കോവിഡ് -19 പൊട്ടിപ്പുറപ്പെട്ടതിനെത്തുടർന്ന് ലോക്ക്ഡൗൺ നിയന്ത്രണങ്ങൾ ഏർപ്പെടുത്തിയതു കാരണം ഡ്രൈവിംഗ് ലൈസൻസ് എടുക്കുന്നത് കേരളത്തിൽ അധികാധ്വാനമായി മാറിയിരിക്കുന്നു. ലേണേഴ്സ് ലൈസൻസ് എടുത്തതിനുശേഷം ആയിരക്കണക്കിന് ആളുകൾ ഡ്രൈവിംഗ് ലൈസൻസ് പരീക്ഷയുടെ തീയതിക്കായി കാത്തിരിക്കുകയാണ്.. പരിവാഹൻ സൈറ്റ് വഴി ഡ്രൈവിംഗ് ലൈസൻസ് പുതുക്കുന്നതും അങ്ങനെ തന്നെ.
ഈ പകർച്ചവ്യാധി സമയത്ത്, ഡ്രൈവിംഗ് ലൈസൻസ് പുതുക്കുന്നതിന് ആളുകൾ ഓൺലൈനിൽ അപേക്ഷിക്കുന്നത് വളരെ സാധാരണമാണ്. എന്നാൽ മാസങ്ങൾക്ക് മുമ്പ് അയച്ച അപേക്ഷകൾ പോലും പരിഗണക്കപ്പെടാതെ കിടക്കുന്നു. കോവിഡ് പ്രോട്ടോക്കോളുകൾ ധിക്കരിച്ച് വ്യക്തിപരമായി ബന്ധപ്പെട്ട ആർടിഒ ഓഫീസുകൾ സന്ദർശിക്കുക മാത്രമാണ് അപേക്ഷകർക്ക് അവശേഷിക്കുന്ന ഏക പോംവഴി. ഇത് ഓൺലൈൻ അപേക്ഷയുടെ ഉദ്ദേശ്യ ലക്ഷ്യത്തിന് വിരുദ്ധമാണ്. കെഎസ്ആർടിസി ഔട്ട്ലെറ്റുകൾ വഴി മദ്യം വിൽക്കാൻ പദ്ധതിയിടുന്നതിനുപകരം ആർ റ്റി ഓഫീസിലെ പശ്നങ്ങൾ പരിഹരിക്കുന്നതിന് ഗതാഗത മന്ത്രി ആന്റണി രാജ്യ അൽപ്പം ശ്രദ്ധ ചെലുത്തണമെന്നതാണ് അഭ്യർത്ഥന. പല എംവിഡി ഓഫീസുകളിലും ഉപഭോക്താക്കളുടെ യഥാർത്ഥ ആവശ്യങ്ങൾ പരിഗണിക്കപ്പെടാതെ നീട്ടി വെയ്ക്കുകയാണ്.
കെ എ സോളമൻ
No comments:
Post a Comment