കുട്ടനാട് എംഎൽഎയുടെ നിലപാട് അപലപനീയം

#കുട്ടനാട് എംഎൽഎയുടെ നിലപാട് അപലപനീയം

ചമ്പക്കുളം മൂലം വള്ളംകളിക്ക് പ്രാദേശിക അവധി നൽകില്ലെന്ന മുഖ്യമന്ത്രിയുടെ നിലപാട് അങ്ങേയറ്റം സ്വാഗതാർഹവും യുക്തിസഹവുമാണ്. ഓരോ പ്രദേശത്തെയും പ്രാദേശിക വള്ളംകളികൾക്കും ആഘോഷങ്ങൾക്കും ഇത്തരത്തിൽ അവധി പ്രഖ്യാപിക്കാൻ തുടങ്ങിയാൽ, അത് തെറ്റായ ഒരു കീഴ്‌വഴക്കമായി മാറുകയും നാടിന്റെ സുഗമമായ പ്രവർത്തനങ്ങളെയും ഭരണസംവിധാനങ്ങളെയും ദോഷകരമായി ബാധിക്കുകയും ചെയ്യും. 

ഈ യാഥാർത്ഥ്യം ഉൾക്കൊള്ളാതെ, മുഖ്യമന്ത്രിയുടെ നിലപാടിനെതിരെ കുട്ടനാട്ടിൽ കോലം കത്തിച്ചും മറ്റും നടത്തുന്ന പ്രതിഷേധങ്ങൾ തികച്ചും അപലപനീയമാണ്. ഇത്തരം അനാവശ്യ സമരങ്ങൾക്ക് പിന്നിൽ പ്രവർത്തിച്ച അക്രമികളെയും നിയമലംഘകരെയും എത്രയും വേഗം നിയമത്തിന് മുന്നിൽ കൊണ്ടുവന്ന് മാതൃകാപരമായി ശിക്ഷിക്കേണ്ടതുണ്ട്.

​വികസനകാര്യങ്ങളിൽ കുട്ടനാടിനെ പിന്നോട്ടടിക്കുന്ന സമീപനമാണ് എം.എൽ.എ. റെജി ചെറിയാൻ സ്വീകരിച്ചുപോരുന്നത് എന്ന ആക്ഷേപം ശരിവെയ്ക്കുന്നതാണ് അദ്ദേഹത്തിന്റെ ഇപ്പോഴത്തെ നീക്കങ്ങൾ. യു.ഡി.എഫ് മുന്നണിയുടെ ഭാഗവും കേരള കോൺഗ്രസ് നേതാവുമായ അദ്ദേഹം, സ്വന്തം സർക്കാരിന്റെയും മുഖ്യമന്ത്രിയുടെയും തീരുമാനങ്ങൾക്കെതിരെ പരസ്യമായി പാരവെക്കാൻ ഇറങ്ങിപ്പുറപ്പെടുന്നത് രാഷ്ട്രീയ രംഗത്ത് കൗതുകമുണർത്തുന്ന ഒന്നാണ്. 

നാടിന്റെ യഥാർത്ഥ വികസന ആവശ്യങ്ങളിൽ ശ്രദ്ധ കേന്ദ്രീകരിക്കുന്നതിന് പകരം, ജനങ്ങളെ തെറ്റിദ്ധരിപ്പിച്ചും വൈകാരികമായ വിഷയങ്ങൾ ഉയർത്തിയും സർക്കാരിനെ പ്രതിരോധത്തിലാക്കാൻ ശ്രമിക്കുന്ന എം.എൽ.എ.യുടെ ഈ നടപടി ഒരു ജനപ്രതിനിധിക്ക് ചേർന്നതല്ല.

-കെ എ സോളമൻ