ലോട്ടറി ചൂതാട്ടം

ലോട്ടറിചൂതാട്ടം

കേരള ധനമന്ത്രി ടി എൻ ബാലഗോപാൽ കേന്ദ്ര സർക്കാരിനെതിരെ അധികം അധിക്ഷേപങ്ങൾ നടത്താത്തിതിനാൽ തന്റെ മുൻഗാമിയായ ശാസ്ത്രജ്ഞൻ മന്ത്രിയെക്കാൾ  ഒരു പടി മുകളിലാണ്. എന്നാൽ ചില അവസരങ്ങളിൽ, അദ്ദേഹം തന്റെ മുൻഗാമിയുടെ നിലവാരത്തിലേക്ക് താഴുകയും ചെയ്യുന്നു

രാജ്യത്തെ പണക്ഷാമം നേരിടാൻ സർക്കാർ കൂടുതൽ കറൻസി അച്ചടിക്കണമെന്നാണ് മുൻ ധനമന്ത്രി തോമസ് ഐസക് ഒരിക്കൽ പറഞ്ഞത്. ഒരേ നമ്പറുള്ള വിവിധ സീരിസുകളിൽ പെട്ട ഒന്നിലധികം ടിക്കറ്റുകൾ വില്ക്കുന്ന സെറ്റ് ലോട്ടറി സമ്പ്രദായം നിയമവിരുദ്ധ മെന്നാണ് പുതിയ ധന മന്ത്രിയുടെ കണ്ടെത്തൽ. അത് തടയുമെന്നും അദ്ദേഹം പറയുന്നു

സെറ്റ് ലോട്ടറി, ലോട്ടറി ടിക്കറ്റുകൾ വാങ്ങുന്നവരും ലോട്ടറി ഏജന്റുമാരും തമ്മിലുള്ള ഇടപാടാണ്, അവിടെ സർക്കാരിന് ഒന്നും ചെയ്യാനില്ല. അതിനാൽ സെറ്റ് ലോട്ടറി വിൽപ്പന തടയാൻ സർക്കാർ സ്വീകരിക്കുന്ന നടപടികൾ എത്തെക്കെയെന്നറിയാൻ താല്പര്യമുണ്ട്.  ജവാൻ കൂടുതൽ എണ്ണം തരാനില്ല വേറെ ബ്രാണ്ട് തരാം എന്ന് ബിവറേജ് കാരൻ പറയുന്നതു പോലുണ്ട് മന്ത്രിയുടെ പ്രസ്താവന

ലോട്ടറി ചൂതാട്ടം തന്നെ സംസ്ഥാനത്തിന്റെ വലിയ ഹാൻഡികാപ്പാണ്. മറ്റ് മാർഗങ്ങളിലൂടെ പുനരധിവസിക്കുന്നതിനുപകരം ലോട്ടറി ടിക്കറ്റ് കൈയ്യിൽ പിടിപ്പിച്ച് പാവങ്ങളെ നിയമപരമായി തെണ്ടിക്കുകയാണ് സർക്കാർ. ഒരു സംസ്ഥാനധനമന്ത്രി അതിൽ കൂടുതൽ താൽപ്പര്യം കാണിക്കുന്നത് ലജ്ജാകരമാണ്. ലോട്ടറിയെടുത്ത് ദരിദ്രർ കൂടുതൽ പണം സർക്കാർ ഖജനാവിലേക്ക് നിഷേപിക്കുന്നു , അത് അവരുടെ വിധി.

കെ എ സോളമൻ