പ്രായോഗിക തലത്തിൽ ഫിസിക്സ്
എങ്ങനെ കുട്ടികളെ പഠിപ്പിക്കാം, പരീക്ഷിക്കാം എന്നതിന്റെ ഉദാഹരണമാണ് ചിത്രത്തിൽ കൊടുത്തിരിക്കുന്നത്. ഇക്കഴിഞ്ഞ 2023 മാർച്ചിലെ ഒന്നാം വർഷ ഹയർസെക്കൻഡറി ഫിസിക്സ് പരീക്ഷയുടെ ചോദ്യമാണിത്.
ഫിസിക്സ് ക്ലാസുകളിൽ ഇരുന്നവർക്ക് ചിത്രം കണ്ടാൽ കാര്യം പിടികിട്ടുമെങ്കിലും അങ്ങനെ അല്ലാത്തവർക്ക് ചിത്രത്തെക്കുറിച്ച് ഒരു വിശദീകരണം വേണ്ടിവരും.
വളയിട്ടകൈകളിൽ വളഞ്ഞകാലുള്ള ഏതാനും ജീവികൾ വന്ന് തറക്കുന്നതാണ് ചിത്രത്തിന്റെ ഒരുഭാഗം. അവിടെ B എന്ന മാർക്ക് കാണാം. താഴെ എന്തോ ഒരു സാധനം ഇട്ട് കത്തിക്കുന്നതായി കരുതണം. തീ എത്തുമ്പോൾ ചാടി വരുന്നതാണ് വാലു വളഞ്ഞ ജീവികൾ
ചിത്രം കണ്ടിട്ട് അത് വിറകോ. ഗ്യാസ് അടപ്പോ, കരിയിലയോ ആയിതോന്നില്ല, ഒരുപക്ഷേ ചാണക വരളി ആയിരിക്കണം. വടക്കേ ഇന്ത്യയിൽ അങ്ങനെയൊക്കെ ആണല്ലോ തീ കത്തിക്കുന്നത് ?
വളയിട്ട കൈകളിൽ അമ്പാകൃതിയിലുള്ളവ തറക്കുന്ന നേരത്ത് ഒരു കറുത്ത കൈ ഒരു കറുത്ത ചുള്ളിക്കമ്പ് അവയിലേക്ക് ചൂണ്ടുന്നത് കാണാം. കമ്പിന് മുകളിലായിട്ട് Aഎന്നും സൂചിപ്പിച്ചിട്ടുണ്ട്. A-യും B-യും എന്താണ് വിവക്ഷിക്കുന്നത് എന്നാണ്
പ്രായോഗിക തലത്തിലുള്ള ചോദ്യകർത്താവിന്റെ ഉന്നം.
അപകടത്തിൽ പെട്ടിരിക്കുന്ന വളയിട്ട കൈകളുടെ ഉടമയെ രക്ഷിക്കാനുള്ള തീവ്രശ്രമത്തിൽ കയ്യിൽ കിട്ടിയ വടിയെടുത്ത് അപകടകാരികളെ തല്ലി ഓടിക്കുന്നതാണ് ചിത്രമെന്ന് ക്ലാസിൽ കയറാത്ത ഏതെങ്കിലും കൗമാരക്കാരന് തോന്നിയാൽ തെറ്റ് പറയാൻ പറ്റില്ല , പ്രത്യേകിച്ചും സ്കൂളുകളിൽ കുറെകൗമാരക്കാർ ക്ലാസ്സിൽ കയറാതെ പുകയിൽ കുളിച്ച നടക്കുന്ന കഥകൾ കേൾക്കുന്ന ഇക്കാലത്ത് .
വിദ്യാഭ്യാസം ക്ലാസ് മുറികളിൽ ഒതുക്കാതെ പ്രായോഗിക തലത്തിൽ തന്നെ ആവട്ടെ.
No comments:
Post a Comment