പോൺ ഫോർ യു !

- കെ എ സോളമൻ

2011 ഡിസംബറിലാണ് ആ മഹാസംഭവം. പ്രത്യേകിച്ച് ഒരു പണിയില്ലാത്തവർ കൊച്ചിയിൽ തടിച്ചു കൂടിയത് അന്നാണ്. ഇമ്മാനുവേൽ സിൽക്ക് എന്ന തുണിക്കടയുടെ ഉദ്ഘാടന മാമാങ്കം . ഉദ്ഘാടനം ചെയ്യാൻ എത്തിയത് പ്രമുഖ ബോളിവുഡ് സിനിമാ നടൻ ഷാരൂഖ് ഖാൻ. ജോലിയില്ലാപ്പട തടിച്ചുകൂടാൻ എല്ലാ പത്രങ്ങളിലും ചാനലുകളിലും പരസ്യമുണ്ടായിരുന്നു. "നിങ്ങളും ഉണ്ടാകണം എന്റെ കൂടെ " എന്നായിരുന്നു പരസ്യവാചകം. കാസർകോട്ടു നിന്നുവരെ ഷാരൂഖ്‌ഖാനെ കാണാൻ ജനം എത്തി. അന്നേ ദിനം കൊച്ചിയിലും പരിസരത്തുമുണ്ടായിരുന്ന ബിവറേജ് ഷാപ്പുകളിൽ ജനകീയ ബ്രാൻറുകൾ പൂർണ്ണമായും വിറ്റൊഴിഞ്ഞു.

ഷാരൂഖ് ഖാൻ ബോഡി ബിൽഡ് ചെയ്ത്   നടക്കുന്ന കാലമായിരുന്നു അത്. ഇമ്മാനുവലിന്  ബോഡി ബിൽഡ്ചെയ്ത നടന്മാരെ ആയിരുന്നു ഉദ്ഘാടനത്തിന് വേണ്ടിയിരുന്നത്. മമ്മൂട്ടി,  മോഹൻലാൽ, ദിലിപ് തുടങ്ങിയ തദ്ദേശീയ  നടന്മാരെ ക്ഷണിക്കാതിരിക്കാൻ  വേറെ കാരണം ഒന്നും ഉണ്ടായിരുന്നില്ല.

വൈകാതെ ഇമ്മാനുവേൽ സിൽക്ക് പൂട്ടി.

ചരിത്രം ആവർത്തിക്കുന്നത്  ആദ്യം ട്രാജഡി ആയും പിന്നീട് കോമഡിയായും . കേരളം മുഴുവൻ മൊത്തക്കച്ചവടത്തിനായി നടക്കുന്ന യൂസഫലി മുതലാളിയുടെ ലുലു മാളിലേക്ക് ഇമ്മാനുവേലിന്റെ തൊഴിലാളികളെ ഇരട്ടി ശമ്പളത്തിൻ വിലയ്ക്കെടുത്തതാണ് ഇമ്മാനുവേൽ ട്രാജഡിക്കു കാരണം. തൊഴിലാളികൾ ഇല്ലാതെ എങ്ങനെ തുണിക്കച്ചവടം നടത്തും?

2011ലെ ആവർത്തനമാണ് 2017  ഓഗസ്റ്റിൽ കൊച്ചിയിൽ കണ്ടത്. ഷാരൂഖ് ഖാനും പകരം ഫോൺ ഫോർ ഷോറൂമിന്റെ ഉദ്ഘാടനത്തിനെത്തിയത് ഹോളിവുഡ് - ബോളിവുഡ് സിനിമാതാരം സണ്ണി ലിയോണാണ്. ഷാരൂഖ് ഖാൻ സമാഹരിച്ചതിന്റെ പതിന്മടങ്ങ് ആളുകളെയാണ് സണ്ണിലിയോൺ ആകർഷിച്ചത്. സാധാരണ സിനിമകളേക്കാൾ മലയാളി മൂപ്പിൽസിനെ  കൂടുതൽ ആകർഷിക്കുന്നത് അഡൽറ്റ് മൂവിസാണെന്നു സണ്ണി ലിയോണിനെ അവതരിപ്പിച്ച ഫോൺ ഫോർ മുതലാളിക്കറിയാം. സണ്ണിയാകട്ടെ അഡൾട്ട് മൂവിസിന്റെ താരറാണിയും.

