#കെറെയിൽ #പോയി
സിൽവർ ലൈൻ പദ്ധതി നടപ്പാക്കുന്നതിനായി കെ-റെയിൽ ഓഫീസുകളിലേക്ക് നിയമിച്ച സംസ്ഥാന സർക്കാർ ജീവനക്കാരെ പഴയ ലാവണത്തിലേക്ക് തിരിച്ചയയ്ക്കാൻ സർക്കാർ തീരുമാനിച്ചത് നന്നായി. അസംഭവ്യവും ഉപയോഗശൂന്യവുമായ പദ്ധതിക്കായി ജീവനക്കാരുടെ സേവനം ഇനിയും പാഴാക്കുന്നത് ബുദ്ധിശൂന്യമാണ്
എൽഡിഎഫ് സർക്കാരിന്റെ സ്വപ്ന പദ്ധതിയായി സിൽവർലൈനിനെ ഉയർത്തിക്കാട്ടി, പാതയ്ക്ക് സമീപം താമസിക്കുന്ന ജനങ്ങൾക്ക് പരിധിയില്ലാത്ത ദുരിതങ്ങൾ സൃഷ്ടിച്ചുകൊണ്ട് പൊതു പണം തട്ടിയെടുക്കാൻ കണ്ടുപിടിച്ചതായിരുന്നു കെ - റെയിൽ. ഇന്ത്യൻ റെയിൽവേ സമാന്തര പാത നിലനിർത്തുമ്പോൾ സെമി-റാപ്പിഡ് ട്രെയിൻ പദ്ധതി ആവശ്യമില്ലാത്ത ഒരു സംരംഭമാണ്
കെ കല്ലിടൽ സാഹസികതയിൽ ദുരിതമനുഭവിക്കുന്ന ജനങ്ങൾക്ക് നഷ്ടപരിഹാരം നൽകുകയാണ് സർക്കാരിന്റെ ഭാഗത്ത് നിന്ന് ഇനി വേണ്ടത്. ജനങ്ങൾക്കെതിരെ ചുമത്തിയ എല്ലാ ക്രിമിനൽ കേസുകളും പിൻവലിക്കണം, ചിന്താശൂന്യമായ കെ കല്ലിടൽ നടപടിയിലൂടെ ജനങ്ങളെ കഷ്ടപ്പെടുത്തിയതിന് മന്ത്രിമാർ മാപ്പ് പറയുകയും വേണം.
-കെ എ സോളമൻ
No comments:
Post a Comment