ബാര്‍ ലൈസന്‍സ്: യോജിച്ച തീരുമാനം ആയിട്ടില്ലെന്ന് മുഖ്യമന്ത്രി

തിരുവനന്തപുരം: ബാര്‍ ലൈസന്‍സ് വിഷയത്തില്‍ യോജിച്ച തീരുമാനം ആയിട്ടില്ലെന്ന് മുഖ്യമന്ത്രി ഉമ്മന്‍ചാണ്ടി. കോണ്‍ഗ്രസില്‍ തീരുമാനം ആയിട്ടില്ല. തീരുമാനം ഉണ്ടാവുമെന്ന് അദ്ദേഹം മാധ്യമ പ്രവര്‍ത്തകരോട് പറഞ്ഞു.

നിയമപരവും നയപരവുമായ പ്രശ്‌നങ്ങള്‍ പരിഗണിക്കേണ്ടതുണ്ട്. ഇക്കാര്യത്തില്‍ കോണ്‍ഗ്രസില്‍ ആര്‍ക്കും പിടിവാശിയില്ല. കെ പി സി സി പ്രസിഡന്റാണ് ഭരണം നടത്തുന്നതെന്ന തെറ്റിദ്ധാരണ ആര്‍ക്കുമില്ല. യു ഡി എഫിലെ ഓരോ പാര്‍ട്ടിക്കും സ്വന്തം നയവും നിലപാടുമുണ്ട്. അവകൂടിപരിഗണിക്കേണ്ടിവരും.

മദ്യത്തില്‍ നിന്നുള്ള വരുമാനമാണ് നിരോധനം ഏര്‍പ്പെടുത്തുന്നതിന് തടസമെന്ന ധാരണയുണ്ട്. അത് ശരിയല്ല. എന്നാല്‍ , മദ്യ നിരോധനം നടപ്പാക്കുന്നതിന് തടസങ്ങളുണ്ട്. മദ്യാസക്തി കുറച്ചുകൊണ്ടുവരാതെ മദ്യനിരോധനം നടപ്പാക്കാന്‍ ശ്രമിച്ചാല്‍ ഗുരുതരമായ ഭവിഷ്യത്തുകളുണ്ടാവും. മദ്യവര്‍ജനത്തെപ്പറ്റി ബോധവത്കരണം നടത്തുക, പിന്നീട് ഘട്ടം ഘട്ടമായി മദ്യനിരോധനം നടപ്പാക്കുക എന്നതാവും പ്രായോഗികം. 

Comment: ഒരു ഫുള്‍ ബോട്ടില്‍ കൊണ്ട് തീര്‍ക്കാവുന്ന പ്രശ്നമാണ് ചുമ്മാ നീട്ടിക്കൊണ്ടു പോകുന്നത് .

-കെ എ സോളമന്‍ 

സിനിമ ഷൂട്ടിങ്ങിനിടെ സംവിധായകന്‍ കൊലക്കേസില്‍ അറസ്റ്റിലായി

കൊച്ചി: ഷൂട്ടിങ്ങിനിടെ സംവിധായകന്‍ കൊലക്കേസില്‍ അറസ്റ്റിലായി. 'എന്ന് സ്വന്തം ഇലഞ്ഞിക്കാവ് പി.ഒ' എന്ന ചിത്രത്തിന്റെ ഷൂട്ടിങ്ങിനിടെയാണ് സംഭവം. അഡ്വ. സംഗീത് ലൂയിസാണ് അറസ്റ്റിലായത്. പേരയം സ്വദേശി ദീപുവിനെ കൊലപ്പെടുത്തിയ കേസിലാണ് ലൂയിസിനെ അറസ്റ്റ് ചെയ്തത്. സംവിധായകന്‍ തന്നെ രചനയും സംവിധാനവും നിര്‍വഹിക്കുന്ന ചിത്രമായ 'എന്ന് സ്വന്തം ഇലഞ്ഞിക്കാവ് പി.ഒ' യില്‍ സലിംകുമാറും ജയറാമുമാണ് പ്രധാന വേഷങ്ങള്‍ ചെയ്യുന്നത്. സംഗീത് ലൂയിസിന്റെ കന്നിചിത്രമാണിത്. ചീഫ് വിപ്പ് പി.സി ജോര്‍ജ്ജ് ഈ ചിത്രത്തില്‍ ആഭ്യന്തരമന്ത്രിയായും അഭിനയിക്കുന്നുണ്ട്.

