ന്യൂദല്‍ഹി: തൃശ്ശൂര്‍ ആസ്ഥാനമായി പ്രവര്‍ത്തിക്കുന്ന സൗത്ത്‌ ഇന്ത്യന്‍ ബെസ്റ്റ്‌ ബാങ്കേഴ്സ്‌ 2013 അവാര്‍ഡ്‌ ചടങ്ങില്‍ നാല്‌ പുരസ്കാരങ്ങള്‍ നേടി. ബാങ്കിന്റെ എംഡിയും ചീഫ്‌ എക്സിക്യൂട്ടിവ്‌ ഓഫീസറുമായ ഡോ.വി.എ ജോസഫ്‌ മധ്യ നിര ബാങ്കുകളിലെ ഏറ്റവും മികച്ച ബാങ്കര്‍ക്കുള്ള പുരസ്കാരം കേന്ദ്ര പാര്‍ലമെന്ററി കാര്യ മന്ത്രി കമല്‍നാഥില്‍ നിന്നും ഏറ്റുവാങ്ങി. ഇത്‌ കൂടാതെ മികച്ച സ്വകാര്യ മേഖലാ ബാങ്കര്‍ അവാര്‍ഡ്‌, ബെസ്റ്റ്‌ ബാങ്കര്‍ ആള്‍ റൗണ്ട്‌ എക്സ്പാന്‍ഷന്‍ അവാര്‍ഡ്‌, കാര്യക്ഷമതയ്ക്കും ലാഭത്തിനുമുള്ള മികച്ച ബാങ്കര്‍ അവാര്‍ഡ്‌ എന്നിവയും സൗത്ത്‌ ഇന്ത്യന്‍ ബാങ്ക്‌ സ്വന്തമാക്കി.
കേന്ദ്ര വാണിജ്യ മന്ത്രി ആനന്ദ്‌ ശര്‍മ്മ, ഉത്തര്‍ പ്രദേശ്‌ മുഖ്യമന്ത്രി അഖിലേഷ്‌ യാദവ്‌, ആര്‍ ബി ഐ മുന്‍ ഡെപ്യൂട്ടി ഗവര്‍ണര്‍ സുബിര്‍ ഗോകാണ്‍ തുടങ്ങിയവരും ഇന്ത്യയിലെ മുന്‍നിര ബാങ്കര്‍മാരും ചടങ്ങില്‍ സന്നിഹിതരായിരുന്നു. ഈ വിശിഷ്ടമായ പുരസ്കാരങ്ങള്‍ നേടാനായതില്‍ ഞങ്ങള്‍ക്ക്‌ ഏറെ സന്തോഷമുണ്ട്‌. ഉപഭോക്തളോടുള്ള ഞങ്ങളുടെ പ്ര തിബദ്ധതയുടെ സാക്ഷ്യപത്രമായാണ്‌ ഈ നേട്ടത്തെ കാണുന്നതെന്ന്‌ ഡോ.വി.എ ജോസഫ്‌ പറഞ്ഞു. ഇന്ത്യയിലെ എല്ലാ ഷെഡ്യൂള്‍ഡ്‌ കമേഴ്സ്യല്‍ ബാങ്കുകളിലേയും സിഇഒമാരില്‍ നിന്നാണ്‌ മികച്ച ബാങ്കറെ കണ്ടെത്തുന്നത്‌.
Comment : സൗത്ത്‌ ഇന്ത്യന്‍ ബാങ്കിന്‌ 4 ബെസ്റ്റ്‌ ബാങ്കര്‍ പുരസ്കാരങ്ങള്‍ ! ബാങ്കിന്റെ ഷെയറുകള്‍ ആക്ക്രി വിലയ്ക്ക് കിട്ടാന്‍ അതാണ് കാരണം
-കെ എ സോളമന്‍
No comments:
Post a Comment