ടി.പി വധവും മണിയുടെ പ്രസംഗവും പരാജയകാരണമായി – വി.എസ്

തിരുവനന്തപുരം: നെയ്യാറ്റിന്‍കരയില്‍ എല്‍.ഡി.എഫ് സ്ഥാനാര്‍ത്ഥിയുടെ തോല്‍വിക്കു കാരണം ടി.പി. ചന്ദ്രശേഖരന്‍ വധവും എം.എം. മണിയുടെ പ്രസംഗവുമാണെന്നു പ്രതിപക്ഷ നേതാവ് വി.എസ്. അച്യുതാനന്ദന്‍. ഒഞ്ചിയത്തെ കൊലപാതകം പ്രചാരണ ആയുധമാക്കുന്നതില്‍ യു.ഡി.എഫ് വിജയിച്ചുവെന്നും വി.എസ് പറഞ്ഞു.

എം.എം. മണിയുടെ അപലപനീയമായ പ്രസംഗം വോട്ടര്‍മാരെ സ്വാധീനിച്ചു

Comment:  BJP has got a striking margin as Its vote share went from a negligible 6.1percent in 2011 to 23.6 percent in the current poll. And if this trend continues the Kerala Assembly would soon witness the entry of a BJP member.

K A Solaman

നിഴലായ് വീണ്ടും –കവിത-കെ എ സോളമന്‍

നിന്റെ പുഞ്ചിരി

എനിക്കതമൃത മഴയായിരുന്നു

നിന്റെ സ്നേഹം

എനിക്കല്‍ഭുതമായിരുന്നു

നിന്റെ നോട്ടം

എന്റെ സ്വന്തമായിരുന്നു

നിന്നോടെനിക്കെന്നും ആരാധനയായിരുന്നു.  

നിന്റെ കണ്ണില്‍ നിറയും ആഴങ്ങളില്‍

കണ്ടു ഞാന്‍ ഒത്തിരി മോഹസ്വപ്നങ്ങള്‍

നിന്‍റെ സ്നേഹം കാണുംപോളൊക്കെയും

ഞാന്‍ അത്ഭുതം കൂറുമായിരുന്നു...

ഇപ്പോഴിതാ ഒടുവില്‍

നീണ്ടമുപ്പതു സംവല്‍സരങ്ങള്‍ക്ക്മിപ്പുറം

നമ്മുടെ തീരാപ്രണയമെവിടെ?

നാംപാടിയ യുഗ്മഗാനമെവിടെ?

എങ്കിലും നാമറിയുന്നു  

നമ്മുടെ പ്രണയം അനശ്വരമായിരുന്നു

എനിക്കും നിനക്കും ഓര്‍ക്കാന്‍

മറ്റൊരു മധുരസ്മരണയില്ലായിരുന്നു.

  

നിന്റെ കണ്ണില്‍നിറയും ആഴങ്ങളില്‍   

ഒരിക്കല്‍ക്കൂടി ഞാന്‍ നിഴലായ് വീണു

നീ കൈചൂണ്ടിയ ദിക്കില്‍ ഞാന്‍ കണ്ടു...

നിന്റെ മകള്‍, 

അവള്‍ക്കുമുണ്ടോ പറയാന്‍കഥകള്‍?

ഒത്തിരി കഥകള്‍?

അറിയണമെന്നില്ലെനിക്ക്,

എങ്കിലും വെറുതെ.-------

നിന്റെ പുഞ്ചിരി

എനിക്കതമൃത മഴയായിരുന്നു

നിന്റെ സ്നേഹം

എനിക്കു തപ്തനിശ്വാസമായിരുന്നു.

-കെ എ സോളമന്‍ 

രാഷ്ട്രീയകൊലപാതകങ്ങള്‍ നിയമവാഴ്ചയുടെ പരാജയം മൂലം

Mathrubhumi

Posted on: 12 Jun 2012

ചേര്‍ത്തല: വര്‍ദ്ധിച്ചുവരുന്ന രാഷ്ട്രീയ കൊലപാതങ്ങള്‍ക്കു കാരണം നിയമവാഴ്ചയുടെ പരാജയമാണെന്ന് 'ആലോചന' സാംസ്‌കാരിക കേന്ദ്രം പ്രതിമാസ ചര്‍ച്ചയില്‍ അഭിപ്രായപ്പെട്ടു. എന്‍.മോഹനചന്ദ്രക്കുറുപ്പ് പ്രബന്ധം അവതരിപ്പിച്ചു. പ്രസിഡന്റ് കെ.എ. സോളമന്‍, എന്‍.ചന്ദ്രഭാനു, പ്രസാദ്, മഹേശ്വരക്കുപ്പ്, സാബ്ജി എന്നിവര്‍ സംസാരിച്ചു. 