Comment: ഗിന്നസ് ബുക്കില്‍ കയറുമോ സംവിധായകന്‍ ?

-കെ എ സോളമന്‍ 

പുരസ്‌കാരദാന സമ്മേളനം

പുന്നപ്ര: ആലപ്പി ആര്‍ട്‌സ് ആന്‍ഡ് കമ്മ്യൂണിക്കേഷന്‍സിന്റെ പുരസ്‌കാരദാന സമ്മേളനം ഡോ. പള്ളിപ്പുറം മുരളി ഉദ്ഘാടനം ചെയ്തു. ഇ.ഖാലിദ് അധ്യക്ഷത വഹിച്ചു. കെ.എ.സോളമനും ബി.സുജാതനും  നടന്‍ റിയാസ് പുരസ്‌കാരം നല്‍കി.

അലിയാര്‍ എം.മാക്കിയില്‍, ജോസഫ് ചാക്കോ, ജെസി അലക്‌സ്, ബി.ജോസുകുട്ടി, മംഗലശ്ശേരി പത്മനാഭന്‍, അഡ്വ. പ്രദീപ് കൂട്ടാല, പുന്നപ്ര അപ്പച്ചന്‍, ഫിലിപ്പോസ് തത്തംപള്ളി, ദേവന്‍ പി.വണ്ടാനം, മുരളി ആലിശ്ശേരി, എബി ഉണ്ണി, നൈനാ മണ്ണഞ്ചേരി, ശശിധരകണിയാര്‍, പി.സുകുമാരന്‍, ആദില എ.കബീര്‍, എം.ഷീജ, ഹസന്‍ എം.പൈങ്ങാമഠം എന്നിവര്‍ പ്രസംഗിച്ചു. സാഹിത്യസംഗമം കരുമാടി ബാലകൃഷ്ണന്‍ ഉദ്ഘാടനം ചെയ്തു. വയലാര്‍ ഗോപാലകൃഷ്ണന്‍ അധ്യക്ഷത വഹിച്ചു. ചന്ദ്രന്‍ പുറക്കാട്, അനില ജി.നായര്‍, പീറ്റര്‍ ബെഞ്ചമിന്‍, കരുവാറ്റ വിശ്വന്‍, പി.കെ.മുരളീധരന്‍, ലാന്‍സി മാരാരിക്കുളം, സണ്ണി പുന്നയ്ക്കല്‍, ശോഭ രാജപ്പന്‍, ഗോപി, സാവിത്രി, ഹാദിയ ഹനീസ്, സഫിയ സുധീര്‍ എന്നിവര്‍ സൃഷ്ടികള്‍ അവതരിപ്പിച്ചു. 

കോയിക്കലേത്ത് രാധാകൃഷ്ണന്റെ 'ഭീരുത്വത്തിന്റെ വലക്കണ്ണികള്‍' എന്നകൃതി ചര്‍ച്ചചെയ്തു.

Mathrubhumi on 30-4-14

ബാര്‍ ലൈസന്‍സ്‌ വിഷയത്തില്‍ കൂടുതല്‍ ചര്‍ച്ചയ്‌ക്ക് തയാറെന്ന്‌ സൂധീരന്‍

തിരുവനന്തപുരം : ബാര്‍ ലൈസന്‍സ്‌ വിഷയത്തില്‍ കൂടുതല്‍ ചര്‍ച്ചയ്‌ക്ക് തയാറാണെന്ന്‌ കെപിസിസി പ്രസിഡന്റ്‌ വി. എം സുധീരന്‍ .മുഖ്യമന്ത്രി ഉമ്മന്‍ചാണ്ടിയേയും ആഭ്യന്തരമന്ത്രി രമേശ്‌ ചെന്നിത്തലയേയും ഫോണില്‍ വിളിച്ച്‌ സുധീരന്‍ ഇക്കാര്യം അറിയിച്ചു.

പാര്‍ട്ടി-സര്‍ക്കാര്‍ ഏകോപന സമിതി കൂടേണ്ടതുണ്ടെങ്കില്‍ അതിനും സന്നദ്ധനാണെന്നും സുധീരന്‍ വ്യക്‌തമാക്കി. ഇന്ന്‌ രാവലെയാണ്‌ സുധീരന്‍ ഇരുവരേയും ഫോണിലൂടെ ഇക്കാര്യം അറിയിച്ചത്‌.

