ചെലവേറിയ പൂരം

പതിവുരീതികൾ ഒഴിവാക്കാതെയും കോവിഡ് പ്രോട്ടോക്കോൾ പാലിയും തൃശ്ശൂർ പൂരം നടത്തുമെന്ന് റിപ്പോർട്ട്. കോവിഡ് നെഗറ്റീവ് സർട്ടിഫിക്കറ്റ് ഹാജരാക്കാതെ ആരെയും പൂരത്തിൽ പങ്കെടുക്കാൻ അനുവദിക്കില്ല. 45 വയസ്സിനു മുകളിലുള്ളവർ കോവിഡ് വാക്സിനേഷൻ സർട്ടിഫിക്കറ്റ് ഹാജരാക്കണം.

ഒരു കോവിഡ് നെഗറ്റീവ്.സെർട്ടിഫിക്കറ്റ് ലഭിക്കാൻ കോവിഡ് പരിശോധന നടത്തേണ്ടതുണ്ട്. കേരളത്തിൽ ആർടി-പിസിആർ ടെസ്റ്റിന് 2,100 രൂപയാണ് ചെലവ്. ജീൻ എക്സ്പെർട്ട് ടെസ്റ്റ് ചെലവ് 2500 രൂപയായി പരിഷ്കരിച്ചു. ട്രൂ-നാറ്റിന് ഇപ്പോൾ 2,100 രൂപയാണ്. 625 രൂപയിൽ ആന്റിജൻ പരിശോധന നടത്താം. ചുരുക്കത്തിൽ, പൂരത്തിൽ പങ്കെടുക്കാൻ ആഗ്രഹിക്കുന്നവർ ധാരാളം പണം ചിലവഴിക്കണം. പൂരത്തിൽ പങ്കെടുക്കാൻ കുട്ടികളെ അനുവദിക്കുകയുമില്ല.

പൂരം സാധാരണക്കാർക്ക് വേണ്ടിയല്ലെങ്കിൽ, അത് നടത്തുന്നതിൻ്റെ ഉദ്ദേശ്യം സംശയാസ്പദമാണു്. ആരുടെയെങ്കിലും താല്പര്യം സംരക്ഷിക്കുന്നതിനു വേണ്ടിയുള്ള താകരുത് പൂരം.

ഉത്സവങ്ങൾ വൈവിധ്യത്തെ പ്രോത്സാഹിപ്പിക്കുകയും ആളുകളെ ഒന്നിപ്പിക്കുകയും ചെയ്യുന്നു. അവ ജനങ്ങളുടെ അഭിമാനം ഉയർത്തുന്നതിനുള്ള അവസരങ്ങൾ സൃഷ്ടിക്കുന്നു. എന്നിരുന്നാലും, ജീവന് ഭീഷണിയാണെങ്കിൽ, അവ ഒഴിവാക്കുന്നതാണ് നല്ലത്.

-കെ എ സോളമൻ