ഇന്ത്യൻ ഓഹരി വിപണി

#ഇന്ത്യൻഓഹരിവിപണി 

ഇന്ത്യൻ സ്റ്റോക്ക് മാർക്കറ്റ് നിലവിൽ അനിയന്ത്രിതമായ കൃത്രിമത്വമുള്ള അപകടകരമായ കളിസ്ഥലമായി മാറി. ഇത് ശരാശരി നിക്ഷേപകനെ വൻ നഷ്ടത്തിലേക്കാണ് തള്ളി വിട്ടിരിക്കുന്നത്. റെഗുലേറ്ററി ബോഡിയായ സെബി,  നിക്ഷേപകരെ സംരക്ഷിക്കാനുള്ള കടമയിൽ അമ്പേ പരാജയപ്പെട്ടു. 

വ്യാപകമായ ഊഹക്കച്ചവടം, ഇൻസൈഡർ ട്രേഡിംഗ്, മാർക്കറ്റ് റിഗ്ഗിംഗ് എന്നിവയാണ് ഇപ്പോൾ സ്റ്റോക്ക് മാർക്കറ്റിൽ നടക്കുന്നത്. ഇവ സംബന്ധിച്ച് പ്രശ്നങ്ങൾ പരിഹരിക്കാൻ ഒരു ശ്രമവും ബന്ധപ്പെട്ടവരുടെ ഭാഗത്തുനിന്ന് കാണുന്നില്ല. ഒരു കാലത്ത് നീതിയും സുതാര്യതയും ഉറപ്പാക്കാൻ ഇടപെട്ട ഗവൺമെൻ്റ്, സ്റ്റോക്കു മാർക്കറ്റ്  പ്രക്ഷുബ്ധതയിൽ നിന്ന് അകന്നു നിൽക്കുന്നു.

സാധാരണ പൗരന്മാരുടെ ചെലവിൽ സമ്പന്നരും ശക്തരും ലാഭമുണ്ടാക്കുന്ന വഞ്ചനാപരമായ കാസിനോ യായി മാറി ഇപ്പോൾ ഇന്ത്യൻ സ്റ്റോക്ക് മാർക്കറ്റ്.  കഠിനാധ്വാനം ചെയ്‌തു ണ്ടാക്കിയ സമ്പാദ്യം ഷെയർ മാർക്കറ്റിൽ നിക്ഷേപിച്ചവർ ഇപ്പോൾ നിലതെറ്റിയ അവസ്ഥയിലാണ് '

 

അർത്ഥവത്തായ നിയന്ത്രണമോ മേൽനോട്ടമോ ഇല്ലാതെ ഓഹരി വിപണിയുടെ മുഴുവൻ സിസ്റ്റത്തിനും അതിൻ്റെ സമഗ്രത നഷ്‌ടപ്പെട്ടു. രാഷ്ട്ര പുനർമാണത്തിന് ഓഹരി വിപണിയിൽ  നിക്ഷേപിക്കു എന്ന് ആഹ്വാനം ചെയ്തസർക്കാർ ഏജൻസികൾ ഓഹരി വിപണിയെ വൻ മുതലാളിമാരുടെ ചൂതാട്ടകേന്ദ്രമാക്കി മാറ്റി.  പെരുപ്പിച്ചു കാണിച്ച ഓഹരി സൂചിക കൊണ്ടുള്ള ചൂതാട്ട മേഖല, അതാണ് ഇപ്പോൾ ഇന്ത്യൻ സ്റ്റോക്ക് മാർക്കറ്റ്.

ഓഹരി വിപണിയോട് യാത്രപറഞ്ഞ ശരാശരി നിക്ഷേപകർ ഇനി തിരികെ എത്തുമോ എന്ന കാര്യം കണ്ടറിയണം 

 -കെ എ സോളമൻ