രാഹുൽ മാങ്കൂട്ടത്തിൽ രാജി വയ്ക്കേണ്ടതില്ല

#രാഹുൽമാങ്കൂട്ടത്തിൽ #രാജിവയ്ക്കേണ്ടതില്ല

ആരോപണങ്ങളുടെ ബഹുളത്തിനിടയിൽ, രാഹുൽ മാംകൂട്ടത്തിലിനെതിരായ കേസിൽ വ്യക്തമായ തെളിവുകളുടെ അഭാവമാണ് കാണുന്നത്. ചില മാധ്യമങ്ങളിൽ, പ്രത്യേകിച്ച് റിപ്പോർട്ടർ ടിവിയിൽ നിന്നാണ് ശബ്ദസന്ദേശത്തിന്റെ ഭൂരിഭാഗവും ഉത്ഭവിക്കുന്നത്. പണം നൽകി വ്യാജ പ്രചാരണം നടത്തുന്ന ചരിത്രമുള്ളവയാണ് ഇത്തരം ചാനലുകൾ.

നിർമിതബുദ്ധിയുടെ കാലത്ത്, വ്യാജ കോളുകൾ, ചാറ്റുകൾ, അല്ലെങ്കിൽ ബോധ്യപ്പെടുത്തുന്ന വീഡിയോകൾ പോലും സൃഷ്ടിക്കുന്നത് ഒരു വെല്ലുവിളിയല്ല. അത്തരം കാര്യങ്ങൾ പെട്ടെന്ന് പൊതു ഇടത്തിൽ നിറയുമ്പോൾ, അത് ഗുരുതരമായ ഒരു ചോദ്യം ഉയർത്തുന്നു. സത്യമാണോ അതോ നന്നായി ആസൂത്രണം ചെയ്ത വ്യക്തിഹത്യയാണോ നമ്മൾ കാണുന്നതെന്ന ചോദ്യം. ന്യായവിധിയിലേക്ക് പോകാൻ തിടുക്കം കൂട്ടുന്നതിനു മുമ്പ്  ലഭ്യമായ തെളിവുകൾ സമഗ്രമായി പരിശോധിക്കണം

മുഖ്യമന്ത്രി പിണറായി വിജയനെ പരസ്യമായി നേരിടാൻ ധൈര്യം കാണിച്ച ചുരുക്കം ചില യുവ കോൺഗ്രസ് നേതാക്കളിൽ ഒരാളാണ് രാഹുൽ. കൊടും കുറ്റവാളിയെ അറസ്റ്റ് ചെയ്യുന്നതുപോലെ നട്ടപ്പാതിരയ്ക്ക് വൃദ്ധയായ സ്വന്തം മാതാവിൻറെ കൺമുമ്പിൽ വെച്ച്  മകനെ അറസ്റ്റ് ചെയ്ത പിണറായി പോലീസിന് എതിരെ അദ്ദേഹം പ്രതികരിക്കുക സ്വാഭാവികം. . ആ നടപടി മാത്രമാണ് അദ്ദേഹത്തെ ഭരണകക്ഷിയുടെ കണ്ണിലെ കരടാക്കിയത്. ഒരു ആരോപണം സംബന്ധിച്ച് നടപടിക്രമങ്ങൾ പൂർത്തിയാക്കുന്നതിനും വസ്തുതകൾ കണ്ടെത്തുന്നതിനും മുമ്പ് രാഹുൽ രാജിവയ്ക്കണമെന്ന ആവശ്യം രാഷ്ട്രീയ ഇരയാക്കലിന് തുല്യമാണ്.

ധാർമ്മികതയാണ് മാനദണ്ഡമെങ്കിൽ,  കല്ലെറിയുന്നതിനുമുമ്പ് എല്ലാ കോൺഗ്രസ് - കമ്മ്യൂണിസ്റ്റ് നേതാക്കളും സ്വന്തം റെക്കോർഡ് പരിശോധിക്കുന്നതു നന്നായിരിക്കും. ചില നേതാക്കന്മാർ ആവശ്യപ്പെട്ടാലും രാഹുൽ, എംഎൽഎ സ്ഥാനം രാജിവയ്ക്കരുത് എന്നാണ് അഭിപ്രായം, കാരണം സമ്മർദ്ദത്തിന് വഴങ്ങി രാജിവയ്ക്കുന്നത് നിക്ഷിപ്ത താൽപ്പര്യക്കാർക്ക് മാത്രമേ പ്രയോജനം ചെയ്യ.. , ഇപ്പോൾ രാജി വെക്കുന്നതിന് പകരം സ്വന്തം നിലപാടിൽ ഉറച്ചുനിൽക്കുകയും അന്വേഷണം നേരിടുകയും തൻ്റെപങ്ക് എത്രത്തോളമെന്ന്  തെളിയിക്കുകയും ചെയ്യുക എന്നതാണ്.രാഹുലിന് മുന്നിലുള്ള ബുദ്ധിപരമായ മാർഗം

-കെ എ സോളമൻ