അലോപ്പതി

#അലോപ്പതി 

അലോപ്പതി മരുന്ന്, പല നിശിത സാഹചര്യങ്ങളിലും വളരെ ഫലപ്രദമാണെങ്കിലും, അതിന് നിരവധി പോരായ്മകളുണ്ട്. ഒരു രോഗത്തിൻ്റെ മൂലകാരണത്തെ കണ്ടെത്തി ചികിത്സിക്കുന്നതിന് പകരം രോഗലക്ഷണങ്ങളെ ചികിത്സിക്കുന്നതിൽ ഇത് പലപ്പോഴും ശ്രദ്ധ കേന്ദ്രീകരിക്കുന്നു,  ആവർത്തിച്ചുള്ള ആരോഗ്യപ്രശ്നങ്ങളിലേക്കാണ് ഇത് രോഗിയെ കൊണ്ടെത്തിക്കുന്നത്.

 പല അലോപ്പതി മരുന്നുകൾക്കും പാർശ്വഫലങ്ങളുടെ അപകടസാധ്യതയുണ്ട്, അവയിൽ ചിലത് ഗുരുതരവുമായേക്കാം

അലോപ്പതിയിൽ ആൻറിബയോട്ടിക്കുകളുടെ അമിതമായ ഉപയോഗം ആൻറിബയോട്ടിക് പ്രതിരോധത്തിൻ്റെ വർദ്ധിച്ചുവരുന്ന പ്രശ്നത്തിന് കാരണമാകുകയും ചെയ്യുന്നു

അലോപ്പതി ചികിത്സകൾ ചെലവേറിയതാണ്. എസ്റ്റാബ്ളിഷ് മെൻ്റ്  കോസ്റ്റിന്റെ വിഹിതമായി വൻ തുകയാണ്  രോഗികളിൽ നിന്ന് ഇവർ ഈടാക്കുന്നത്. ഇത് ആരോഗ്യ പരിപാലന സംവിധാനങ്ങൾക്കും വ്യക്തികൾക്കും കൊടുക്കുന്ന സമ്മർദം കുറച്ചൊന്നുമില്ല

പണവും പ്രശസ്തിയും ഉപയോഗിച്ച് ആരോഗ്യ മേഖല മൊത്തത്തിൽ വിലയ്ക്കു വാങ്ങാൻ ആഗ്രഹിക്കുന്ന അലോപ്പതി വിഭാഗം ഇതര ചികിത്സാ സമ്പ്രദായങ്ങളായ ആയുർവേദത്തെയും ഹോമിയോപതിയെയും കിട്ടുന്ന അവസരങ്ങളിൽ പരിഹസിക്കുന്നതും കാണാം. ഇത് അങ്ങേയറ്റം അപലപനീയമാണ് 

അലോപ്പതിയിൽ ചികിത്സിച്ചു പരാജയപ്പെട്ട് ഹോമിയോപ്പതിയിൽ അഭയം പ്രാപിച്ചു രക്ഷപ്പെട്ട ശ്വസന തകരാവുള്ള എത്രയോ  രോഗികൾ നമ്മുടെ ചുറ്റിലുമുണ്ട്. അവരെയും കൂടി പരിഹസിക്കുകയാണ് അലോപ്പതിക്കാർ പലപ്പോഴും ചെയ്യുന്നത്. 

പരസ്പര ബഹുമാനത്തോടെ പ്രവർത്തിക്കുന്നതിന് പകരം ആയുഷ് വകുപ്പിനെ മൊത്തത്തിൽ തള്ളിപ്പറയുന്ന അലോപ്പതി സമീപനം തിരുത്തപ്പെടേണ്ടതാണ്.

കെ എ സോളമൻ