കൂത്തുപറമ്പ്‌ കോടതിയില്‍ മജിസ്‌ട്രേട്ടിന്‌ ചെരുപ്പേറ്‌,കണ്ണൂരില്‍ വൈസ്‌ചാന്‍സലറെ പൂട്ടിയിട്ടു

Posted On: Thu, 19 May 2011

കണ്ണൂര്‍‌: കൂത്തുപറമ്പ്‌ ഫസ്റ്റ്ക്‌ളാസ്‌ മജിസ്‌ട്രേട്ട്‌ വി. ശ്രീജക്ക്‌ നേരെ ചെരുപ്പേറ്‌. ചാരായകേസില്‍ പ്രതിയായ ഹരിപ്പാട്‌ സ്വദേശി ജെ. രവീന്ദ്രന്‍ (60) ആണ്‌ മജിസ്‌ട്രേറ്റിന്‌ നേരെ ചെരുപ്പെറിഞ്ഞത്‌.

ഇന്ന്‌ രാവിലെ 11.30 ഓടെ കോടതിയില്‍ വച്ചാണ്‌ സംഭവം. കൊട്ടിയൂരില്‍ വച്ച്‌ എക്‌സൈസ്‌ സംഘമാണ്‌ രവീന്ദ്രനെ അറസ്റ്റ്‌ ചെയ്‌തിരുന്നത്‌. കൂത്തുപറമ്പ്‌ ഫസ്റ്റ്ക്‌ളാസ്‌ മജിസ്‌ട്രേട്ട്‌ കോടതിയിലാണ്‌ കേസിന്റെ വിചാരണ നടന്നുവരുന്നത്‌


Posted On: Thu, 19 May 2011

കണ്ണൂര്‍ : കണ്ണൂര്‍ സര്‍വ്വകലാശാല വൈസ് ചാന്‍സലര്‍ ഡോ. പി.കെ. മൈക്കിള്‍ തരകനെ കെ.എസ്.യു എംപ്ലോയ്സ് ഓര്‍ഗനൈസേഷന്‍ പ്രവര്‍ത്തകര്‍ മുറിയില്‍ പൂട്ടിയിട്ടു. ഐ.ടി, ബയോടെക് പ്രതിനിധികളെ സിന്‍ഡിക്കെറ്റ് യോഗത്തില്‍ പങ്കെടുപ്പിക്കരുതെന്ന് ആവശ്യപ്പെട്ടാണിത്.

വൈസ് ചാന്‍സലറെ സിന്‍ഡിക്കെറ്റ് അംഗം ജെയിംസ് മാത്യുവിന്റെ നേതൃത്വത്തിലുള്ളവര്‍ മോചിപ്പിക്കാന്‍ ശ്രമിച്ചതു സംഘര്‍ഷത്തിനിടയാക്കി. സംഘര്‍ഷത്തില്‍ പൊലീസുകാരനു പരുക്കേറ്റു. സര്‍വകലാശാലയില്‍ ഐ.ടി, ബി.ടി വിദഗ്ദ്ധരെ നിയമിച്ചതില്‍ വനിതാസംവരണം പാലിച്ചില്ലെന്ന പ്രശ്നം ചര്‍ച്ച ചെയ്യാന്‍ സിന്‍ഡിക്കറ്റ്‌ യോഗം കൂടുന്നതിനിടെയാണ് വൈസ്‌ ചാന്‍സലറെ പൂട്ടിയിട്ടത്.

Comment

These are all welcome gestures for the New Oommen Chandy Ministry. More in the offing from Kannur
-K A Solaman