കക്കുകളി

# കക്കുകളി

ജോസ് കെ മാണിയുടെ രാഷ്ട്രീയ യാത്ര രാജ്യസഭയ്ക്കും നിയമസഭയ്ക്കും ഇടയിൽ അങ്ങോട്ടും ഇങ്ങോട്ടും ആടുന്ന ഒരു പെൻഡുലം പോലെയാണ്.  . "മണ്ഡല വിഭ്രാന്തി" യിൽപെട്ട് വളരെ വേഗത്തിൽ അദ്ദേഹം ഒരു കളത്തിൽ നിന്ന് മറ്റൊന്നിലേക്ക് ചാടി രാഷ്ട്രീയ കക്കുകളി കളിക്കുന്നത് കാണാൻ നല്ല രസമുണ്ട്

നമ്മളെയെല്ലാം രസിപ്പിക്കാനുള്ള അദ്ദേഹത്തിൻ്റെ സമർപ്പണത്തെ അഭിനന്ദിക്കണം. ഒരുപക്ഷേ 2026-ൽ, അദ്ദേഹം വീണ്ടും രാജ്യസഭയിൽ നിന്ന് രാജിവെക്കുന്നത് നമുക്ക് കാണേണ്ടിവരും, കാരണം ഇവിടെ കേരളത്തിൽ മന്ത്രിസ്ഥാനം എടുത്തു വച്ചിരിക്കുകയാണല്ലോ?  കാലാവധി പൂർത്തിയാക്കാതെ രാജ്യസഭയിൽ നിന്ന് രാജിവെക്കുന്നതിൻ്റെ റെക്കോർഡ് അങ്ങനെ മാണിക്കുത്തിന് സ്വന്തമാവുകയും ചെയ്യും.

 അടുത്ത നിയമസഭാ പോരാട്ടത്തിൽ അസംബ്ലിയിലേക്ക് തിരിച്ചുവരാൻ പറ്റുമോ എന്നത് കാത്തിരുന്നു കാണാം.  എന്തുതന്നെയായാലും,  രാഷ്ട്രീയ സർക്കസ് എങ്ങനെ രസകരമാക്കാമെന്ന് ജോസ് കെ മാണി നന്നായി മനസ്സിലാക്കിയിരിക്കുന്നു

-കെ എ സോളമൻ