക്‌ ബുദ്ധിമുട്ടുണ്ടാകുന്ന വിധത്തില്‍ ഉദ്യോഗസ്ഥരുടെ സ്വകാര്യ ഫോണ്‍വിളികള്‍ക്കാണ്‌ വിലക്കേര്‍പ്പെടുത്തിയിരിക്കുന്നത്‌. ഓഫീസുകളിലെ ലാന്‍ഡ്‌ ഫോണുകളുടെ ദുരുപയോഗം തടയണമെന്നും ഉത്തരവില്‍ പറയുന്നു.
കമന്റ്: വിലക്ക് ലംഘിച്ചാല്‍ മുഖത്ത് മുളകുവെള്ളം തളിക്കണം. തളിക്കുമോ?
-കെ എ സോളമന്‍
Tuesday, 5 June 2012
533 പോലീസുകാര്‍ ക്രിമിനല്‍ കേസുകളിലെ പ്രതികള്‍
തിരുവനന്തപുരം: സംസ്ഥാനത്ത് 533 പോലീസുകാര്‍ ക്രിമിനല്‍ കേസുകളില്‍പ്പെട്ടവര്‍. ഹൈക്കോടതിയില്‍ ഡി.ജി.പി ജേക്കബ് പുന്നൂസ് സമര്‍പ്പിച്ച റിപ്പോര്‍ട്ടിലാണ് ഇക്കാര്യം വ്യക്തമാക്കിയത്. ഐ.ജി ടോമിന്‍ ജെ തച്ചങ്കരിയും ഡി.ഐ.ജി ശ്രീജിത്തും ക്രിമിനലുകളുടെ പട്ടികയിലുണ്ട്.
ഹൈക്കോടതി ഉത്തരവ് പ്രകാരമാണ് ക്രിമിനല്‍ കേസുകളില്‍ പ്രതികളായവരുടെ വിശദാംശങ്ങള്‍ ഡി.ജി.പി സമര്‍പ്പിച്ചത്. കൊലപാതകം മുതല്‍ സ്ത്രീ പീഡനം വരെയുള്ള കുറ്റങ്ങളില്‍ പ്രതികളായവരാണ്‌ പട്ടികയിലുള്ളത്‌. ഇതില്‍ 29 പേര്‍ വിജിലന്‍സ്‌ അന്വേഷണം 36 പേര്‍ സിബിഐ അന്വേഷണവും നേരിടുന്നവരാണ്‌.
കമന്റ്: ക്രിമിനല്‍ കേസുകളില്‍പ്പെടാത്തവരായി ആരെങ്കിലും അവശേ ഷിക്കുന്നുണ്ടോ?
-കെ എ സോളമന്‍
Monday, 4 June 2012
വൈദ്യുതി നിരക്ക് വര്‍ഷം‌തോറും കൂട്ടണം – കെ.എസ്.ഇ.ബി
തിരുവനന്തപുരം: വൈദ്യുതി നിരക്കു വര്‍ഷം തോറും വര്‍ദ്ധിപ്പിക്കണമെന്ന് വൈദ്യുതി ബോര്‍ഡ് റഗുലേറ്ററി കമ്മീഷനോട് ആവശ്യപ്പെട്ടു. ഓരോ വര്‍ഷവും ബോര്ഡിന്റെ സാമ്പത്തിക ബാധ്യത കൂടി വരികയാണ്. ഒറ്റയടിക്ക് വൈദ്യുതിചാര്‍ജ് വര്‍ദ്ധിപ്പിക്കുന്നതിലും നല്ലത് ഓരോവര്‍ഷവും കുറേശെ വര്‍ദ്ധിപ്പിക്കുകയാണെന്നാണ് ബോര്ഡിന്റെ വാദം.