സണ്ണി ലിയോണിനെ കുറിച്ച് അറിയാത്തവർ സംസ്ഥാനത്തു വളരെ കുറവ്.  പോർണോഗ്രാഫിയിലൂടെ കോടികൾ സമ്പാദിച്ച ഈ ഇൻഡോ- അമേരിക്കൻ നടിയുടെ ശരീരത്തിൽ എവിടെയെല്ലാം മറുകുണ്ട് എന്ന് ആരാധകർക്കു അറിയാം. പോർണോഗ്രാഫി എന്ന ബില്യൺ ഡോളർ ബിസിനസ്സിൽ സണ്ണി ലിയോണിന്റെ സംഭാവന  ചെറുതല്ല. സിനിമയിലും അല്ലാതെയും  കണ്ടു മനസ്സിലാക്കിയ നടിയുടെ ശരീരഭാഗങ്ങൾ ഒത്തു നോക്കാൻ കൂടിയാണ് ജനം വേലയും കൂലിയും ഉപേക്ഷിച്ച് ഫോൺ ഫോറിൽ തടിച്ചുകൂടിയത്.  സിനിമാ സീരിയല് ഇംഗ്ലീഷ് - മംഗ്ളീഷ് നടി രഞ്ജിനി ഹരിദാസ് ഒപ്പമുണ്ടായിരുന്നെങ്കിലും  ജനത്തിന്റെ പൂരപ്പാട്ട് ആസ്വദിക്കാനായിരുന്നുഅവർക്ക് വിധി.

രസകരമായി ട്ടുള്ളത് ഇതുസംബന്ധിച്ചുള്ള ചാനൻചർച്ചയാണ്. പോൺ സുന്ദരിയെ കാണാൻ തടിച്ചു കൂടിയതിൽതെറ്റില്ലെന്ന് ചുംബനപ്രേമിയും തെറ്റായിപ്പോയെന്നു ചുംബന വിരുദ്ധനും.  "എനിക്ക് ഇഷ്ടം എങ്കിൽ തനിക്കെന്താ കുഴപ്പം ?"എന്ന് ഒരു വിദ്വാൻ. ഇഷ്ടമാണെന്നു കരുതി വസ്ത്രമുപേക്ഷിച്ചു നടക്കാമോയെന്നു മറു കക്ഷി

ഫോൺ ഫോർ എപ്പോൾ പൂട്ടി -യെന്നറിഞ്ഞാൽ മതി.
                                - - - - -

ജനസേവനത്തിന്റെ പുതുമുറകൾ

ജനസേവനത്തിന്റെ പുതുമുറകൾ !

ഭരണം ഏതായാലും മന്ത്രിസഭയിൽ ഒരു ചാണ്ടി വേണമെന്നത് മസ്റ്റാ. യുഡിഎഫ് ഭരിക്കുമ്പോൾ ഉമ്മൻ ചാണ്ടി, എൽഡിഎഫ് എങ്കിൽ തോമസ് ചാണ്ടി.

കേരളത്തിൽ എൻ സി പി എന്നൊരു പാർട്ടി നിലനിൽക്കുന്നതുതന്നെ തോമസ് ചാണ്ടി മുതലാളി ഉള്ളത് കൊണ്ടാണ്.ഗൾഫിൽ പോയി പണംവാരിയെടുത്തതും മെഡിക്കൽ റി ഇംപേഴ്സ് ഇനത്തിൽ കോടികൾ കിട്ടിയതുമാണ് അദ്ദേഹത്തിന്റെ സമ്പാദ്യം . ഇത് പലകോടികൾ കവിയും.  ഇതിൽ നിന്ന് അൽപമെടുത്ത് ലോക്കൽ നേതാക്കൾക്ക് കൊടുക്കും. അവരാകട്ടെ "പവാർ സിന്ദാബാദ്, ചാണ്ടി സിന്ദാബാദ്, എൻസിപി ജയിക്കട്ടെ " എന്നൊക്കെ പാടിനടക്കും. എൻ സി പി പാർട്ടി നിലവിലുള്ള കാര്യം അങ്ങനെ  ജനം മനസ്സിലാക്കും. അതിന്റെ കൂടെ, തോമസ് ചാണ്ടി സ്വന്തം നിലയിൽ തന്റെ റിസോർട്ടിൽസമീപം താമസിക്കുന്ന  ഗർഭിണികകളെ സ്പീഡ് ബോട്ടിൽ കയറ്റി സുഖപ്രസവം നടത്തിക്കൊടുക്കുകയെന്ന സാമൂഹ്യ പ്രവർത്തനവും നടത്തും

കുട്ടനാട്ടിലെ ഭൂരിപക്ഷ ജനത്തിന്റെ മുഖ്യ വരുമാന മാർഗ്ഗം നെൽകൃഷിയാണ്. താറാവ് കൃഷി, മത്സ്യം വളർത്തൽ, കക്കാ സംഭരണം എന്നിവ ഉപതൊഴിൽമേഖലയിൽ ഉണ്ടെങ്കിലും ആ വകയിൽ  വരുമാനം തൂലോം തുച്ഛം. തന്മൂലം പുരക്കരം പോലും കൃത്യസമയത്ത്  കുട്ടനാട്ടുകാർക്ക് അടക്കുവാൻ കഴിഞ്ഞിരുന്നില്ല. ഇതിനൊരു മാറ്റം സംഭവിച്ചത് കുട്ടനാട് നിയോജക മണ്ഡലത്തിൽ തോമസ് ചാണ്ടി നിയമസഭാ സ്ഥാനാർത്ഥിയായി മത്സരിക്കുവാൻ തുടങ്ങിയതോടെയാണ്.

