ട്യൂഷൻ സെൻററുകൾ നിരോധിക്കുമ്പോൾ ?

#ട്യൂഷൻ സെൻ്ററുകൾ നിരോധിക്കുമ്പോൾ ?

ചെറിയ ട്യൂഷൻ സെൻ്ററുകൾ നിരോധിക്കാനുള്ള  സർക്കാർ നീക്കം അംഗീകരിക്കാനാവില്ല, പ്രത്യേകിച്ച് ആസ്ബറ്റോസ് അല്ലെങ്കിൽ അലുമിനിയം ഷീറ്റുകൾക്ക് കീഴിൽ പ്രവർത്തിക്കുന്നവയുടെ. ഈ സമീപനം വിദ്യാസമ്പന്നരായ ചെറുപ്പക്കാർ നടത്തുന്ന, സാമ്പത്തികം കുറഞ്ഞ പശ്ചാത്തലമുള്ള  സ്ഥാപനങ്ങളെ അന്യായമായി ബാധിക്കും .  

ചെറിയ ട്യൂഷൻ സെൻ്ററുകൾ പാവപ്പെട്ട കുട്ടികൾക്ക്  അധിക പഠന സഹായം ലഭിക്കുന്നതിന് താങ്ങാവുന്നവയാണ്. അതോടാപ്പം അവയുടെ ഉടമകൾക്ക് ഉപജീവനത്തിൻ്റെ പ്രാഥമിക സ്രോതസ്സായി. ഉപകരിക്കുകയും ചെയ്യുന്നു. ലോട്ടറി വിറ്റു ജീവിക്കുന്നതിനേക്കാൾ അന്തസ്സായ മാർഗമാണ് ട്യൂഷനെടുത്തു ജീവിക്കുക യെന്നത്. അത് ഇല്ലാതാക്കുന്നത് മനുഷ്യത്വരഹിതമാണ്, മര്യാദകേടാണ്

 മേൽക്കൂര പോലുള്ള ഘടനാപരമായ വിഷയങ്ങളിൽ ശ്രദ്ധ കേന്ദ്രീകരിക്കുന്നതിലൂടെ, സർക്കാർ സ്ഥാപനങ്ങൾ ഉൾപ്പെടെ നിരവധി സ്കൂളുകൾ സമാനമായ രീതിയിൽ പ്രവർത്തിക്കുന്ന വസ്തുത അധികൃതർ അവഗണിക്കുന്നു..  സമൂഹത്തിൽ നിലനിൽക്കുന്ന വിദ്യാഭ്യാസ അസമത്വങ്ങൾ പരിഹരിക്കാതെ ഈ ട്യൂഷൻ കേന്ദ്രങ്ങൾ അടച്ചുപൂട്ടുന്നത്, ഉയർന്ന നിലവാരമുള്ള കോച്ചിംഗ് സെൻ്ററുകളിലേക്ക് മാറാനുള്ള വിഭവങ്ങളോ  സ്വാധീനമോ ഇല്ലാത്ത പാവപ്പെട്ടവരെ ദോഷകരമായി ബാധിക്കും.

 മറുവശത്ത്, പാലാ ബ്രില്ലിയൻ്റ്, സൈലം, ആകാശ് തുടങ്ങിയ വലിയ, ചെലവേറിയ കോച്ചിംഗ് സെൻ്ററുകൾ, സമ്പന്ന കുടുംബങ്ങളെ പരിപോഷിക്കുകയും  അമിതമായ ഫീസ് ഈടാക്കുകയും പാവപ്പെട്ടവരെ നിരാകരിക്കുകയും ചെച്ചുന്നു.. പാവപ്പെട്ട കുട്ടികൾക്ക് ഇവർ സ്കോളർഷിപ്പ് നൽകുന്നുഎന്നൊക്കെ പറയുമ്പോൾ അവ പരിശോധിക്കാൻ ഇവിടെ സംവിധാനങ്ങൾ ഇല്ല

മെഡിക്കൽ, എഞ്ചിനീയറിംഗ് പ്രവേശനത്തിനായി ആഗ്രഹിക്കുന്ന വിദ്യാർത്ഥികളുടെയും രക്ഷകർത്താക്കളെയും സമ്മർദ്ദത്തിലാഴ്ത്തി  അവരുടെ ഉത്കണ്ഠയിൽ നിന്നും ഈ കേന്ദ്രങ്ങൾ ലാഭം കൊയ്യുന്നു.

വിദ്യാർത്ഥികളുടെ ക്ഷേമത്തിൽ ഗവൺമെൻ്റിന് യഥാർത്ഥ ഉത്കണ്ഠയുണ്ടെങ്കിൽ, വിദ്യാഭ്യാസത്തിൻ്റെ പേരിൽ വിദ്യാർത്ഥികളെയും രക്ഷിതാക്കളെയും ചൂഷണം ചെയ്യുന്ന ഈ വലിയ സ്ഥാപനങ്ങളെ നിയന്ത്രിക്കുന്നതിൽ ശ്രദ്ധ കേന്ദ്രീകരിക്കണം.  ചെറിയ ട്യൂഷൻ സെൻ്ററുകൾ അടച്ചുപൂട്ടുന്നത് ഈ വലിയ കോച്ചിംഗ് ബിസിനസ്സുകളെ സഹായിക്കാൻ വേണ്ടിയാകരുത്. അങ്ങനെ ആയാൽ അത് അന്യായമായ വിദ്യാഭ്യാസ കുത്തക സൃഷ്ടിക്കുകയും വിദ്യാഭ്യാസ കാര്യത്തിൽ സമ്പന്നരും ദരിദ്രരും തമ്മിലുള്ള വിടവ് വർദ്ധിപ്പിക്കുയും ചെയ്യും. പാവപ്പെട്ട വിദ്യാർത്ഥികൾക്കും ജീവിതവും സ്വപ്നവും ഉണ്ടെന്ന് ചെറിയ ട്യൂഷൻ കേന്ദ്രങ്ങൾ അടച്ചുപൂട്ടാൻ ഒരുമ്പെട്ടിറങ്ങിയ അധികാരികൾ ഓർക്കണം

 -കെ എ സോളമൻ