വിഎസിനോട് സര്‍ക്കാരിന് ഒരു വിരോധവുമില്ല: തിരുവഞ്ചൂര്‍

തിരുവനന്തപുരം: വി.എസ് അച്യുതാനന്ദനോട് സര്‍ക്കാരിന് ഒരു വിരോധവുമില്ലെന്ന് ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍. വി.എസിനും കുടുംബത്തിനുമെതിരേ സന്തോഷ് മാധവന്‍ ഉള്‍പ്പെടെ കള്ളക്കേസുകള്‍ കൊണ്ടുവരുന്നതായി കാണിച്ച് എ.കെ. ബാലന്‍ ഉന്നയിച്ച ചോദ്യത്തിന് നിയമസഭയില്‍ മറുപടി പറയുകയായിരുന്നു മന്ത്രി.

ആരെങ്കിലും അയച്ച ഊമക്കത്തിന്റെ പേരില്‍ കള്ളക്കേസുകള്‍ എടുക്കുകയെന്നത് സര്‍ക്കാരിന്റെ നയമല്ല. വി.എസിനോട് സര്‍ക്കാരിന് യാതൊരു വിരോധവുമില്ലെന്ന് പറഞ്ഞ മന്ത്രി അദ്ദേഹത്തോട് നിങ്ങള്‍ക്ക് വിരോധം തോന്നാതിരുന്നാല്‍ മതിയെന്ന് പ്രതിപക്ഷത്തോട് പറയാനും മറന്നില്ല.

Comment: വിഎസിനോട് സര്‍ക്കാരിന് ഒരു വിരോധവുമില്ലെന്നു സമ്മതിച്ചു, മറ്റാരോടെങ്കിലും വിരോധമുണ്ടോ? 

കെ എ സോളമന്‍ 

അഴിമതിക്കെതിരെ പോരാടും: വി.കെ.സിംഗ്‌

ഗുര്‍ഗോണ്‍: അഴിമതിക്കെതിരെ പോരാടുവാന്‍ തനിക്ക്‌ താല്‍പ്പര്യമുണ്ടെന്ന്‌ മുന്‍ കരസേനാ മേധാവി ജനറല്‍
വി.കെ.സിംഗ്‌ പറഞ്ഞു. ഗുര്‍ഗോണിലെ ജറ്റോലി-ഹെയ്‌ലി
 മാന്ദിയില്‍ നടന്ന ആദരിക്കല്‍ ചടങ്ങില്‍
പങ്കെടുക്കാനെത്തിയതായിരുന്നു സിംഗ്‌. രാജ്യത്തെ
 അഴിമതി തുടച്ചുനീക്കാന്‍ അണ്ണാ ഹസാരെയും
 ബാബാ രാംദേവും നടത്തുന്ന പോരാട്ടങ്ങളെ താന്‍ അഭിനന്ദിക്കുന്നതായും അദ്ദേഹം കൂട്ടിച്ചേര്‍ത്തു.
സാധാരണ ജനങ്ങള്‍ക്കുവേണ്ടിയാണ്‌ രാംദേവും
ഹസാരെയും പോരാടുന്നത്‌. അതിനാല്‍ തന്നെ
ജനങ്ങള്‍ അവരെ പിന്തുണക്കുമെന്നും സിംഗ്‌ പറഞ്ഞു

കമന്‍റ്: സര്‍വീസില്‍ നിന്നറങ്ങി കഴിഞ്ഞാല്‍ ചിലര്‍ക്ക് വെളിപ്പാടുണ്ടാകും. അന്നാഹസാരേക്കു കൂട്ടായി.
 രാംദേവിന്റെ യോഗായുടെ കൂടെ റൂട്ടു മാര്‍ച്ച് 
കൂടിയാകാം

