Posted On: Tue, 31 May 2011
തിരുവനന്തപുരം: ഹയര്‍ സെക്കന്ററി പരീക്ഷാഫലത്തില്‍ ഗുരുതരമായ പിഴവ്‌ ഉണ്ടായതിനെത്തുടര്‍ന്ന്‌ പുതിയ പരീക്ഷാഫലം ഇന്നലെ പുറത്തിറക്കി. രാത്രി വൈകി വെബ്സൈറ്റില്‍ ലഭ്യമായത്‌ ഈ വര്‍ഷത്തെ മൂന്നാമത്തെ പ്ലസ്ടൂ ഫലമാണ്‌. ആദ്യഫലം പുറത്തിറക്കിയപ്പോള്‍ അതില്‍ ഗുരുതരമായ പിശക്‌ ശ്രദ്ധയില്‍പ്പെട്ടിരുന്നു. മിടുക്കരായ പലരും തോറ്റതായി ശ്രദ്ധയില്‍പ്പെട്ടു അന്വേഷണത്തില്‍ പരീക്ഷ നടത്തിപ്പില്‍ ഉണ്ടായ വീഴ്ചയാണ്‌ ഇതിന്‌ പിന്നിലെന്ന്‌ വ്യക്തമായി. തുടര്‍ന്ന്‌ ആ പട്ടികയില്‍ തിരുത്തല്‍ വരുത്തി രണ്ടാമത്‌ പട്ടിക പ്രസിദ്ധീകരിച്ചെങ്കിലും അതിലും തെറ്റുകളുടെ ഘോഷയാത്രയായിരുന്നു. ആദ്യ ഫലത്തില്‍ ജയിച്ചവര്‍ പലരും തോറ്റു. തോറ്റ പലരും ജയിക്കുകയും ചെയ്തു. തുടര്‍ന്നാണ്‌ ഇന്നലെ മൂന്നാമത്തെ പരീക്ഷാഫലം പുറത്തിറക്കിയത്‌. രണ്ടാമത്തെ ഫലത്തില്‍ തോറ്റവരെയൊക്കെ ജയിപ്പിച്ചുകൊണ്ടാണിത്‌.
Comment: Result publication, correction, republication and then rectification etc are all parts of a never ending process.
K A Solaman
Tuesday, 31 May 2011
Monday, 30 May 2011
കാവ്യ മാധവന്‍ വിവാഹമോചിതയായി
Posted On: Mon, 30 May 2011
കൊച്ചി: നടി കാവ്യ മാധവന്‍ വിവാഹമോചിതയായി. കാവ്യയും നിഷാലും സംയുക്‌തമായി സമര്‍പ്പിച്ച വിവാഹമോചന ഹര്‍ജിയിലാണു വിധി. എറണാകുളം കുടുംബകോടതിയാണു നിഷാല്‍ ചന്ദ്രയുമായുള്ള കാവ്യയുടെ വിവാഹ മോചനം അനുവദിച്ചത്‌.
Comment: Hereafter Kavya Madhavan is free bird. Let she contribute more to Malayalam cinema.
-K A Solaman
Friday, 27 May 2011
പുതിയ മദ്യനയം ഉടന്‍ - എക്സൈസ് മന്ത്രി കെ. ബാബു
Posted On: Fri, 27 May 2011
കൊച്ചി: ബിവ്റേജസ് കോര്‍പ്പറേഷന്‍ പുതിയ മദ്യവില്‍പ്പന കേന്ദ്രങ്ങള്‍ തുടങ്ങില്ലെന്ന് എക്സൈസ് മന്ത്രി കെ. ബാബു പറഞ്ഞു. കഴിഞ്ഞ സര്‍ക്കാര്‍ അനുവദിച്ച 12 കേന്ദ്രങ്ങള്‍ തുറക്കില്ലെന്നും മന്ത്രി അറിയിച്ചു.
എന്നാല്‍ ബാര്‍ ലൈസന്‍സ് അനുവദിക്കുന്നതില്‍ നിയന്ത്രണം ഉണ്ടാകില്ല. പുതിയ മദ്യനയം ഉടന്‍ പ്രഖ്യാപിക്കുമെന്നും എക്സൈസ് മന്ത്രി കൊച്ചിയില്‍ വാര്‍ത്താസമ്മേളനത്തില്‍ പറഞ്ഞു. മദ്യ ഉപഭോഗം കുറയ്ക്കുകയാണ് സര്‍ക്കാരിന്റെ നയമെന്നും അദ്ദേഹം പറഞ്ഞു.
|
Comment: Policies are not for implementation However as a policy matter boozers can think of adding adequate water or soda before each intake.
