ടെലിവിഷൻ കോടതി

#ടെലിവിഷൻ #കോടതി.

കുറ്റകൃത്യങ്ങൾ നടക്കുമ്പോൾ പോലീസിനെയോ നിയമ സ്ഥാപനങ്ങളെയോ സമീപിക്കുന്നതിനുപകരം ഇന്ന് കേരളത്തിലെ പല സ്ത്രീകളും ടെലിവിഷൻ ചാനലുകളെയാണ് ആശ്രയിക്കുന്നത്. മുമ്പ്, അവർ നേരിട്ട് പോലീസ് സ്റ്റേഷനിലേക്ക് പോകുമായിരുന്നു, എന്നാൽ ഇപ്പോൾ മാധ്യമങ്ങൾക്ക് വേഗത്തിൽ നീതി നൽകാൻ കഴിയുമെന്നോ അല്ലെങ്കിൽ കുറഞ്ഞത് അവരുടെ പ്രശ്നം പൊതുജനങ്ങളെ അറിയിക്കാൻ കഴിയുമെന്നോ അവർ വിശ്വസിക്കുന്നതായി തോന്നുന്നു. 

പോലീസിലും വനിതാ കമ്മീഷനിലും മനുഷ്യാവകാശ കമ്മീഷനിലും കോടതികളിലും വിശ്വാസക്കുറവാണവർക്ക്. നീതി വൈകിയാലും നിഷേധിക്കപ്പെട്ടാലും, ടിവിയിൽ കാണിച്ചാൽ സമുഹം അവരുടെ പ്രശ്നത്തെക്കുറിച്ച് സംസാരിക്കുമെന്ന് ചില സ്ത്രീകൾ ചിന്തിക്കുന്നു. 

എന്നാൽ , മാധ്യമ സ്ഥാപനങ്ങൾ നീതിയല്ല, സെൻസേഷണൽ വാർത്തകളുടെ പിന്നാലെയാണ് ഓടുന്നത്. അത്തരം കേസുകൾ രാവും പകലും ടെലികാസ്റ്റ് ചെയ്യുന്നതിലൂടെ, കൂടുതൽ ശ്രദ്ധയോടെയും സ്വകാര്യമായും കൈകാര്യം ചെയ്യേണ്ട കാര്യങ്ങൾ  അവർ കൊച്ചുകുട്ടികളുടെ മുന്നിലും വിളമ്പുന്നു. നല്ലതേത്,  മോശം എന്ത് എന്ന് കുട്ടികൾക്ക് തിരിച്ചറിയാൻ പറ്റാത്ത അവസ്ഥ.

ലൈംഗിക വിഷയങ്ങളുടെ കാര്യത്തിൽ, പുരുഷന്മാരും സ്ത്രീകളും ഉത്തരവാദികളാണ്, എന്നാൽ കേരളത്തിലെ പ്രത്യേകാവസ്ഥയിൽ, പുരുഷന്മാരെ പലപ്പോഴും കുറ്റവാളികളായി മുദ്രകുത്തുകയും സ്ത്രീകളെ  നിരപരാധികളായി കാണുകയും ചെയ്യുന്നു. നിരപരാധികളായ പുരുഷന്മാരെപ്പോലും അപഹസിക്കുന്ന അന്യായമായ മനോഭാവമാണിത്.  മാധ്യമ വിചാരണകൾ ഒരു കൂട്ടരെ ഇരയായും എതിർഭാഗത്തുള്ളവരെ കുറ്റവാളിയായും ചിത്രീകരിക്കുന്നതിലൂടെ ഇത് കൂടുതൽ സങ്കീർണമാകുന്നു.

ടിവി ചാനലുകൾ മണിക്കൂറുകളോ ദിവസങ്ങളോ ലൈംഗിക പീഡന കേസുകൾ ആവർത്തിച്ച് ചർച്ച ചെയ്യുന്നത് തടയുന്ന വ്യക്തമായ നിയന്ത്രണങ്ങൾ ഉണ്ടാകണം.. കാരണം അത്തരം ചർച്ചകൾ ഗുണത്തേക്കാളേറെ ദോഷമാണ് സൃഷ്ടിക്കുന്നത്. ശ്രദ്ധ ആകർഷിക്കുന്ന സ്വഭാവമുള്ള കുറച്ച് സ്ത്രീകൾ സ്വന്തം നേട്ടത്തിനായി മാധ്യമങ്ങളെ ദുരുപയോഗം ചെയ്യുന്നു, സമൂഹം അതിന് വലിയ വില കൊടുക്കേണ്ടതായും വരുന്നു.

സുപ്രസിദ്ധ ഹോളിവുഡ് നടി ഏഞ്ചലീന ജോളി പറഞ്ഞതിങ്ങനെ " മരിക്കുന്നതിനു മുമ്പ് എനിക്ക് കൂടുതൽ സെക്സ് ആവശ്യമാണ്. ലോകത്തിലെ സകലരെയും എനിക്ക് ടേസ്റ്റുചെയ്താൽ കൊള്ളാമെന്നുണ്ട്.". ഭൂരിപക്ഷം സ്ത്രീകളും ഈ മനോഭാവമുള്ളവരല്ലെങ്കിലും കേരളത്തിലും ഇത്തര ചിലർ കാണും. അവർ സൃഷ്ടിക്കുന്ന പുകിൽ എന്തൊക്കെയെന്ന് ഊഹിക്കാൻ പോലും കഴിയില്ല.

കാര്യങ്ങൾ ഇവ്വിധമായിരിക്കെ പുരുഷന്മാരെയും സ്ത്രീകളെയും സംരക്ഷിക്കുന്നതിനുള്ള നീതി ലഭിക്കേണ്ടത് ടെലിവിഷൻ കോടതിയിലൂടെയല്ല, മറിച്ച് ശരിയായ നിയമവ്യവസ്ഥകളിലൂടെയാണ്. അതു കുറച്ചു വേഗത്തിൽ ആയാൽ മാത്രം മതി.

-കെ എ സോളമൻ