നിരോധിക്കപ്പെട്ട അഞ്ഞൂറിന്റെ നോട്ട് കുട്ടനാട്ടുകാർ ആദ്യമായി കാണുന്നത് 2006ലാണ്. അന്നാണ് തോമസ് ചാണ്ടി ആദ്യമായി കുട്ടനാട്ടിൽ നിന്ന് നിയമസഭയിലേക്ക് മത്സരിക്കുന്നത്. "ഒരു നെല്ലും ഒരു മീനും" പദ്ധതിക്ക് മുമ്പേ കുട്ടനാട്ടിൽ നിലവിലുണ്ടായിരുന്ന പദ്ധതിയാണ് "ഒരു നോട്ടും ഒരു വോട്ടും". അഞ്ഞൂറിന്റെ നോട്ടൊന്നു തന്നാൽ വോട്ടൊന്നു പകരം, ഇതായിരുന്നു വ്യവസ്ഥ.
കുട്ടനാട്ടുകാർ സത്യസന്ധരായിരുന്നതു കൊണ്ട് തോമസ് ചാണ്ടി ജയിച്ചു  തിരഞ്ഞെടുപ്പ് ദിവസം ചാണ്ടി  ബൂത്തിൽ നിന്ന് ബൂത്തിലേക്ക് സഞ്ചരിച്ചപ്പോൾ   ചാക്ക് കെട്ടഴിഞ്ഞ് അഞ്ഞൂറിന്റെ നോട്ടുകൾ വഴിയിൽ തൂവി. അവ സ്വന്തമാക്കാതെ പെറുക്കിയെടുത്ത് ചാണ്ടിയെ ഏല്പിച്ച വോട്ടർമാരും കുട്ട നാട്ടിലുണ്ട്

ചാണ്ടി ഒരു നല്ല വ്യവസായിആണെന്നതും ടൂറിസം പ്രോത്സാഹിപ്പിക്കുവാൻ അദ്ദേഹത്തിന് അതിയായ താല്പര്യം ഉണ്ടെന്നതും ഏവർക്കും അറിവുള്ളതാണ്. ഏതോ കൊതി കെറുവിന്റെ പേരിൽ ഏഷ്യാനെറ്റ് ചാനൽകാരൻ  ചാണ്ടിക്കെതിരെ ഇപ്പോൾ തിരിഞ്ഞിരിക്കുന്നു. നടി പീഡനവും നടന്റെ ജയിൽവാസവും പല ആഴ്ചകൾ ധാരകോരിയതിനുശേഷം ചാണ്ടിയെ പിടിക്രടിയിരിക്കുകയാണ് ചാനൽ പരിഷകൾ. ചിത്രം വിചിത്രം എന്ന ഭൂലോക തരികിടയിലൂടെ  ആരെയും  അപഹസിക്കാമെന്ന അഹങ്കാരത്തിലാണ് വിചിത്രചിത്രത്തിലെ പുളിന്താനും കൂട്ടുകക്ഷിയും. ഏതാനും ലക്ഷങ്ങളിൽ ഒതുക്കാവുന്നതാണ് ആലോചനയില്ലാതെ തോമസ് ചാണ്ടി നീട്ടിക്കൊണ്ടുപോകുന്നത്

പാവങ്ങൾ തിരഞ്ഞെടുത്ത്, പാവങ്ങൾക്ക് വേണ്ടി,പാവങ്ങൾ ഭരിക്കുന്ന  സർക്കാരാണ് നിലവിലെ കേരള സർക്കാർ. അങ്ങനെയുള്ള സർക്കാരിൽ ഒന്നുരണ്ടു കോടീശ്വരൻമാർ മന്ത്രിമാരായി വന്നതിൽ എന്താണ് കുഴപ്പം?  ഇപ്പോൾ നടക്കുന്ന  ബഹളം മന്ത്രിയും ചാനൽ മുതലാളിയും കൂടി തയ്യാറാക്കിയ ഒത്തു കളിയാണോ യെന്ന സംശയിക്കണം. ജനശ്രദ്ധ തിരിച്ചുവിടാൻ ഇതൊക്കെയല്ലേ നല്ല  മാർഗ്ഗങ്ങൾ?