K A Solaman
Thursday, 26 May 2011
പ്ലസ്‌ ടുവിന്‌ 20% സീറ്റ്‌ കൂട്ടും
Posted On: Wed, 25 May 2011
തിരുവനന്തപുരം: പ്ലസ്‌ ടുവിന്‌ എല്ലാ സ്കൂളുകളിലും 20% സീറ്റ്‌ വര്‍ദ്ധിപ്പിക്കാന്‍ മന്ത്രിസഭായോഗം തീരുമാനിച്ചു. സര്‍ക്കാര്‍ സ്കൂളുകളില്‍ ഉടന്‍തന്നെ വര്‍ദ്ധന നടപ്പില്‍ വരുത്തും. സ്വകാര്യ സ്കൂളുകളില്‍ മാനേജ്മെന്റിന്‌ താല്‍പര്യമുണ്ടെങ്കില്‍ വര്‍ദ്ധന നടപ്പാക്കിയാല്‍ മതിയെന്ന്‌ മന്ത്രിസഭായോഗ തീരുമാനം അറിയിച്ചുകൊണ്ട്‌ മുഖ്യമന്ത്രി ഉമ്മന്‍ചാണ്ടി പറഞ്ഞു. വിദ്യാഭ്യാസ അവകാശ നിയമം നടപ്പാക്കുംവരെ സംസ്ഥാനത്ത്‌ ആദിവാസി മേഖലകളിലും പിന്നാക്ക പ്രദേശങ്ങളിലുമുള്ള ബദല്‍ സ്കൂളുകള്‍ തുടരും.
Comment: Does it mean that all parallel colleges should be closed soon? No one will be permitted to learn alphabets. And that is the policy of this government and previous one. It is the parallel colleges that teach illiterate students alphabets and not those posh-posh schools, whether aided or government.
K A Solaman
തിരുവനന്തപുരം: പ്ലസ്‌ ടുവിന്‌ എല്ലാ സ്കൂളുകളിലും 20% സീറ്റ്‌ വര്‍ദ്ധിപ്പിക്കാന്‍ മന്ത്രിസഭായോഗം തീരുമാനിച്ചു. സര്‍ക്കാര്‍ സ്കൂളുകളില്‍ ഉടന്‍തന്നെ വര്‍ദ്ധന നടപ്പില്‍ വരുത്തും. സ്വകാര്യ സ്കൂളുകളില്‍ മാനേജ്മെന്റിന്‌ താല്‍പര്യമുണ്ടെങ്കില്‍ വര്‍ദ്ധന നടപ്പാക്കിയാല്‍ മതിയെന്ന്‌ മന്ത്രിസഭായോഗ തീരുമാനം അറിയിച്ചുകൊണ്ട്‌ മുഖ്യമന്ത്രി ഉമ്മന്‍ചാണ്ടി പറഞ്ഞു. വിദ്യാഭ്യാസ അവകാശ നിയമം നടപ്പാക്കുംവരെ സംസ്ഥാനത്ത്‌ ആദിവാസി മേഖലകളിലും പിന്നാക്ക പ്രദേശങ്ങളിലുമുള്ള ബദല്‍ സ്കൂളുകള്‍ തുടരും.
Comment: Does it mean that all parallel colleges should be closed soon? No one will be permitted to learn alphabets. And that is the policy of this government and previous one. It is the parallel colleges that teach illiterate students alphabets and not those posh-posh schools, whether aided or government.
K A Solaman
Wednesday, 25 May 2011
വി.എസ്‌ പ്രതിപക്ഷ നേതാവ്‌
Posted On: Wed, 25 May 2011
തിരുവനന്തപുരം: നിയമസഭയിലെ പ്രതിപക്ഷ നേതാവായി വി.എസ്‌. അച്യുതാനന്തനെ സിപിഎം പാര്‍ലമെന്ററി പാര്‍ട്ടി യോഗം തെരഞ്ഞെടുത്തു. കോടിയേരി ബാലകൃഷ്ണനെ പ്രതിപക്ഷ ഉപനേതാവായും, എം.എ. ബേബിയെ ചീഫ്‌ വിപ്പായും തെരഞ്ഞെടുത്തു.
