പാണ്ഡവരെത്തേടി വനത്തിലേക്കുപോയ കൗരവര്‍ ഗന്ധര്‍വ്വരെക്കണ്ട് ഓടിയൊളിക്കുന്ന 'ഘോഷയാത്ര'യെന്ന കഥാഭാഗമാണ് സംസ്ഥാന സ്‌കൂള്‍ കലോത്സവവേദിയില്‍ അനന്തന്‍ എസ്.മധു വെള്ളിയാഴ്ച അവതരിപ്പിച്ചത്. വിധികര്‍ത്താക്കള്‍ അനന്തനു കൊടുത്തത് ഏറ്റവും കൂടുതല്‍ മാര്‍ക്കും എ-ഗ്രേഡും. ഏതാണ്ട് ഇതേ സമയത്താണ് ആലപ്പുഴ കുത്തിയതോട്ടില്‍ ആലപ്പുഴ ജില്ലാ വിദ്യാഭ്യാസ ഡെപ്യൂട്ടി ഡയറക്ടര്‍ എസ്.ബാലകൃഷ്ണന്‍, അനന്തന്‍ കൂടി കഥാപാത്രമായ ഒരു സംഭവത്തില്‍ അറസ്റ്റിലാകുന്നത്.
ജനവരി 13ന് തുറവൂരില്‍ നടന്ന ആലപ്പുഴ റവന്യു ജില്ലാ കലോത്സവ വേദിയിലാണ് അനിഷ്ടസംഭവങ്ങളുടെ തുടക്കം. സ്റ്റേജിലെ അസൗകര്യങ്ങള്‍ ചൂണ്ടിക്കാണിച്ചതുമായി ബന്ധപ്പെട്ടുണ്ടായ തര്‍ക്കത്തിനിടെ അനന്തന്റെ അമ്മ ബി. ശശികലയ്ക്ക് മര്‍ദ്ദനമേറ്റു. രക്ഷിതാക്കളും ഡിഡിയും തമ്മിലുള്ള തര്‍ക്കം മൊബൈല്‍ കാമറയില്‍ പകര്‍ത്തവേ ഡി.ഡി, ശശികലയുടെ കരണത്തടിച്ചതായും മറ്റൊരു സ്ത്രീ ഡി.ഡിയെ കസേരകൊണ്ടു തല്ലിയതായും കേസുണ്ട്.
Comment: Ananthan, you have done a wonderful job. It is a rich tribute to your mother.
Thank you hacker
ReplyDeleteK A Solaman