അമേരിക്കയിൽ പോയി ഏഴ് കോടി ചെലവാക്കി ചികിത്സിച്ചു തിരികെ കിട്ടിയ ശരീരമാണ് തോമസ് ചാണ്ടിക്ക് ഇപ്പോഴുള്ളത്. കഴിഞ്ഞ ദിവസത്തെ നിയമസഭാ പ്രകടനം കണ്ടാൽ മറ്റൊരു ഏഴു കോടി കൂടി ഉടൻ മുടക്കേണ്ടിവരുമോ എന്നു സംശയം തോന്നിപ്പോകും. അതെന്തായാലും ചാണ്ടിയുടെ ആതിഥ്യം സ്വീകരിച്ച് ലേക്കു റിസർട്ടിൽ നിന്നും കരിമീൻ പൊള്ളിച്ചതിന്റെയും കള്ളിന്റെയും ടേസ്റ്റ് അറിഞ്ഞ ഭരണപക്ഷത്തെയും പ്രതിപക്ഷത്തെയും ഒരു നേതാവും ചാണ്ടിക്കെതിരെ ഒരക്ഷരം മിണ്ടില്ല. ഏഷ്യാനെറ്റുകാരന് ചാനലിൽ കിടന്നു തുള്ളാമെന്നു മാത്രം, വാർത്തയാക്കാൻഅടുത്ത ഇക്കിളിക്കേസ് തടയുന്നതു വരെ.

കെ എ സോളമൻ

സ്ത്രീകൾ സൈന്യത്തിൽ

സത്രീകളെ സൈന്യത്തിന്റെ മുന്‍നിരയി- ലെത്തിക്കുമെന്ന  കരസേനമേധാവി ബിബിന്‍ റാവത്തിന്റെ പ്രസ്താവന സ്വാഗതാർഹം.  പുരുഷന്‍മാര്‍ മാത്രമുള്ള പദവികളിൽ സ്ത്രീകൾ എത്തിപ്പെടുന്നത് സ്ത്രീ ശാക്തീകരണത്തിലേക്കുള്ള വലിയ കാൽ വെയ്പ്പാണ്. സൈനിക പോലീസില്‍ സ്ത്രീകള്‍ക്ക് കൂടുതല്‍ അവസരം നല്‍കന്നത് ലിംഗാസമത്വം   കുറയാനിടയാക്കും,

നിലവിൽ ഭരണതലപ്പത്തും എക്സിക്യുട്ടിവ് മേഖലയിലും സ്ത്രീകൾ പ്രവർത്തിന്നുണ്ടെങ്കിലും ലെജിസ്ലേറ്റീവ് തലത്തിലും ആഭ്യന്തര സംരക്ഷണ കാര്യത്തിലും സ്ത്രീകളുടെ പങ്കാളിത്തം കുറവാണ്. ചില രാഷ്ട്രീയ കക്ഷികൾ നേതൃസ്ഥാനത്തേക്കു സ്ത്രീകളെ പരിഗണിക്കാറെയില്ല. മെഡിക്കല്‍, ലീഗല്‍, വിദ്യാഭ്യാസം, എഞ്ചിനീയറിങ് തുടങ്ങിയ തിരഞ്ഞെടുത്ത മേഖലകളില്‍ സൈന്യത്തിന്റെ ഭാഗമാകന്‍ സ്ത്രീകള്‍ക്ക് അനുവാദമുണ്ട്. എന്നാല്‍ തന്ത്രപ്രധാനമായ മേഖലകളിലും സൈനിക വിന്ന്യാസങ്ങളിലും എത്തിപ്പെടുന്നതോടെ സ്ത്രീകള്‍ക്ക് കൂടുതൽ പ്രധാന്യ ലഭിക്കും. അതോടെ രാഷ്ട്രീയ കക്ഷികളും മാറി ചിന്തിക്കാൻ തുടങ്ങും. വരാൻ പോകുന്ന കാലഘട്ടം സ്ത്രീകൾക്ക് പുരുഷന്മാർക്കൊപ്പം തുല്യമായി പ്രവർത്തിക്കാനുള്ളതാണെന്ന് ജനറൽ റാവത്തിന്റെ പ്രസ്താവന നമ്മെ ഓർമ്മിപ്പിക്കുന്നു.
കെ എ സോളമൻ

ആന്റണിയുടെ പുതിയ വെളിപാട് !