റെഗുലേറ്ററി കമ്മിഷന്‍റെ തെളിവെടുപ്പിലാണു ബോര്‍ഡ് ഈ ആവശ്യം ഉന്നയിച്ചത്. പുറത്തു നിന്നു കൂടിയ വിലയ്ക്കു വൈദ്യുതി വാങ്ങിയതു വഴിയുളള 77.22 കോടി രൂപയുടെ അധികബാധ്യത മറികടക്കാനാണിതെന്നാണു ബോര്ഡിന്റെ വിശദീകരണം. വൈദ്യുതി നിരക്ക് ഒറ്റയടിക്കു വര്‍ധിപ്പിച്ചാല്‍ സാധാരണക്കാര്‍ക്കു നേരേയുളള തിരിച്ചടിയാകും. അതിനാല്‍ ഘട്ടം ഘട്ടമായി വര്‍ദ്ധനവ് നടപ്പാക്കണമന്നാണു നിര്‍ദേശം.
കമന്റ്: ജനത്തെ പ്രകോപിപ്പിക്കുക എന്നതാണു ഇല. ബോര്ഡിന്റെ കുറച്ചു നാളായുള്ള കലാപരിപാടി . ഒറ്റയടി വേണ്ടത് ബോര്‍ഡ് ഏമാന്‍മാരുടെ കരണക്കുറ്റിക്കാണ് . ഇല. ബോര്‍ഡിനെ പിരിച്ചുവിടാന്‍ ഒരു മാര്‍ഗവുമില്ലേ?
-കെ എ സോളമന്‍
ഏഴൈ തോഴന്‍ കരുണാനിധി !
ഇത് 2ജി സ്പെക്ട്രം നഹ യെന്ന് ഏതവനെന്നെങ്കിലും ശൊ ന്നാല്‍ അവനെ വിടമാട്ടെന്‍!
-കെ എ സോളമന്‍
Sunday, 3 June 2012
തമിഴത്തി – കഥ
കെ എ സോളമന്‍
“നമുക്ക് തിരുവനന്തപുരത്ത് മതിയായിരുന്നു , ഡേറ്റ്
പൊസ്ട്പോണ്‍ ചെയ്തു വാങ്ങിയത് കുഴപ്പമായി., ഈ പാണ്ടികളുടെ നടുവില്‍....”
“ ഏത് പാണ്ടികള്‍ ? “ ഞാന്‍ മകളോടു ചോദിച്ചു.
“നോക്കിക്കേ, ഇവിടെ വന്നിരിക്കുന്നവരെ കണ്ടില്ലേ, എല്ലാവരും പാണ്ടികള്‍, ഒരണ്ണമെങ്കില് മുണ്ടോ അല്പമെങ്കിലും
വെളുത്തത്?”
“നിന്നെക്കണ്ടാലും അങ്ങനയെ തോന്നൂ”
ഇങ്ങനെയൊക്കെ പറഞ്ഞു അവളെ പ്രകോപിപ്പിക്കുന്നത് എനിക്കു ഇഷ്ടമുള്ള
കാര്യമല്ല., എങ്കിലും ചിലപ്പോള്‍ഓര്‍ക്കാതെ പറഞ്ഞുപോകും.
പെട്ടെന്നവള്‍ സംസാരം നിര്‍ത്തി. പലതവണ ഇങ്ങനെ സംഭവിച്ചുള്ളതാണ്.
ഞാന്‍ പിന്നീടു പറയുന്നതു എന്തെന്ന് ശ്രദ്ധിക്കാതെ കൈലിരുന്ന പുസ്തകത്തിലെ താളുകള്‍
അലക്ഷ്യമായി മറിച്ചു എന്തോ വായിക്കുന്ന മട്ടില്‍ അവള്‍ ഇരുന്നു.
എല്ലാ കറുത്ത കുഞ്ഞുങ്ങളെപ്പോലെ അവള്‍ക്കും കറുത്ത നിറം തീരെ
ഇഷ്ടമില്ലായിരുന്നു. അവളെക്കാള്‍ കരുത്തവര്‍ ഒത്തിരിപ്പേരുന്ടെങ്കിലുംവെളുത്തവരുടെ
പക്ഷം ചേരാനായിരുന്നു അവള്‍ക്കെന്നുമിഷ്ടം. പാണ്ടിച്ചികളുടെ നിറം കറുപ്പാണന്ന് പറഞ്ഞു
കൂട്ടു കാരികള്‍ അവളെ കുഞ്ഞന്‍നാള്‍ തൊട്ടേ കളിയാക്കിയിട്ടുണ്ട്.