Comment: There is no Opposition leader better than VS. However, comrade Thomasji Isaacji has some reservations.
Tuesday, 24 May 2011
വുമണ്‍ എംപവര്‍മെന്റ്‌- കെ.എ.സോളമന്‍
Posted On: Tue, 24 May 2011
ഘടകകക്ഷികള്‍ എന്ന്‌ പേര്‌, ഗടകകക്ഷികള്‍ എന്ന്‌ ചാനല്‍ മൊഴി. ശരിക്കും പറഞ്ഞാല്‍ കലഹകക്ഷികള്‍. കലഹകക്ഷികളില്‍ ചിലത്‌ കളമൊഴിഞ്ഞു. വിഎസ്‌ ഫാക്ടര്‍-വിഎസ്‌ ഘടകം, എന്നൊക്കെ പറയുന്ന ഒരു സാധനമാണ്‌ കാരണം. വിഎസ്‌ ഫാക്ടോറിയല്‍, വിഎസ്‌ ഫാക്ടറൈസേഷന്‍ തുടങ്ങിയ ടേമുകള്‍ പൊതുവിജ്ഞാന പരീക്ഷക്ക്‌ പിഎസ്സി കണ്ടുവെച്ചിട്ടുണ്ട്‌. കളംവിട്ട ഘടകകക്ഷികളില്‍ ജെഎസ്‌എസും കോണ്‍ഗ്രസ്‌ എസും സിഎംപിയും ലയനാനുകൂല-ലയനവിരുദ്ധ-പിളരും വളരും കേരളാ കോണ്‍ഗ്രസ്‌ പി.സി.തോമസ്‌ ഘടകവുമുണ്ട്‌. ഇവരാരും നാടുവിട്ടിട്ടില്ലായെന്നതിന്‌ തെളിവാണ്‌ ഫലപ്രഖ്യാപനത്തിനുശേഷമുള്ള പ്രസ്താവനകള്‍. കലഹകക്ഷികളില്‍ നാലെണ്ണം യുഡിഎഫില്‍നിന്ന്‌ തല്‍ക്കാലം ഒഴിവായെങ്കിലും മാണി കേ. കോ, ജനതാ. എസ്‌, കേ. കോ. ബി, കേ. കോ (ജേക്കബ്‌), ആര്‍എസ്പിബി എന്നീ അളമുറ്റിയ സാധനങ്ങള്‍ അവശേഷിക്കുന്നു.
ഒമ്പത്‌ എംഎല്‍എമാര്‍ മാത്രമുള്ള മാണിക്ക്‌ നാല്‌ മന്ത്രിമാര്‍ വേണമെന്നതാണ്‌ ഡിമാന്റ്‌. അങ്ങനെയെങ്കില്‍ 72 എംഎല്‍എമാര്‍ക്കും കൂടി കുറഞ്ഞത്‌ 35 മന്ത്രിമാര്‍ വേണ്ടിവരും. വകുപ്പുകള്‍ ഇനിയും സൃഷ്ടിക്കാവുന്നതേയുള്ളൂ. മൂന്നുമാസം ഭരണദൗത്യം ഉമ്മന്‍ചാണ്ടിക്ക്‌ നിര്‍വഹിക്കാനാവുമോ എന്നതാണ്‌ രാഷ്ട്രീയ പണ്ഡിറ്റുകളുടെ സംശയം. മാധ്യമ വിചാരകന്‍ സെബാസ്റ്റ്യന്‍ പോള്‍ ദീര്‍ഘദൃഷ്ടിയുള്ള രാഷ്ട്രീയക്കാരനാണ്‌. തോല്‍വി മുന്നില്‍ക്കണ്ട്‌ വക്കീല്‍ ഓഫീസ്‌ തുറന്നത്‌ എന്തുകൊണ്ടും നന്നായി. തെരഞ്ഞെടുപ്പില്‍ തോറ്റെങ്കിലെന്ത്‌, ഗിന്നസ്‌ ബുക്കിലോ, ലിംകാം ബുക്ക്‌ ഓഫ്‌ വേള്‍ഡ്‌ റെക്കോര്‍ഡ്സിലോ ഉടന്‍ കയറിപ്പറ്റും. അച്ഛനോടും മകനോടും അസംബ്ലിയില്‍ തോറ്റ ചരിത്രം അത്യപൂര്‍വം. വിഷമിക്കാനേതുമില്ല, അടുത്ത ഇലക്ഷനിലും പോള്‍ തന്നെയാണ്‌ കാന്‍ഡിഡേറ്റ്‌. എറണാകുളത്തെ ലത്തീന്‍ കത്തോലിക്കരെ നയിക്കാന്‍ പറ്റിയ വേറൊരാളും എല്‍ഡിഎഫിലില്ല.