ആരെ കൂട്ടുപിടിച്ചായാലും വിദ്യാലയങ്ങളില്‍ വിദ്യാര്‍ഥിരാഷ്ട്രീയം പുനഃസ്ഥാപിക്കണമെന്ന് കോണ്‍ഗ്രസ് നേതാവ് എ.കെ. ആന്റണി. ഇതു കേട്ടാൽ തോന്നും കേരളത്തിൽ കെ.എസ്.യു, എസ്.എഫ് ഐ, എ ബി വി പി, എം എസ് എഫ് തുടങ്ങിയ വിദ്യാർത്ഥി സംഘടനകൾ ഒന്നും പ്രവർത്തിക്കുന്നില്ലായെന്ന്.
വിദ്യാര്‍ഥിരാഷ്ട്രീയം ഉപേക്ഷിച്ചതാണ് ഈ സംസ്ഥാനത്തോട് ചെയ്ത ഏറ്റവും വലിയ ആപത്ത് എന്നു കൂടി അദ്ദേഹം കണ്ടെത്തിയിരിക്കുന്നു.കലാലയങ്ങളിലെ ചോദ്യംചെയ്യല്‍ ശക്തിയാണ് ഇതോടെ ഇല്ലാതായതെന്നും വിദ്യാര്‍ഥിരാഷ്ട്രീയം ഉപേക്ഷിച്ചതു കൊണ്ട്  കേരളം ഒന്നും നേടിയിട്ടില്ലെന്നും ഗുണനിലവാരം ഉയര്‍ത്താന്‍ സാധിച്ചിട്ടില്ലെന്നും കൂടി അദ്ദേഹം കണ്ടെത്തുന്നു.

വിദ്യാർത്ഥി രാഷ്ടീയം ഉപേക്ഷിച്ചുവെന്ന കണ്ടെത്തൽ വസ്തുതകൾക്കു നിരക്കാത്തതാണ്. ഏതെങ്കിലും രാഷ്ട്രീയ കക്ഷി സമരം പ്രഖ്യാപിച്ചാൽ അന്നു ഇവിടെ പഠിപ്പുമുടക്കിന് ഒരു മാറ്റവുമില്ല. ഒന്നു രണ്ടു കലാലയങ്ങൾ രാഷ്ട്രീയ വിമുക്തമാക്കാൻ മാനേജ്മെന്റുകൾക്കു കഴിഞ്ഞിട്ടുണ്ടെങ്കിൽ തന്നെ അതിനു പകരമായി മറ്റു സ്ഥല ങ്ങളിലേക്ക് വിദ്യാർത്ഥി രാഷ്ട്രീയം വ്യാപിച്ചു. പണ്ടു രാഷ്ട്രീയമില്ലാതിരുന്ന പോളിടെക്നിക് കോളജുകൾ ഇന്നു രാഷ്ട്രീയ പേക്കൂത്തുകളുടെ കേളി രംഗമാണ്. എഞ്ചിനിയറിംഗ് കോളജുകളുടെ കാര്യവും മറിച്ചല്ല.

ചില മാനേജുമെന്റുകള്‍ക്ക് തന്നിഷ്ടം പോലെ ഫീസ് പിരിക്കുന്നു ണ്ടെങ്കിൽ അതിനുകുട്ടുനിന്നത് ഇവിടെത്ത രാഷ്ട്രീയ പ്രമാണിമാരാണ്. വിദ്യാർത്ഥി നേതാക്കൾ എന്നും മുതിർന്ന നേതാക്കളുടെ ഏറാൻ മൂളികൾ ആയിരുന്നു. വിദ്യാർത്ഥി രാഷ്ട്രീയം കൊണ്ടു നേട്ടമുണ്ടാക്കിയത് വീട്ടിൽ പാങ്ങുള്ള കുറെ നേതാക്കന്മാർ മാത്രം. ഇവർ തുലച്ചു കളഞ്ഞത് പാവപ്പെട്ട ആയിരക്കണക്കിന് വിദ്യാർത്ഥികച്ച ടെ ഭാവിയാണ്. രാഷ്ട്രീയ തിമിർപ്പിനു കലാലയങ്ങളിൽ വലിയ കുറവ് ഇല്ലെങ്കിലും അതുപോര, കുറച്ചധികം പേരെ കൂടി തുലയ്ക്കണം എന്നതാവും പുതിയ മുതലക്കണ്ണീരിനു കാരണം

വിദ്യാർത്ഥികൾക്ക സമാധാനത്തോടെ പഠിക്കാൻ കഴിയുന്ന അന്തരീക്ഷ മുണ്ടാക്കുന്നതാവണം വിദ്യാർത്ഥി രാഷ്ടീയം. എന്നാൽ കേരളത്തിലേ വിദ്യാർത്ഥി രാഷ്ട്രീയം പഠിപ്പുമുടക്കും നശീകരണവുമാണു്. ഇതു വീണ്ടും ശക്തമായി തിരികെ കൊണ്ടുവരുണമെന്ന വാദത്തോടെ ഒട്ടും യോജിക്കാനാവില്ല
വിദ്യാഭ്യാസ മേഖലയിലെ മാനേജ്മെന്റ് കൈയൂക്ക് തടയാനും അഴിമതി അവസാനിപ്പിക്കാനും ഭരിക്കുന്ന വർക്കു കഴിയണം, അല്ലാതെ വിദ്യാർത്ഥികളെ ഉപയോഗിച്ചു രാഷ്ട്രീയ മുതലെടുപ്പു നടത്തകയല്ല വേണ്ടത് -

