വിചിത്ര രാഷ്ട്രീയം

#വിചിത്ര രാഷ്ട്രീയം

വിചിത്രമാണ് കേരളത്തിലെ രാഷ്ട്രീയം. പുതുപ്പള്ളി എൽഡിഎഫ് സ്ഥാനാർഥി ജെയ്ക് സി തോമസിന്റെയും സിപിഎം കേന്ദ്രകമ്മിറ്റി അംഗം എകെ ബാലന്റെയും അഭിപ്രായപ്രകടനങ്ങളിൽ നിന്ന് ഇത് വ്യക്തമാണ്.

പെരുന്നയിൽ എൻഎസ്എസ് ജനറൽ സെക്രട്ടറി ജി സുകുമാരൻ നായരെ കണ്ട ജെയ്ക്ക് അദ്ദേഹത്തെ അഭിനന്ദിക്കുകയും സംഘടന ഉയർത്തുന്ന മതേതര നയത്തെ അഭിനന്ദിക്കുകയും ചെയ്തു. മതവിശ്വാസത്തിൽ വർഗീയ രാഷ്ട്രീയം കലർത്താൻ ശ്രമിക്കുന്നവരെ സുകുമാരൻ നായർ എക്കാലവും എതിർത്തിരുന്നതായും ജെയ്‌ക്ക് കൂട്ടിച്ചേർത്തു.

അതേസമയം, സി.പി.എം കേന്ദ്ര കമ്മിറ്റി അംഗം എ.കെ ബാലൻ ദിവസങ്ങൾക്ക് മുമ്പ് പറഞ്ഞിരുന്നു ,  സുകുമാരൻ നായരുടെ കാഴ്ചപ്പാട് തെറ്റാണ്, ഗണപതി മിത്ത് വിഷയത്തിൽ ഷംസീറിനോട് അദ്ദേഹം മാപ്പ് പറയണം. . എൻഎസ്എസ് ജനറൽ സെക്രട്ടറിയുടെ നിലപാട് ബിജെപിയോടും സംഘപരിവാറിനോടുമുള്ള പക്ഷപാതത്തെയാണ് സൂചിപ്പിക്കുന്നതെന്നും ബാലൻ അഭിപ്രായപ്പെട്ടിരുന്നു.

ഒരു പക്ഷെ ജി സുകുമാരൻ നായർക്ക് നല്ലൊരു ഓഫർ കിട്ടിയതു കൊണ്ടാകണം ഗണപതി മിത്തും ശരിദൂര നയവും  പരണത്ത് വെച്ചിട്ട് ഇരുമുന്നണികളോടും  സമദൂരംഎന്ന പഴയ നയം ഇത്തവണ പുതുപ്പള്ളിയിൽ വീശാൻ തീരുമാനിച്ചത് 

പുതുപ്പള്ളി ഉപതെരഞ്ഞെടുപ്പിന്റെ പെട്ടെന്നുള്ള പ്രഖ്യാപനം ഈ  നേതാക്കൾക്ക് നൽകിയത് മാരകമായ പ്രഹരം. എല്ലാവരും ചേർന്ന് വെള്ളം തൊടാതെ അവരുടെ പൊള്ളയായ വാക്കുകൾ വിഴുങ്ങുകയെന്നതാണ് തുടർന്നുള്ള വ്യായാമം

കെ.എ. സോളമൻ