ക്രിക്കറ്റില്‍ വാതുവെപ്പ്‌ പാടില്ലെന്നാണ്‌ നിയമം. ഏതെങ്കിലും കളിക്കാരന്‌ വാതുവെപ്പുകാരനുമായി ബന്ധമുണ്ടെന്ന്‌ അറിഞ്ഞാല്‍ കളിയില്‍നിന്ന്‌ ഔട്ട്‌. ക്രിക്കറ്റില്‍ ഉള്ളതിനേക്കാള്‍ ശക്തമായ നിയമങ്ങളാണ്‌ ഇലക്ഷന്‍ കമ്മീഷന്റെ തെരഞ്ഞെടുപ്പ്‌ ചട്ടങ്ങള്‍. സ്ഥാനാര്‍ത്ഥി എപ്പോള്‍ ഉറങ്ങണം, എപ്പോള്‍ ഉണരണം, എത്ര മണിക്കൂര്‍ പ്രസംഗിക്കണം, എത്ര ചായ കുടിക്കണം, എത്ര കുട്ടികളുടെ മൂക്ക്‌ പിഴിയണം എന്നതിനൊക്കെ കൃത്യമായ നിയമവും കണക്കുമുണ്ട്‌. എക്സിറ്റ്‌ പോള്‍, എന്‍ട്രന്‍സ്‌ പോള്‍ തുടങ്ങിയ തട്ടിപ്പൊന്നും പാടില്ല. എന്നാല്‍ ഇത്തരം ചട്ടങ്ങള്‍ ബാധകമല്ലാത്ത ഒരു മേഖലയാണ്‌ ഇലക്ഷന്‍ വാതുവെപ്പ്‌ രംഗം. വാതുവെപ്പ്‌ സംബന്ധിച്ച്‌ ഇലക്ഷന്‍ കമ്മീഷന്റേതായി വ്യക്തമായ നിയമമില്ലെന്നതിനുള്ള തെളിവാണ്‌ വെള്ളാപ്പള്ളി-വക്കം പുരുഷോത്തമന്‍ വാതുവെപ്പ്‌, വക്കത്തിന്‌ ഇപ്പോള്‍ വലിയ പണിയൊന്നുമില്ലെങ്കിലും വെള്ളാപ്പള്ളിയുടെ കാര്യം അങ്ങനെയല്ല. 85 സീറ്റ്‌ കിട്ടുമെന്നാണ്‌ ഇത്രയും നാളത്തെ തന്റെ രാഷ്ട്രീയാനുഭവംവെച്ച്‌ വക്കം വാദിച്ചത്‌. വെറും 75ല്‍ താഴെ സീറ്റ്‌ മാത്രമാണ്‌ വെള്ളാപ്പള്ളി അനുവദിച്ചുകൊടുത്തത്‌. തുടര്‍ന്ന്‌ വാതുവെപ്പാകുകയും സമ്മാനം പണത്തിന്‌ പകരം സ്വര്‍ണമോതിരമായി നിശ്ചയിക്കുകയും ചെയ്തു.