അതെന്തായാലും ചാരായ നിരോധനം പോലെ അത്ര കഠിനമല്ല ഉപേക്ഷിക്കപ്പെട്ടുവെന്നു പറയുന്ന വിദ്യാര്‍ഥിരാഷ്ട്രീയം. പത്തോ ഇരുപതോ രൂപയ്ക്കു ചാരായം കുടിച്ചിരുന്ന സധാരണ ക്കാരൻ ഇന്ന് കൂലിയായികിട്ടുന്ന മുഴുവൻ തുകയും മുടക്കി  സർക്കാർ മദ്യം വാങ്ങിക്കുടിച്ചു നാടും വീടും നശിപ്പിക്കുന്നു.
മദ്യത്തിനു കൂടുതൽ ചെലവുണ്ടാവനാകണം വിദ്യാർത്ഥി രാഷ്ടീയം വ്യാപകമാക്കണമെന്നു പറയുന്നതിനു പിന്നിൽ.
കെ എ സേുള്ളൽ
എസ്. എൽ പുരം

മഹാരാജാസിലെ വാർക്കപ്പണി

എറണാകുളം മഹാരാജാസ് കോളജ് പ്രിന്‍സിപ്പലിന്റെ കസേര കത്തിച്ച സംഭവത്തില്‍  വിമര്‍ശനവുമായി മുഖ്യമന്ത്രി പിണറായി വിജയന്‍ പറഞ്ഞത്
അഭിമാനസ്തംഭമായ കലാലയത്തെ അപമാനത്തിന്റെ പടുകുഴിയിൽ തള്ളരുത് എന്നാണ്. ആരെ ഉദ്ദേശിച്ചാണ് ഇത് പറഞ്ഞതെന്നു വ്യക്തമാക്കുന്നതാണ് മഹാരാജാസ് കോളജ് ഹോസ്റ്റൽ മുറിയിൽ നിന്നു കണ്ടെടുത്ത വാർക്കപ്പണി സാധനങ്ങൾ. പ്രിൻസിപ്പാളിന്റെ കസേര കത്തിച്ച വിദ്വാർത്ഥികൾ കോളജിൽ നിന്നു പുറത്താക്കപ്പെടും മുമ്പ് വാർക്കപ്പണിയിൽ ഏർപ്പെട്ടിരുന്നു വെന്നത് കോളജിന്റെ അഭിമാനം ഉയർത്തുന്നു. പഠനത്തിനൊപ്പം തൊഴിൽ-കോളജിന്റെ അഭിമാനം വാനോളം ഉയർത്തുന്ന പ്രക്രിയയാണത്. വിദ്യാർത്ഥികളുടെ തൊഴിൽ എന്തെന്നു ബോധ്യപ്പെടുമ്പോൾ  ഇവർ എന്താണ് പഠിക്കുന്നതെന്ന സംശയം ബാക്കി.

വിദ്യാർത്ഥികൾക്കെല്ലാം ഇപ്പോൾ "പ്രേമം സ്റ്റൈൽ " താടിയാണ്. ചെറുപ്പക്കാരായ സാറൻമാരും താടിക്കാര്യത്തിൽ മോശക്കാരല്ല. പെമ്പിള്ളേർക്കെല്ലാം താടിക്കാരെയാണ് ഇഷ്ടം എന്ന തോന്നൽ സിനിമയിലെ ചോക്കളേറ്റ് നായകന്മാർ ഒക്കെ ചേർന്ന് സൃഷ്ടിച്ചിട്ടുണ്ട്. ഈ താടി ഭ്രമം അവസാനിക്കണമെങ്കിൽ താടിക്കാരായ നടന്മാർക്ക് കൂട്ടച്ചൊറിച്ചിൽ പിടിക്കണം. മഹാരാജാസിൽ ഒരു താടിക്കാരൻ വിദ്യാർത്ഥി നേതാവ് വിരൽ ചൂണ്ടി പ്പിടിച്ചു വനിതാ പ്രിൻസിപ്പാളിനെ ഭീഷണിപ്പെടുത്തുന്ന ചിത്രംതാടിക്കാരന്മാരായ ഇതര വിദ്യാർത്ഥികളെ പ്രലോഭിപ്പിച്ചു കാണും . സസ്പെൻഷൻ തുടങ്ങിയ സൈഡു വലിവുകൾ ഇത്തരം സംഭവങ്ങളോടനുബന്ധിച്ചുണ്ടാകാമെങ്കിലും അവ വിദ്യാർത്ഥികൾക്കു തുറന്നുകൊടുക്കുന്ന സാധ്യത വലുതാണ്. ഭാവിയിൽ മന്ത്രിയായി വന്ന് ഇതേ കാലലയത്തിലെ വിദ്യാർത്ഥി കളെ  ഉൽബുദ്ധരാക്കില്ലെന്നു ആരു കണ്ടു. പാവം പ്രിൻസിപ്പാളിന്റെ കാര്യമാണ് കഷ്ടം, മുജ്ജന്മ പാപത്തിന്റെ പരിഹാരക്രിയയാവും ഇപ്പോൾ അനുഭവിച്ചു കൂട്ടുന്നത്.