കറുത്ത നിറത്തെക്കുറിച്ച് അവള്‍ക്കുള്ള ആശങ്ക മാറ്റാന്‍ പല തവണ ശ്രമിച്ചിട്ടുണ്ട്, അതെല്ലാം
ഒരേ കഥയുടെ ആവര്‍ത്തനമാണെന്നു അവള്‍ക്കും എനിക്കും അറിയാമെങ്കിലും അങ്ങനെ ഒരുപരാതി
അവള്‍ പറഞ്ഞിട്ടില്ലയെന്നത് ആശ്വാസം.
“കറുത്തവര്‍ കാരിരുംബു
പോലെ, നല്ല ആരോഗ്യം, വെളുത്തവരെ പോലെ പനിവന്നാല്‍ ചുവയ്ക്കില്ല, വെയില്‍ കൊണ്ടല്‍ ഇരുളില്ല, ക്ഷീണിച്ചാല് മഞ്ഞക്കില്ല, വിഷം തീണ്ടിയാല്‍ നീലക്കില്ല, കറുത്തവന് എപ്പോഴും ഒരേനിറം, തനിനിറം. കറുപ്പിന്നേഴഴക്, നീ കേട്ടിട്ടില്ലേ, കാര്‍വര്‍ണന്‍, കാര്‍കൂന്തല്‍ കരിംകൂവളം, കരിമിഴിക്കണ്ണു”- സൌന്ദര്യ
സങ്കല്‍പ്പങ്ങള്‍ ഒത്തിരി ഞാന്‍ നിരത്തും.
“എന്റെ മകള്‍ ഒരു വെളുത്ത കുട്ടിയായിരുന്നെങ്കില്‍ ഇത്രയും സ്നേഹം
നിന്നോടു ഉണ്ടാകുമായിരുന്നോ- എനിക്കു സംശ്യമുണ്ട”, ഇങ്ങനെ കൂടെക്കൂടെ പറയുന്നതു
കേള്‍ക്കാന്‍ അവള്‍ ആഗ്രഹിച്ചിരുന്നോ, എനിക്കു ഒരു നിശ്ചയവുമില്ല
.
ഇക്കഥ ഇവിടെ കോയമ്പത്തൂരിലും ആവര്‍ത്തിക്കുമോ എന്ന സംശയം കൊണ്ടാവണം
പുസ്തകത്തില്‍ നിന്നു അവള്‍ തല പൊക്കിയതേയില്ല.
അവളുടെ സമീപത്തായി ഒരുസ്ത്രീവന്നിരുന്നു. തനി തമിഴത്തി തന്നെ.
തമിഴു കലര്‍ന്ന ഇംഗ്ലീഷിലാണ് അവര്‍ സംസാരിച്ച് തുടങ്ങിയത് . പെട്ടെന്നു എന്തോ മനസ്സിലായിട്ടെന്ന
മട്ടില്‍ തമിഴത്തി തുടര്‍ന്നു.
" ലുക്ക്, ഇങ്കെയെല്ലാം മലയാളി പശിങ്ങള്‍, നമ്മ എന്ന ശെയ്യറതു? കുളന്തയിന്‍ ഊര് എങ്കെ?”
എന്റെ മകള്‍ എന്നെ ദയനീയമായി നോക്കി..