ഫലം വന്നപ്പോള്‍ യുഡിഎഫ്‌ 72-ല്‍ കുറ്റിയടിച്ചു. ഒരിടത്തും തോല്‍ക്കാത്ത വെള്ളാപ്പള്ളി ഇവിടെയും ജയിച്ചു. വക്കം മോതിരം പണിഞ്ഞുകൊണ്ടിരിക്കുകയാണ്‌. സമൂഹത്തിലെ പ്രമാണിമാരും മുതലാളിമാരുമാണ്‌ രണ്ടുപേരും ഒരു മോതിരമൊന്നൊക്കെവെച്ചാല്‍ അവരുടെ നിലയില്‍ പത്ത്‌ പവനെങ്കിലും വേണം. ഒന്നരലക്ഷത്തില്‍ കുറയില്ല മോതിരം പണിത്‌ കൈയില്‍ കിട്ടുമ്പോള്‍. ഒന്നരലക്ഷത്തിന്റെ ഈ വാതുവെപ്പ്‌ സാമുദായിക പരിഗണനവെച്ച്‌ തെരഞ്ഞെടുപ്പ്‌ കമ്മീഷന്‍ അനുവദിച്ചുകൊടുത്തതാണോ? കഷ്ടകാലമെന്നല്ലാതെന്തുപറയാന്‍, ഗൗരിയമ്മയ്ക്ക്‌ വയസുകാലത്ത്‌ പത്ത്‌ പവന്റെ മോതിരം നഷ്ടമായി. ജെഎസ്‌എസില്‍ വെള്ളാപ്പള്ളിക്ക്‌ മുടക്കുമുതലില്ല എന്നുപറഞ്ഞതാണ്‌ കുഴപ്പമായത്‌, എതിര്‍ സ്ഥാനാര്‍ത്ഥി തിലോത്തമന്റെ ഭൂരിപക്ഷം 18000 ആയി. തിലോത്തമന്റെ ഒരു ഭാഗ്യം. തമിഴ്‌നാട്ടിലാണെങ്കില്‍ വാതുവെപ്പ്‌ ഒരു പടികൂടി കടക്കും. സ്ഥാനാര്‍ത്ഥി തോറ്റാല്‍ ആത്മഹത്യ, ജയിച്ചാല്‍ നാക്ക്‌ മുറിച്ച്‌ പ്രകടനം. നാക്ക്‌ തിരികെ തുന്നിച്ചേര്‍ക്കാന്‍ അമ്മ ലക്ഷങ്ങള്‍ മുടക്കുമെന്ന്‌ തോഴര്‍ക്കറിയാം. നാക്ക്‌ മുറിക്കുന്നത്‌ സംബന്ധിച്ച്‌ ചട്ടങ്ങളും ഇലക്ഷന്‍ കമ്മീഷന്‍ രേഖകകളില്ല. സൗജന്യ അരി, റേഡിയോ, ടിവി തുടങ്ങിയ ഗിഫ്റ്റുമായി സ്ഥാനാര്‍ത്ഥികള്‍ എത്തിയാല്‍ തമിഴന്മാര്‍ ഓടിച്ചിട്ട്‌ തല്ലും. അവര്‍ക്ക്‌ മിനിമം ലാപ്ടോപ്പ്‌ മതി, ഇല്ലെങ്കില്‍ വോട്ടില്ല.
തെരഞ്ഞെടുപ്പ്‌ ഫലം വന്നതോടെ പെണ്‍വാണിഭവും ജനകീയമായി. പെണ്‍വാണിഭത്തിന്റെ ആരോപണവിധേയര്‍ക്കാണ്‌ മൃഗീയ ഭൂരിപക്ഷം. പി.ശശി മത്സരിക്കാതിരുന്നത്‌ മോശമായിപ്പോയി. മറിച്ചായിരുന്നെങ്കില്‍ ഉബൈദിന്റെ ഭൂരിപക്ഷം മറികടക്കുമായിരുന്നു, ഭരണമാറ്റം സംഭവിക്കില്ലായിരുന്നു. യുഡിഎഫ്‌ അധികാരത്തിലെത്തിയതോടെ വുമണ്‍ എംപവര്‍മെന്റ്‌-സ്ത്രീ ശാക്തീകരണം ശക്തമാകുന്ന ലക്ഷണമുണ്ട്‌. നിയമസഭയില്‍ ആകെ ഏഴ്‌ പെണ്ണുങ്ങളേയുള്ളൂ. അതും കോണ്‍ഗ്രസില്‍നിന്ന്‌ ഒന്നുമാത്രം. തലസ്ഥാനത്തെ കോണ്‍ഗ്രസ്‌ എംപി മൂന്ന്‌ സ്ത്രീകളെ പലപ്പോഴായി വാഴിച്ചപ്പോഴാണ്‌ കോണ്‍ഗ്രസില്‍ സ്ത്രീകളോട്‌ കടുത്ത അയിത്തം. സ്ത്രീ ശാക്തീകരണം ഇനി ഏക എംഎല്‍എ ജയലക്ഷ്മിയുടെ കൈയില്‍. ശ്രീമതി ടീച്ചറെപ്പോലെ നിയമസഭാ ഹാളിലെ സ്പിരിറ്റിന്റെ മണം പുറംലോകത്തെ അറിയിക്കാന്‍ ഒരാളുവേണ്ടെ?