മഹാരാജാസ് കോളജിൽ ശക്തമായ പി റ്റി എ യും പൂര്‍വ വിദ്യാര്‍ഥി സംഘടനയും പ്രവർത്തിക്കുന്നുണ്ടെന്നാണ് വയ്പ്. മഹാരാജാസിലെ വിദ്യാർത്ഥി പേക്കൂത്തുകൾ അവസാനിപ്പിക്കാൻ ഇക്കൂട്ടർക്ക് ഒന്നും ചെയ്യാനില്ലേ?
തലമുറകളുടെ കുടിച്ചേരൽ എന്നൊക്കെ വിശേഷിപ്പിച്ചു വർഷാവർഷം അരങ്ങേറുന്ന പൂർവ്വ വിദ്യാർത്ഥി - രക്ഷാകർതൃ സമ്മേളനങ്ങൾ വാഴയ്ക്കാപ്പവും ചായയും കഴിച്ച് ഭാവി പണപ്പിരിവും തീരുമാനിച്ചു പിരിയാനുള്ള വേദികളോ?

മഹാരാജാസ് കോളജില്‍ സമീപകാലത്തുണ്ടായ അനിഷ്ട സംഭവങ്ങളിൽ വിദ്യാര്‍ത്ഥികൾക്കു കൂട്ടുനിന്ന ചിലഅധ്യാപകരും ഉണ്ടെന്നതാണ് കോളജിന്റെ അഭിമാനത്തിനു വരുത്തുന്ന വലിയ കോട്ടം.  തെറ്റായ കാര്യങ്ങള്‍ സംഭവിച്ചാല്‍ കൃത്യമായ ആത്മപരിശോധന നടത്താനും  നടപടിയെടുക്കാനും അധ്യാപകർക്കു കഴിയണം, ആയതിനെ സർക്കാർ പിന്തണയുകയും വേണം. അതല്ലാതെ വിദ്യാർത്ഥി നേതാക്കളുടെ അട്ടഹാസത്തെയും ആയുധശേഖരണത്തെയും വാർക്കപ്പണി യെന്നൊക്കെ പറഞ്ഞു നിസ്സാരവൽക്കരിക്കയല്ല മുഖ്യമന്ത്രിയും സർക്കാരും ചെയ്യേണ്ടത്.

കെ എ സോളമൻ

സെൻകുമാറിനെ ആർക്കാണ് പേടി ?

സര്‍ക്കാര്‍ ഡിജിപി സ്ഥാനത്തുനിന്ന് മാറ്റിയ സെന്‍കുമാറിന് പുനര്‍നിയമനം വച്ചു താമസിപ്പിക്കുന്നതിന് സർക്കാരിൽ തന്നെ ആർക്കോ അമിത താല്പര്യമുള്ളതുപോലെയാണ് കണ്ടാൽ തോന്നുക. പുനർനിയമനത്തിന്  വ്യക്തത ലഭിക്കാൻ സർക്കാർ കോടതിയെ സമീപിക്കാൻ ഉദ്ദേശിക്കുന്നു വെന്നത് ഈ ദിശയിൽ കാണണം. സെൻ കുമാറിനെ തങ്ങൾക്കു പേടിയില്ലായെന്ന മന്ത്രി ജീ സുധാകരൻ കവല പ്രസംഗം നടത്തിയത് ഇതിന് തെളിവ്. തന്നെ പേടിക്കണമെന്ന് സെൻ കുമാർ ആരോടും ആവശ്യപ്പെടാത്ത സ്ഥിതിക്ക് എന്തിനു പേടിയെക്കുറിച്ചു പറയണം ?

