ചെമ്മണ്ണൂർ വായ്ത്താരി

#ചെമ്മണ്ണൂർ #വായ്ത്താരി

സിനിമ അഭിനേത്രി ഹണി റോസിനോട് ബോബി ചെമ്മണ്ണൂരിൻ്റെ അപകീർത്തികരമായ ഭാഷ അവരെ അപമാനിക്കുക എന്നതിൽ കവിഞ്ഞ് പൊതുവെ സ്ത്രീകളെ അവമതിക്കുന്ന മനോഭാവത്തെയാണ് സൂചിപ്പിക്കുന്നത്.

ചെമ്മണ്ണൂരിൻ്റെ വൃത്തികെട്ട നാവ് സമൂഹത്തിൽ ഓരോ വ്യക്തിയോടുമുള്ള, പ്രത്യേകിച്ച് സ്ത്രീകൾ അർഹിക്കുന്ന അന്തസ്സിനോടും ബഹുമാനത്തോടുമുള്ള നഗ്നമായ അവഗണനയാണ് കാണിക്കുന്നത്. അത്തരം പെരുമാറ്റം മാപ്പർഹിക്കാത്തതാണ്. സ്ത്രീകളെ  അപമാനിക്കുന്ന വികല സംസ്കാരത്തെ  പ്രതിനിധികരിക്കുകയായിരുന്നു ചെമ്മണ്ണൂർ ഇക്കാലമത്രയും ചെയ്തു പോന്നത്.

മറ്റുള്ളവർക്ക് മാതൃകയായി പ്രവർത്തിക്കേണ്ട  ചെമ്മണ്ണൂരിനെപ്പോലെയുള്ള ഒരു വ്യവസായി  ഇത്തരം നികൃഷ്ടമായ വാചകക്കസർത്ത് നടത്തരുതായിരുന്നു.  സ്‌ത്രീകളുടെ അഭിമാനത്തിന് ഭംഗം വരുത്താൻ ഉദ്ദേശിച്ചുകൊണ്ടുള്ള ചെമ്മണ്ണൂർ ഭാഷ ശൈലിക്ക് അദ്ദേഹത്തിൻറെ ജയിൽവാസത്തോട് കൂടി ഒടുക്കം വന്നെന്നു കരുതാം. മലയാള ഭാഷാസംസ്കാരത്തിൻ്റെ "ചെമ്മണ്ണൂർ വായ്ത്താരി"  അസ്തമിക്കുന്നതിന് നടി ഹണി റോസ് ഒരു നിമിത്തമായെന്നു മാത്രം

-കെ എ സോളമൻ