മറ്റൊരു വ്യർത്ഥയാത്ര

#മറ്റൊരു #വ്യർത്ഥയാത്ര

രാഹുൽ ഗാന്ധിയുടെ പുതിയ "വോട്ടർ അധികാർ യാത്ര" വാർത്തകളിൽ നിറഞ്ഞുനിൽക്കാനുള്ള മറ്റൊരു വൃഥാശ്രമമല്ലാതെ മറ്റൊന്നുമല്ല. ജനാധിപത്യത്തെ ശക്തിപ്പെടുത്തുന്നതിനുപകരം, അദ്ദേഹം തിരഞ്ഞെടുപ്പ് കമ്മീഷനെയും സുപ്രീം കോടതിയെയും ജനവിധിയെപ്പോലും നിരന്തരം കുറ്റപ്പെടുത്തുന്നു, ആക്രമിക്കുന്നു. 

അങ്ങനെ ചെയ്യുന്നതിലൂടെ, സദാ ഭരണഘടനയും പൊക്കിപ്പിടിച്ചു നടക്കുന്ന അദ്ദേഹം രാജ്യത്തെ ഭരണഘടന സ്ഥാപനളെ മാനിക്കുന്നില്ലായെന്നു വ്യക്തം.  പുതിയ യാത്ര അദ്ദേഹത്തിനും അദ്ദേഹത്തിന്റെ പാർട്ടിയിലെ  കുറച്ച് അംഗങ്ങൾക്കും വ്യായാമവും താൽക്കാലിക ഊർജ്ജവും നൽകിയേക്കാം, പക്ഷേ അത് രാജ്യത്തെ ജനങ്ങൾക്ക് ഒരു നേട്ടവും ഉണ്ടാക്കുന്നില്ല. വെളിവുകെട്ട സ്വന്തം ആശയങ്ങൾ ഒഴികെ മറ്റെല്ലാത്തിനെയും സംശയിക്കുന്ന ഒരു നേതാവിന് ജനങ്ങളിൽ ആത്മവിശ്വാസം വളർത്താൻ കഴിയില്ല.

ഏറ്റവും അപലപനീയമായത് വിദേശ മണ്ണിൽ ഇന്ത്യയെ അപകീർത്തിപ്പെടുത്തുന്ന തരത്തിലുള്ള  അദ്ദേഹത്തിന്റെ പ്രസ്താവനകളാണ്.  വിദേശത്ത് നടത്തിയ പ്രസംഗങ്ങളിൽ, അദ്ദേഹം രാജ്യത്തെ വില കുറച്ചുകാണിക്കുന്നു, ആഗോളതലത്തിൽ ഇന്ത്യയുടെ പ്രതിച്ഛായയ്ക്ക് മങ്ങൽ ഏൽപ്പിക്കുവാൻ ആഗ്രഹിക്കുന്നവർക്ക്  ശക്തി പകരുന്നതാണ് രാഹുലിൻ്റെ വാക്കുകൾ.

ജോർജ്ജ് സോറോസിനെ പോലെ .ഇന്ത്യയ്ക്ക് പുറത്തുള്ളവരും സമാനമായ ശക്തികളും വഴിതെറ്റിക്കുന്ന രാഹുൽ ഗാന്ധിയുടെ രാഷ്ട്രീയം  ദേശീയ താൽപ്പര്യത്തിന്റെ പരിധി പലപ്പോഴും ലംഘിക്കുന്നു. തിരഞ്ഞെടുപ്പ് കമ്മീഷനെ കാരണമില്ലാതെ വിമർശിക്കുന്നത് പതിറ്റാണ്ടുകളായി വ്യത്യസ്ത പാർട്ടികൾക്ക് അധികാരം നൽകിയ ജനാധിപത്യ സംവിധാനത്തിന് അപമാനമാണ്.

 രാഹുൽ ഗാന്ധി വിദേശ ശക്തികളുമമായി  ചേർന്നുള്ള കളി നിർത്തി ഇന്ത്യയെയും അതിന്റെ ഭരണ സ്ഥാപനങ്ങളെയും ജനങ്ങളെയും ബഹുമാനിക്കാൻ പഠിക്കുകയാണ് ആദ്യം ചെയ്യേണ്ടത്..

-കെ എ സോളമൻ