കോണ്‍ഗ്രസിലെ പ്രശ്നങ്ങള്‍ ചായക്കോപ്പയിലെ കൊടുങ്കാറ്റ് -ആന്‍റണി

തിരുവനന്തപുരം: കേരളത്തിലെ കോണ്‍ഗ്രസില്‍ ഇപ്പോഴുള്ള പ്രശ്നങ്ങള്‍ ചായക്കോപ്പയിലെ കൊടുങ്കാറ്റാണെന്ന് മുതിര്‍ന്ന നേതാവ് എ.കെ ആന്‍റണി. കോണ്‍ഗ്രസില്‍ ഒരുതരത്തിലുള്ള പൊട്ടിത്തെറിയും പ്രതീക്ഷിക്കേണ്ടെന്ന് ആന്‍റണി പറഞ്ഞു. മുഖ്യമന്ത്രി ഉമ്മന്‍ചാണ്ടിയുമായി കൂടിക്കാഴ്ച നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. കോണ്‍ഗ്രസില്‍ സങ്കീര്‍ണമായ പ്രശ്നങ്ങളൊന്നുമില്ല. പ്രശ്നങ്ങള്‍ രമ്യമായി പരിഹരിക്കുന്നതിന് കഴിവുള്ള പരിചയ സമ്പന്നരായ നേതാക്കള്‍ കോണ്‍ഗ്രസിലുണ്ട്. ഉള്ള പ്രശ്നങ്ങള്‍ പരിഹരിച്ചുകൊണ്ടിരിക്കുകയാണെന്നും അദ്ദേഹം പറഞ്ഞു. മദ്യനയം സംബന്ധിച്ച തീരുമാനം കൈക്കൊണ്ടതിന്‍െറ ക്രെഡിറ്റ് യു.ഡി.എഫിനും ജനങ്ങള്‍ക്കും അവകാശപ്പെട്ടതാണെന്നും ആന്‍റണി കൂട്ടിച്ചേര്‍ത്തു.

കമന്‍റ്: ചായകോപ്പ, കൊടുംകാറ്റു, കുറ്റിച്ചൂല്‍. തൊകര്‍ത്തുമുണ്ട്, കട്ടന്‍ ചായ, അഞ്ചുപൈസ, കയിപ്പുകഷായം- ഇവയെല്ലാം നുമ്മക്ക് പേറ്റന്‍റ് കിട്ടിയ സാമാനങ്ങള്‍ ആണല്ലോ  :

-കെ എ സോളമന്‍