ഒക്ലോഫോബിയ എന്നൊരു രോഗമുണ്ട്‌. ആള്‍ക്കൂട്ടത്തെ ഭയക്കുന്നതാണ്‌ ലക്ഷണം. ഇതിന്റെ വൈറസ്‌ കിട്ടുമെങ്കില്‍ കോണ്‍ഗ്രസ്‌ നേതാക്കള്‍ക്ക്‌ കുറേശ്ശെ കുത്തിവെക്കുന്നത്‌ നന്നായിരിക്കും. കാമറയുടെ മുന്നിലേക്കുള്ള തള്ളിക്കയറ്റം അത്ര ശക്തമാണ്‌.
Sunday, 22 May 2011
സിനിമാ സബ്സിഡി വര്‍ദ്ധിപ്പിക്കുന്നത്‌ പരിഗണിക്കും: മന്ത്രി ഗണേശ്കുമാര്‍
Posted On: Sun, 22 May 2011 21:48:49
തിരുവനന്തപുരം: സിനിമാ നിര്‍മ്മാണത്തിന്‌ സബ്സിഡി വര്‍ദ്ധിപ്പിക്കുന്ന കാര്യം സര്‍ക്കാര്‍ പരിഗണിക്കുമെന്ന്‌ മന്ത്രി കെ.ബി.ഗണേശ്കുമാര്‍ അറിയിച്ചു. മുഖ്യമന്ത്രി, ധനമന്ത്രി എന്നിവരുമായി കൂടിയാലോചിച്ച്‌ ഇക്കാര്യത്തില്‍ തീരുമാനമെടുക്കും. തിരുവനന്തപുരത്ത്‌ ചലച്ചിത്ര പുരസ്കാരങ്ങള്‍ പ്രഖ്യാപിച്ചു കൊണ്ടുള്ള വാര്‍ത്താ സമ്മേളനത്തിലാണ്‌ മന്ത്രി ഇതറിയിച്ചത്‌. സബ്സിഡി വര്‍ദ്ധിപ്പിക്കണമെന്നതുള്‍പ്പടെ ചലച്ചിത്ര പുരസ്കാര ജൂറി സര്‍ക്കാരിന്‌ നല്‍കിയ നിര്‍ദ്ദേശങ്ങള്‍ നടപ്പാക്കുന്നതിന്‌ കൂടുതല്‍ ചര്‍ച്ച നടത്തുമെന്നും മന്ത്രി പറഞ്ഞു.
Comment: Not only this. Consider subsidy for better food and facilities for prisoners also.
K A Solaman
തിരുവനന്തപുരം: സിനിമാ നിര്‍മ്മാണത്തിന്‌ സബ്സിഡി വര്‍ദ്ധിപ്പിക്കുന്ന കാര്യം സര്‍ക്കാര്‍ പരിഗണിക്കുമെന്ന്‌ മന്ത്രി കെ.ബി.ഗണേശ്കുമാര്‍ അറിയിച്ചു. മുഖ്യമന്ത്രി, ധനമന്ത്രി എന്നിവരുമായി കൂടിയാലോചിച്ച്‌ ഇക്കാര്യത്തില്‍ തീരുമാനമെടുക്കും. തിരുവനന്തപുരത്ത്‌ ചലച്ചിത്ര പുരസ്കാരങ്ങള്‍ പ്രഖ്യാപിച്ചു കൊണ്ടുള്ള വാര്‍ത്താ സമ്മേളനത്തിലാണ്‌ മന്ത്രി ഇതറിയിച്ചത്‌. സബ്സിഡി വര്‍ദ്ധിപ്പിക്കണമെന്നതുള്‍പ്പടെ ചലച്ചിത്ര പുരസ്കാര ജൂറി സര്‍ക്കാരിന്‌ നല്‍കിയ നിര്‍ദ്ദേശങ്ങള്‍ നടപ്പാക്കുന്നതിന്‌ കൂടുതല്‍ ചര്‍ച്ച നടത്തുമെന്നും മന്ത്രി പറഞ്ഞു.
Comment: Not only this. Consider subsidy for better food and facilities for prisoners also.
K A Solaman
Subscribe to:
Posts (Atom)