തൃശൂര്‍: സുരേഷ് ഗോപിക്കെതിരെ മന്ത്രി കെ.സി ജോസഫ് രംഗത്തെത്തി. മുഖ്യമന്ത്രിക്ക് വിവരമില്ലെന്ന സുരേഷ് ഗോപിയുടെ പ്രസ്താവന കേരളത്തെ അപമാനിക്കുന്നതാണെന്ന് കെ.സി ജോസഫ് പറഞ്ഞു. ആവിഷ്‌കാര സ്വാതന്ത്ര്യത്തെ കോണ്‍ഗ്രസ് ബഹുമാനിക്കുന്നു. സുരേഷ് ഗോപിക്കെതിരായ യൂത്ത് കോണ്‍ഗ്രസിന്റെ പ്രതിഷേധം വികാര പ്രകടനമാണെന്നും കെ.സി ജോസഫ് പറഞ്ഞു.
ദല്‍ഹിയില്‍ ഭരണം മാറുമ്പോള്‍ സ്വരം മാറുന്നയാളാണ് സുരേഷ് ഗോപിയെന്നും കെ സി ജോസഫ് പറഞ്ഞു. ആറന്മുള വിമാനത്താവള വിഷയത്തിലാണ് സുരേഷ് ഗോപി മുഖ്യമന്ത്രി ഉമ്മന്‍ ചാണ്ടിക്കെതിരേ രൂക്ഷവിമര്‍ശനം നടത്തിയത്. സുരേഷ് ഗോപി അഭിനയിച്ച സിനിമയുടെ ആദ്യപ്രദര്‍ശനവും വ്യാഴാഴ്ച യൂത്ത് കോണ്‍ഗ്രസ് പ്രവര്‍ത്തകര്‍ തടഞ്ഞിരുന്നു.
കമന്‍റ്: സെലിബ്രിറ്റികള്‍ പ്രസ്താവന ഇറക്കുമ്പോള്‍ സംയമനം പാലിക്കേണ്ടതാണ് . കുറച്ചുനാളായി സുരേഷ് ഗോപിക്ക് ഈ വിവരം ഇല്ല
-കെ എ സോളമന്‍
No comments:
Post a Comment