കമെന്‍റ്: തല്‍ക്കാലം ഇങ്ങനെപോട്ടെ, കൂടിയന്‍മാര്‍ കുറച്ചു ദിവസം ക്യൂ നിന്നാല്‍ ആകാശം ഇടിഞ്ഞു വീഴുമോ?

-കെ എ സോളമന്‍ 

സര്‍ക്കാരിന് വരവില്ല; ഈ മാസം രണ്ടാംതവണയും ആയിരംകോടി കടമെടുക്കുന്നു

* ഏപ്രിലില്‍ത്തന്നെ കടം 2000 കോടിയായി
* വാര്‍ഷിക പദ്ധതിച്ചെലവ് 90 ശതമാനം
* പിരിച്ചെടുക്കാനുള്ളത് 5000 കോടി
* ജൂണ്‍വരെ നികുതിവരവ് നാമമാത്രമാവും

തിരുവനന്തപുരം: മാര്‍ച്ചുമാസത്തെ ചെലവുകള്‍ മുണ്ടുമുറുക്കിയുടുത്ത് നേരിട്ട സര്‍ക്കാര്‍ ഈ മാസം തന്നെ രണ്ടാമതും ആയിരംകോടി രൂപകൂടി കടമെടുക്കുന്നു. സാമ്പത്തികവര്‍ഷത്തിന്റെ ആദ്യമാസങ്ങളായതിനാലും തിരഞ്ഞെടുപ്പുകാലത്തെ ഭരണസ്തംഭനവും കാരണം വരവില്ലാത്തിനാല്‍ ജൂണ്‍ വരെ തള്ളി നീക്കാനുള്ള മുന്‍കരുതലെന്ന നിലയ്ക്കാണ് ഈ കടംവാങ്ങല്‍ .

സാമ്പത്തിക പ്രതിസന്ധിയില്‍ നിന്ന് കരകയറാന്‍ മെയില്‍ ഊര്‍ജിത കുടിശ്ശിക പിരിച്ചെടുക്കല്‍ പരിപാടി നടപ്പാക്കാനും തീരുമാനിച്ചിട്ടുണ്ട്. അയ്യായിരംകോടി രൂപയാണ് ഇനിയും പിരിച്ചെടുക്കാനുള്ളത്. ഇതില്‍ വലിയ പങ്കും വാണിജ്യ നികുതിയാണ്.

മാര്‍ച്ചില്‍ 9,200 കോടിയോളം ചെലവിട്ട് ഖജനാവ് ഒഴിഞ്ഞതിനാല്‍ ശമ്പളം ഉള്‍പ്പടെയുള്ള ചെലവുകള്‍ക്ക് സര്‍ക്കാര്‍ ബുദ്ധിമുട്ടി. കടപ്പത്രമിറക്കി 2500 കോടിരൂപ കടമെടുക്കാന്‍ കേന്ദ്രത്തിന്റെ അനുമതി തേടിയെങ്കിലും ആയിരം കോടിക്കുമാത്രമേ അംഗീകാരം കിട്ടിയുള്ളൂ. ഇതുകാരണമാണ് ആഴ്ചകള്‍ക്കുള്ളില്‍ വീണ്ടും ആയിരംകോടി രൂപക്കുകൂടി കടപ്പത്രം പുറപ്പെടുവിക്കേണ്ടി വന്നത്. റിസര്‍വ് ബാങ്ക് വഴി ഇത്തരത്തില്‍ ഈ വര്‍ഷം കേരളത്തിന് കടമെടുക്കാവുന്ന പരിധി 13,500 കോടി രൂപയാണ്. ഇതില്‍ രണ്ടായിരംകോടിയും ആദ്യമാസം തന്നെ കടമെടുക്കുകയാണ്.

