തിരുവനന്തപുരം: തൊഴിലാളി സംഘനടകള്‍ നാളെ ആഹ്വാനം ചെയ്‌രിക്കുന്ന അഖിലേന്ത്യാ പണിമുടക്കില്‍ പങ്കെടുക്കുന്ന സംസ്ഥാനത്തെ സര്‍ക്കാര്‍ ജീവനക്കാര്‍ക്ക്‌ ഗവണ്‍മെന്റ്‌ ഡയസ്‌നോണ്‍ ഏര്‍പ്പെടുത്തി. ഇവരുടെ ശമ്പളവും ആനൂകൂല്യവും നിഷേധിക്കുമെന്നും സര്‍ക്കാര്‍ വ്യക്തമാക്കി.സി.ഐ.ടി.യു, ഐ.എന്‍.ടി.യു.സി, ബി.എം.എസ് ഉള്‍പ്പടെയുള്ള ട്രേഡ് യൂണിയന്‍ സംയുക്ത സമരസമിതിയാണു പണിമുടക്കിന് ആഹ്വാനം ചെയ്തിട്ടുള്ളത്. വിലക്കയറ്റം തടയുക, തൊഴിലില്ലായ്മ പരിഹരിക്കുക, സ്വകാര്യവല്‍ക്കരണ നടപടികള്‍ അവസാനിപ്പിക്കുക, തൊഴില്‍നിയമങ്ങള്‍ നടപ്പാക്കുക തുടങ്ങിയ പത്ത് ആവശ്യങ്ങള്‍ ഉന്നയിച്ചാണു ദേശീയ പണിമുടക്ക്.
Comment : ഡയസ്‌നോണ്‍ എന്നു വെച്ചാല്‍ പിന്നീട് ശമ്പളം എന്നര്‍ത്ഥം. പണിമുടക്കാത്തവര്‍ ഒടുക്കം മണ്ടമ്മാരുമാകും.
-കെ എ സോളമന്‍ .
ന്യൂഡല്‍ഹി: കൂടംകുളം ആണവ നിലയത്തിനെതിരായ പ്രക്ഷോഭത്തിന് പിന്നില്‍ അമേരിക്കയിലെയും സ്‌കാന്‍ഡിനേവിയന്‍ രാജ്യങ്ങളിലെയും എന്‍.ജി.ഒകളാണെന്ന് പ്രധാനമന്ത്രി ഡോ.മന്‍മോഹന്‍സിങ് ആരോപിച്ചു. ജനിതകമാറ്റം വരുത്തിയ വിളകള്‍ക്കെതിരായ എതിര്‍പ്പിനു പിന്നിലും ഈ സംഘടനകളാണെന്നും അമേരിക്കന്‍ മാസികയായ സയന്‍സിന് നല്‍കിയ അഭിമുഖത്തില്‍ പ്രധാനമന്ത്രി ആരോപിച്ചു.
കോതമംഗലം: സൂപ്പര്‍താരങ്ങള്‍ സമൂഹത്തോടുള്ള കടമ മറക്കുന്നുവെന്നും കച്ചവടക്കാര്‍ക്ക് കാശുണ്ടാക്കാന്‍ പരസ്യചിത്രങ്ങള്‍ക്കുവേണ്ടി നല്ല കലാകാരന്മാര്‍ നിന്നുകൊടുക്കരുതെന്നും സംവിധായകന്‍ കമല്‍. കോതമംഗലം മാര്‍ അത്തനേഷ്യസ് എന്‍ജിനീയറിങ് കോളേജ് സുവര്‍ണജൂബിലി ആഘോഷത്തിന്റെ സമാപനത്തില്‍ നടക്കുന്ന ദേശീയ ശാസ്ത്രസാങ്കേതിക പ്രദര്‍ശനം ഉദ്ഘാടനം ചെയ്യുകയായിരുന്നു അദ്ദേഹം. 
കൊല്ലം: സി.പി.എമ്മിനും പിണറായി വിജയനുമെതിരെ രൂക്ഷവിമര്‍ശനവുമായി മുന്‍മന്ത്രി സി.ദിവാകരന്‍ രംഗത്ത്. കൊല്ലത്ത് സി.പി.ഐ. സംസ്ഥാന സമ്മേളനത്തിന്റെ സമാപനയോഗത്തിലാണ് ദിവാകരന്‍ സി.പി.എമ്മിനെതിരെ ആഞ്ഞടിച്ചത്. സി.പി.ഐയെ അപമാനിക്കരുതെന്ന് പറഞ്ഞായിരുന്നു ദിവാകരന്റെ പ്രസംഗത്തിന്റെ തുടക്കം. 
തിരുവനന്തപുരം: വ്യവസ്ഥയെ വെല്ലുവിളിച്ച വിമോചന നായകനാണ് യേശു ക്രിസ്തുവെന്ന് പ്രതിപക്ഷ നേതാവ് വി.എസ്.അച്യുതാനന്ദന്‍ പറഞ്ഞു. യേശുവിന്റെ ജീവിതം തങ്ങള്‍ക്ക് വഴികാട്ടിയാണ്. യേശു വിമോചന നായകനാണെന്നകാര്യം ചില പള്ളിസ്‌നേഹികള്‍ക്ക് ഇനിയും മനസ്സിലായിട്ടില്ല. യേശു മാത്രമല്ല ബുദ്ധനും നബിയും വിമോചന നായകരില്‍പ്പെടുമെന്നും വി.എസ് പറഞ്ഞു.
ന്യൂഡല്‍ഹി: എ.രാജ മന്ത്രിയായിരുന്നപ്പോള്‍ നല്‍കിയ 122 ടു ജി ലൈസന്‍സുകള്‍ റദ്ദാക്കിയ സുപ്രീം കോടതി വിധിയെ സ്വാഗതം ചെയ്യുന്നുവെന്ന് കേന്ദ്രമന്ത്രി കപില്‍ സിബല്‍. സ്‌പെക്ട്രം വിവാദത്തെത്തുടര്‍ന്നുണ്ടായ അവ്യക്തത പരിഹരിക്കാന്‍ കോടതി വിധി സഹായകമാണെന്ന് സിബല്‍ പറഞ്ഞു. കോടതി വിധി വന്ന ശേഷം പ്രധാനമന്ത്രി മന്‍മോഹന്‍സിങുമായി സിബല്‍ കൂടിക്കാഴ്ച നടത്തിയിരുന്നു.