കെ സോഡ

#കെ-സോഡ

ഒരു കിടിലൻ നീക്കത്തിലൂടെ സോഡയുടെയും ശീതളപാനീയ ഉൽപ്പാദനത്തിൻ്റെയും ലാഭകരമായ ലോകത്തേക്ക് കാലുറപ്പിക്കാൻ കേരള സംസ്ഥാന സർക്കാർ തീരുമാനിച്ചു. മദ്യവ്യാപാരത്തിന് സോഡ അത്യാവശ്യ വസ്തുവാണ്.

ഗവൺമെൻ്റിൻ്റെ കാര്യക്ഷമതയെക്കുറിച്ച് സംസാരിക്കുമ്പോൾ, നമ്മൾ തീർച്ചയായും ഫിസി ഡ്രിങ്കുകളെക്കുറിച്ചാണ് ചിന്തിക്കേണ്ടത്. അതുകൊണ്ടാണ്, കേരളം പാനീയ വ്യവസായത്തിൽ വിപ്ലവം സൃഷ്ടിക്കാൻ ഒരുങ്ങുന്നത്. കൃഷി അല്ലെങ്കിൽ അടിസ്ഥാന സൗകര്യങ്ങൾ പോലുള്ള പരമ്പരാഗത വ്യവസായങ്ങളെക്കുറിച്ച് മറക്കുക; സോഡകൾ നമ്മുടെ ഭാവി രക്ഷയാണ്, പ്രത്യക്ഷത്തിൽ.

 ഒരു സർക്കാർ ഉദ്യോഗസ്ഥൻ്റെ അഭിപ്രായത്തിൽ, "നമ്മൾ വിദ്യാഭ്യാസം, ആരോഗ്യ സംരക്ഷണം, ഭക്ഷ്യ വിതരണം, കൃഷി, എന്തിന് ടൂറിസം പോലും നന്നായി കൈകാര്യം ചെയ്യുന്നു. കാർബണേറ്റഡ് പാനീയങ്ങളുടെ നിർമിതി നമ്മുടെ നൂതനമായ ആശയമാണ് ". ഉള്ളിലെ കാർബൺ ഡൈ ഓക്സൈഡെല്ലാം പുറത്തുവിടാൻ മനുഷ്യ ശരീരം കഠിനമായി യത്നിക്കുമ്പോൾ, കാർബണേറ്റഡ് വാട്ടർ ഉപയോഗിച്ച് ഇത് വർദ്ധിപ്പിക്കേണ്ടത്  ജനപ്രിയ സർക്കാരിൻറെ കർത്തവ്യമാണ്!

പ്രകൃതി നമുക്ക് നാരങ്ങ നൽകുമ്പോൾ നമ്മൾ നാരങ്ങാവെള്ളം ഉണ്ടാക്കുക മാത്രമല്ല ചെയ്യുന്നത്. പിന്നെയോ, കൃത്യമായ അളവിൽ നാരങ്ങ-പഞ്ചസാര അനുപാതം വിലയിരുത്തുന്നതിന് ഒരു കോർപ്പറേഷൻ രൂപീകരിക്കുകയും കുറെ പേർക്ക് പിൻവാതിൽ നിയമനം നൽകുകയും ചെയ്യുന്നു  മാത്രമല്ല

കെ-സോഡ സിട്രസ് വാങ്ങാനുള്ള പെർമിറ്റിനായി പൗരന്മാർ കോർപ്പറേഷൻ ഓഫീസിൽ ക്യൂ  നിൽക്കുകയും ഫീസിനത്തിൽ സർക്കാരിന് വൺ നേട്ടമുണ്ടാകുകയും ചെയ്യുന്നു.

പുരോഗതിയുടെ നീരുറവ കുമിളകളായി പൊട്ടി വിടരുന്ന നവകേരളത്തിൽ മദ്യവസായം തന്നെ നഷ്ടമാണെന്ന് പറയുന്നവർക്കുള്ള മറുപടിയാണ്  കെ സോഡാ , കെ - ഡ്രിങ്ക്സ് ബിസിനസിലെ ലാഭം

-കെ എ സോളമൻ