-കെ എ സോളമന്‍ 

രാഷ്ട്രപതി തെരഞ്ഞെടുപ്പ്‌: അബ്ദുള്‍കലാമിന്‌ പിന്തുണയേറുന്നു

ന്യൂദല്‍ഹി: രാഷ്ട്രപതി പ്രതിഭാപാട്ടീലിന്റെ അധികാര കാലാവധി ജൂലൈ മാസത്തില്‍ അവസാനിക്കാനിരിക്കെ തെരഞ്ഞെടുപ്പ്‌ മുന്‍പന്തിയില്‍ നില്‍ക്കുന്നത്‌ മുന്‍ രാഷ്ട്രപതി എ.പി.ജെ.അബ്ദുള്‍ കലാമിന്റെ പേരുതന്നെയെന്ന്‌ റിപ്പോര്‍ട്ടുകള്‍. ഒരു രാഷ്ട്രീയ മുന്നണിയുടേയും ഭാഗമല്ലെന്നതും അബ്ദുള്‍ കലാമിന്‌ നേട്ടമായിരിക്കുകയാണ്‌.
രാഷ്ട്രപതി സ്ഥാനാര്‍ത്ഥി നിര്‍ണയത്തില്‍ എത്രയും വേഗം വ്യക്തത കൈവരിക്കണമെന്നും അടുത്ത രാഷ്ട്രപതി രാഷ്ട്രീയ ചായ്‌വുള്ള വ്യക്തിയായിരിക്കരുതെന്നും യുപിഎ ഘടകകക്ഷി കൂടിയായ നാഷണലിസ്റ്റ്‌ കോണ്‍ഗ്രസ്‌ പാര്‍ട്ടി (എന്‍സിപി) നേതാവ്‌ ശരദ്‌ പവാര്‍ ആവശ്യപ്പെട്ടു.
രാഷ്ട്രപതി സ്ഥാനാര്‍ത്ഥി നിര്‍ണയത്തില്‍ ഇതുവരെ വ്യക്തതയായിട്ടില്ല. യുപിഎ മുന്നണിയും പ്രധാന പ്രതിപക്ഷമായ എന്‍ഡിഎയും ഇക്കാര്യത്തില്‍ സമവായത്തിലെത്തണമെന്നാണ്‌ താന്‍ ആഗ്രഹിക്കുന്നത്‌. സ്ഥാനാര്‍ത്ഥി രാഷ്ട്രീയ ചായ്‌വില്ലാത്ത വ്യക്തിയാണെങ്കില്‍ പൂര്‍ണമായും പിന്തുണയ്ക്കാന്‍ തയ്യാറാണന്നും ശരദ്‌ പവാര്‍ വ്യക്തമാക്കി.
മറ്റു ഘടകകക്ഷികളായ തൃണമൂല്‍ കോണ്‍ഗ്രസും സമാജ്‌വാദി പാര്‍ട്ടിയും കലാമിനുള്ള പിന്തുണ പരസ്യമായി പ്രഖ്യാപിച്ചിട്ടുണ്ട്‌.
മുന്‍ രാഷ്ട്രപതി അബ്ദുള്‍ കലാമിനെ പിന്തുണയ്ക്കുന്ന നിലപാടുതന്നെയാണ്‌ ബിജെപിയും സ്വീകരിക്കുന്നത്‌

Comment: രാഷ്ട്രീയ കക്ഷികള്‍ ശരിയായ തീരുമാനത്തിലേക്ക് വരുന്നത് സന്തോഷകരമായ കാര്യം. ഡോ. കലാം തന്നെയാകട്ടെ നമ്മുടെ അടുത്ത രാഷ്ട്രപതി.

-കെ എ സോളമന്‍ 

പ്രസംഗത്തില്‍ രാഷ്ട്രീയമായ പിശകുപറ്റി : എം.എം മണി

തൊടുപുഴ: തന്റെ പ്രസംഗത്തില്‍ രാഷ്ട്രീയമായ
പിഴവ് സംഭവിച്ചുവെന്ന് എം.എം. മണി പറഞ്ഞു.
 സിപിഎം ഇടുക്കി ജില്ലാസെക്രട്ടറി സ്ഥാനത്തു
നിന്നും മാറ്റിയ സംസ്ഥാന നേതൃത്വത്തിന്റെ
നടപടി അംഗീകരിക്കുന്നു. നടപടി നേരത്തേ
 പ്രതീക്ഷിച്ചതാണ്. മാധ്യമങ്ങളില്‍ നിന്നാണ്
 നടപടിയെക്കുറിച്ച് അറിഞ്ഞത്. ഔദ്യോഗിക
അറിയിപ്പ് ലഭിച്ചിട്ടില്ലെന്നും മണി ചാനലുകള്‍ക്ക്
അനുവദിച്ച അഭിമുഖത്തില്‍ പറഞ്ഞു.

കമന്‍റ്: അപ്പോപ്പിന്നെ നിയമപരമായി പിശകു 
പറ്റിയിട്ടില്ലെന്ന് കരുതിക്കോട്ടെ? 

-കെ എ സോളമന്‍