കഴിഞ്ഞദിവസത്തെ കണക്കനുസരിച്ച് ട്രഷറിയിലെ നീക്കിയിരുപ്പ് 1200 കോടിയാണ്. ഏപ്രില്‍ 23 ന് നടക്കുന്ന കടപ്പത്ര ലേലത്തിലൂടെ ആയിരംകോടികൂടി കിട്ടും. എന്നാല്‍ ഇനി ജൂണ്‍മാസം മുതലേ വാണിജ്യ നികുതിയും മറ്റ് വരവുകളും കിട്ടിത്തുടങ്ങൂ. അതുവരെ കേന്ദ്രത്തില്‍ നിന്നും വലിയതോതില്‍ പണമൊന്നും കിട്ടാനുമില്ല. കേന്ദ്രത്തില്‍ നാലുമാസത്തെ ചെലവുകള്‍ക്കുള്ള വോട്ട് ഓണ്‍ അക്കൗണ്ട് മാത്രമേ പാസ്സാക്കിയിട്ടുള്ളൂ. ഇനി പുതിയ സര്‍ക്കാര്‍ അധികാരത്തില്‍ വന്ന് ബജറ്റ് പാസ്സാക്കിയാലേ പദ്ധതികളുടെ അടിസ്ഥാനത്തില്‍ സംസ്ഥാനത്തിന് പണം ലഭിക്കൂ. ഇതാണ് ഇപ്പോള്‍ കേരളം നേരിടുന്ന പ്രതിസന്ധി. 

Comment: വരവ് ക =ഇല്ല ക , ചെലവ് ക =ഉണ്ട് ക. കടം വാങ്ങികള്‍ക്ക് മാതൃകയായ കടം വാങ്ങി സര്ക്കാര്‍! 

-കെ എ സോളമന്‍ 

പ്രൊഫ. കെ.എ. സോളമനും ബി. സുജാതനും പുരസ്‌കാരം

Mathrubhumi Posted on: 21 Apr 2014

ആലപ്പുഴ: അക്ഷരസ്‌നേഹികളുടെ കൂട്ടായ്മയായ ആലപ്പി ആര്‍ട്‌സ് ആന്‍ഡ് കമ്മ്യൂണിക്കേഷന്‍സിന്റെ വൈജ്ഞാനിക പ്രതിഭാപുരസ്‌കാരം പ്രൊഫ. കെ.എ.സോളമനും സാമൂഹ്യ പ്രതിഭാ പുരസ്‌കാരം ബി. സുജാതനും നല്കും. 26ന് പുന്നപ്ര എസ്.എന്‍.ഡി.പി. പ്രാര്‍ഥനാലയത്തില്‍ നടക്കുന്ന സാംസ്‌കാരിക സമ്മേളനത്തില്‍ കേന്ദ്രമന്ത്രി കെ.സി.വേണുഗോപാല്‍ പുരസ്‌കാരം സമ്മാനിക്കുമെന്ന് പ്രസിഡന്റ് ഇ. ഖാലിദ്, അഡ്വ. പ്രദീപ് കൂട്ടാല എന്നിവര്‍ അറിയിച്ചു.

പരിപാടിയുടെ ഭാഗമായി രണ്ടുമുതല്‍ സാഹിത്യ സംഗമവും പുസ്തക ചര്‍ച്ചയും നടത്തും. കരുമാടി ബാലകൃഷ്ണന്‍ ഉദ്ഘാടനം ചെയ്യും. വയലാര്‍ ഗോപാലകൃഷ്ണന്‍ അധ്യക്ഷത വഹിക്കും. 4.30ന് സാംസ്‌കാരിക സമ്മേളനം കേന്ദ്രമന്ത്രി കെ.സി.വേണുഗോപാല്‍ ഉദ്ഘാടനം ചെയ്യും. ഇ.ഖാലിദ് അധ്യക്ഷത വഹിക്കും. ഡോ. പള്ളിപ്പുറം മുരളി, പൂച്ചാക്കല്‍ ഷാഹുല്‍ എന്നിവര്‍ മുഖ്യപ്രഭാഷണം നടത്തും. നടന്‍ റിയാസ് പ്രതിഭകളെ ആദരിക്കും.

മുട്ടാര്‍ പഞ്ചായത്തിനു മുന്നില്‍ !

മുന്‍ എക്സിക്ക്യുട്ടീവ് ഓഫീസര്‍(1978-പഞ്ചായത്ത് സെക്രെട്ടറി അല്ല!) അദ്ദേഹത്തിന്റെ  മകന്റെ മകളുമായി മുട്ടാര്‍ പഞ്ചായത്ത്  ഒഫീസിന്  മുന്നില്‍ ഒരു ഒഴിവ് ദിവസം (18-4-2014)