-കെ എ സോളമന്‍
Friday, 1 June 2012
‘ഇഎംഎസിന്റെ ലോകം’ ദേശീയ സെമിനാറില്‍ നിന്ന്‌ വി എസിനെ ഒഴിവാക്കി
മലപ്പുറം: വളാഞ്ചേരിയില്‍ ഈ മാസം 13,14 തിയ്യതികളില്‍ നടക്കുന്ന ‘ഇഎംഎസിന്റെ ലോകം’ ദേശീയ സെമിനാറില്‍ വി എസ് അച്യുതാനന്ദനെ പങ്കെടുപ്പിക്കാത്തതില്‍ പ്രതിഷേധം ശക്തമാകുന്നു.
സിപിഎം സംസ്ഥാന സെക്രട്ടറി പിണറായി വിജയന്‍ ഉദ്ഘാടനം ചെയ്യുന്ന സെമിനാറില്‍ പാര്‍ട്ടിയുടെ ഉന്നത നേതാക്കളെല്ലാം പങ്കെടുക്കുന്നുണ്ട്‌.
സിപിഎമ്മിന്റെ രൂപീകരണം മുതല്‍ ഇഎംഎസിനൊപ്പം പ്രവര്‍ത്തിച്ച വി എസ് അച്യുതാനന്ദനെ പരിപാടിയില്‍ നിന്നൊഴിവാക്കിയതില്‍ നേതൃത്വത്തിന്റെ ഗൂഢാലോചനയാണെന്ന്‌ വി എസ് വിഭാഗം കരുതുന്നു. വി എസിനെ പരിപാടിയില്‍ നിന്ന്‌ ഒഴിവാക്കിയതിന്‌ കാരണമായി അദ്ദേഹത്തിന്റെ സമയ കുറവാണെന്നാണ്‌ സംഘാടക സമിതിയുടെ വിശദീകരണം.
ഒഞ്ചിയവും ഷൊര്‍ണ്ണൂരും കഴിഞ്ഞാല്‍ സിപിഎം വിമതരുടെ ശക്തികേന്ദ്രമാണ്‌ വളാഞ്ചേരി. ചെഗുവേര കള്‍ച്ചറല്‍ ഫോറം എന്ന പേരില്‍ ഇവര്‍ ഇവിടെ സമാന്തര പ്രവര്‍ത്തനം നടത്തുന്നുണ്ട്‌.
സിപിഎം സംസ്ഥാന സെക്രട്ടറി പിണറായി വിജയന്‍ ഉദ്ഘാടനം ചെയ്യുന്ന സെമിനാറില്‍ പാര്‍ട്ടിയുടെ ഉന്നത നേതാക്കളെല്ലാം പങ്കെടുക്കുന്നുണ്ട്‌.
സിപിഎമ്മിന്റെ രൂപീകരണം മുതല്‍ ഇഎംഎസിനൊപ്പം പ്രവര്‍ത്തിച്ച വി എസ് അച്യുതാനന്ദനെ പരിപാടിയില്‍ നിന്നൊഴിവാക്കിയതില്‍ നേതൃത്വത്തിന്റെ ഗൂഢാലോചനയാണെന്ന്‌ വി എസ് വിഭാഗം കരുതുന്നു. വി എസിനെ പരിപാടിയില്‍ നിന്ന്‌ ഒഴിവാക്കിയതിന്‌ കാരണമായി അദ്ദേഹത്തിന്റെ സമയ കുറവാണെന്നാണ്‌ സംഘാടക സമിതിയുടെ വിശദീകരണം.
ഒഞ്ചിയവും ഷൊര്‍ണ്ണൂരും കഴിഞ്ഞാല്‍ സിപിഎം വിമതരുടെ ശക്തികേന്ദ്രമാണ്‌ വളാഞ്ചേരി. ചെഗുവേര കള്‍ച്ചറല്‍ ഫോറം എന്ന പേരില്‍ ഇവര്‍ ഇവിടെ സമാന്തര പ്രവര്‍ത്തനം നടത്തുന്നുണ്ട്‌.
Comment: സംഗതി പിടിവിട്ടു പോകുന്ന ലക്ഷണമാണ് കാണുന്നത് സഖാക്കളെ.
-കെ എ സോളമന്‍
Subscribe to:
Posts (Atom)