സുപ്രീംകോടതി വിധി ആരുടെയും ജയമോ തോല്‍വിയോ അല്ലെന്നും നീതി നടപ്പാവുകയാണ് ചെയ്തതെന്നും മുഖ്യമന്ത്രി പിണറായി വിജയന്‍ പറയുന്നത് ശരിയാവണമെങ്കിൽ പുനർ നിയമനം നടക്കണം  സെന്‍കുമാറിന് നിയമനം നല്‍കാത്തത് സര്‍ക്കാരിന്റെ ദുരഭിമാനം മൂലമാണ്. ആശ്രിത വൽസരും ആസനം താങ്ങി ക ളുംമതി തങ്ങൾക്കു ഉദ്യോഗസ്ഥരായി എന്ന മനോഭാവം മന്ത്രിമാർ ഉപേക്ഷിക്കണം. വ്യത്യസ്ത അഭിപ്രായമുള്ള ഉദ്യോഗസ്ഥരെയും ഉള്‍ക്കൊള്ളാന്‍  കഴിയണം.

സെൻകുമാറിന് പുനർ നിയമനം നൾകാതെ റിവിഷന്‍ ഹര്‍ജിയുമായി  മുന്നിട്ടിറങ്ങിയൽ സർക്കാരിനെ ആർക്കും രക്ഷിക്കാനാവില്ല. തങ്ങളുടെ ഉത്തരവു നടപ്പിലാക്കാതെ കപട നാടകം കളിക്കുന്ന സർക്കാരിന്റെ നടപടിയെ ക്കുറിച്ചു അറിയാത്തവരല്ല വിധി പ്രസ്താവിച്ച സുപ്രീംകോടതി ജഡ്ജിമാർ. ഇനിയും ഇക്കാര്യത്തിൻ പരാതിയുമായി ചെന്നു കോടതിയുടെ സമയം മെനക്കെടുത്താനാണ് ഭാവമെങ്കിൽ അതിന്റെ ഫലം സർക്കാരിന് വൈകാതെ മനസ്സിലാകും.

കെ,എ. സോളമൻ

മോഡി സർക്കാരിന് അഭിനന്ദനം

കള്ളപ്പണ ഇടപാടുകൾ കണ്ടത്താൻ രാജ്യമൊട്ടാകെ കമ്പനികൾക്കെതിരെ
എഫോഴ്സ്മെന്റ് ഡയറക്ടറേറ്റ് നടത്തുന്ന റെയ്ഡ് സ്വാഗതാർഹം. ഒട്ടനവധി കടലാസ് കമ്പനികൾ രാജ്യമെമ്പാടുമുണ്ട്. പബ്ളിക് ഇഷ്യു നടത്തി പണം സമാഹരിച്ചിട്ടുള്ള അനേകം കമ്പനികൾ നിഷേപകർക്ക് അഞ്ചു പൈസ പോലും ലാഭവിഹിതം നൾകുന്നില്ല. ഇത്തരം കമ്പിനികളുടെ ഷെയറുകൾ മാർക്കറ്റിൽ ക്രയവിക്രയം ചെയ്യാത്തതു കൊണ്ടു് നഷ്ടം സഹിച്ചും നിക്ഷേപർക്കു അവ വിറ്റൊഴിയാൻ കഴിയില്ല. ഇത്തരം കമ്പനികളുടെ ഡയറക്ടർമാർ നിക്ഷേപകരുടെ പണം ഉപയോഗിച്ച് ആർഭാട ജീവിതം നയിക്കുകയും  ചെയ്യുന്നു. ഇതിനു ഒടുക്കമുണ്ടാകണം.

വഴിവിട്ട ഇടപാടുകളാണ് ഇത്തരം കമ്പനികളുടേത്. കേരളത്തിലെ അക്വാ- മറൈൻ , പ്ളാന്റേഷൻ - ധന കമ്പനികൾ ഉദാഹരണം. കള്ളപ്പണത്തെ പ്രതിരോധിക്കാൻ സർക്കാർ നോട്ടു നിരോധനത്തെ ഈ കമ്പനികൾ മുതലെടുപ്പിനു പ്രയോജനപ്പെടുത്തി എന്ന കാര്യത്തിൽ തർക്കമില്ല. ഇൻവെ സ്റ്റേഴ്സിന് നഷ്ടമുണ്ടാക്കിയിട്ട് ആർഭാട ജീവിതം നയിക്കുന്ന പ്രമോട്ടർമാരുടെ സ്വത്ത് കണ്ടു കെട്ടുകയും അവരെ ജയിലിൽ അടക്കുകയും വേണം. രാജ്യ വ്യാപകമായി പ്രവർത്തിക്കുന്ന കള്ളക്കമ്പനികൾക്കെതിരെ നടപടിയെടുക്കാൻ തീരുമാനമെടുത്ത മോഡി സർക്കാരിന് അഭിനന്ദനം

കെ എ സോളമൻ