ദൈവത്തിന്റെ മുന്നില് എല്ലാവരും തുല്യരാണ്. ദേശീയപാതയോരത്ത് പാതിരപ്പള്ളിയിലെ 'ദൈവം' ഹോട്ടലിന്റെ ഉടമകളായ കാര്ത്തികേയന്റെയും സന്നകുമാറിന്റെയും പ്രവര്ത്തനലക്ഷ്യമാണിത്. വിലയേറിയ മുന്തിയ ഇനം വിഭവങ്ങള് ഇവിടെ കിട്ടില്ല. സാധരണക്കാരും സമ്പന്നരും ഒരുപോലെ ഇഷ്ടപ്പെടുന്ന 'നാടന് മത്തി' യാണ് ഇവിടത്തെ പ്രധാന വിഭവം.
ഓമനപ്പുഴ ദൈവത്തിങ്കല് പരേതനായ കൃഷ്ണന്റെ ഭാര്യ പരേതയായ തങ്കമ്മ 70 വര്ഷം മുന്പാണ് ഈ ഹോട്ടല് തുടങ്ങിയത്. കൃഷ്ണന്റെ ചെല്ലപ്പേരാണ് 'ദൈവം'. അതിനാലാണ് ഹോട്ടലിനും ഈ പേരിട്ടത്. ഹോട്ടലിന്റെ എതിര്വശം ബോംബെ കമ്പനി എന്ന പ്രമുഖ കയര്ഫാക്ടറി പ്രവര്ത്തിച്ചിരുന്നു. ഇവിടത്തെ തൊഴിലാളികള്ക്ക് ഭക്ഷണം നല്കാനാണ് തങ്കമ്മ ഓലമേഞ്ഞ കട തുടങ്ങിയത്.
30 രൂപയാണ് ഇപ്പോള് ഊണിന്റെ വില. മത്തി വറുത്തത് കൂട്ടിയായാല് 40 രൂപ. ദിവസവും 250 മുതല് 400 പേര്വരെ ഉച്ചഭക്ഷണം കഴിക്കാന് എത്തുന്നുണ്ട്. പാതിരപ്പള്ളിയിലെ വ്യവസായ സ്ഥാപനങ്ങളിലെ തൊഴിലാളികളാണ് പ്രധാന ഉപഭോക്താക്കള്. ദേശീയപാതയിലൂടെ സഞ്ചരിക്കുന്ന വാഹനങ്ങളിലെ ഡ്രൈവര്മാരും ഇവിടെ വണ്ടി ചവിട്ടും. രാത്രിഭക്ഷണം സ്ഥിരം ചില ആളുകള്ക്ക് മാത്രം. അല്ലെങ്കില് മുന്കൂട്ടി അറിയിക്കണം. ഞായറാഴ്ച 'ദൈവ'ത്തിന് അവധിയാണ്.
പാചകക്കാര് സ്ത്രികളാണ്. കാര്ത്തികേയന്റെ ഭാര്യ ചന്ദ്രിക, സന്നകുമാറിന്റെ ഭാര്യ സവിത, സഹോദരി അംബിക, അയല്വാസി സുകുമാരി എന്നിവരുടെ നേതൃത്വത്തിലാണ് പാചകം. പായ്ക്കറ്റില് വരുന്ന ഉത്പന്നങ്ങളൊന്നും വാങ്ങില്ല. കൊപ്ര ആട്ടിയെടുക്കുന്ന ശുദ്ധമായ വെളിച്ചണ്ണയിലാണ് പാചകം. മുളകും മല്ലിയുമൊക്കെ വാങ്ങി ഉണക്കിപ്പൊടിച്ചെടുക്കും. വീടിനോട് ചേര്ന്നാണ് ഹോട്ടല്. പാതിരപ്പള്ളി ഉദയാ സ്റ്റുഡിയോയില് ചിത്രീകരണം നടന്ന നാളുകളില് സിനിമാക്കാരും ഇവിടെനിന്നാണ് ഭക്ഷണം കഴിച്ചിരുന്നത്. പൂര്വകാല സ്മരണകളുമായി നടന് ശ്രീനിവാസന് ഇപ്പോഴും എത്തുന്നുണ്ട്. ജി.സുധാകരന്, ഡോ. തോമസ് ഐസക് എന്നീ എം.എല്.എ.മാരും മിക്കവാറും ഇവിടത്തെ പതിവുകാര്. ഫോണ്: 0477 2259240, 9747168066.
Comment: ഡോ. തോമസ് ഐസക്ക് പതിവുകാരനെന്ന് പറഞ്ഞതു സമ്മ്തിച്ചു, പക്ഷേ ജി . സുധാകരന് പതിവുകാരനാകാന് സാധ്യത ഇല്ല. അദ്ദേഹത്തിന് വെച്ചു വേവിച്ചു കൊടുക്കാന് കോളേജ് പ്രൊഫസ്സറായ ഭാര്യ വീട്ടിലുണ്ട്.
അതിരിക്കട്ടെ 40 രൂപവെച്ചു 400 ഊണിന് വിറ്റുവരവ് ദിവസം 16000രൂപ. ഇന്കംടാക്സ് , സെയില് ടക്സ്, അഡീഷണല് ടാക്സ്- ഇങ്ങനെ വല്ലതും 'ദൈവം' അടക്കുന്നുണ്ടോ?
-കെ എ സോളമന്
ന്യൂഡല്ഹി: കേന്ദ്രമന്ത്രി ശശി തരൂരിനെതിരെ ഗുജറാത്ത് മുഖ്യമന്ത്രി നരേന്ദ്രമോഡി നടത്തിയ പരാമര്ശത്തിന് അദ്ദേഹം ട്വിറ്ററിലൂടെ മറുപടി നല്കി. ഭാര്യ സുനന്ദ പുഷ്കര് തന്റെ വിലമതിക്കാനാവാത്ത സമ്പത്താണെന്ന് തരൂര് വ്യക്തമാക്കി. അതൊക്കെ മനസിലാകണമെങ്കില് ആരെയെങ്കിലും സ്നേഹിക്കാന് കഴിയണം. തന്റെ ഭാര്യക്കെതിരെ പരാമര്ശം നടത്തുന്ന തരത്തില് തരംതാണ വ്യക്തിയാണ് അദ്ദേഹമെന്ന് കരുതിയില്ലെന്ന് തരൂര് ട്വിറ്ററില് കുറിച്ചു.
കൊച്ചി: കേരളത്തിലെ യുവാക്കള് തൊഴില് തേടുന്നവരില് നിന്ന് തൊഴില് സൃഷ്ടിക്കുന്നവരായി മാറണമെന്ന് മുഖ്യമന്ത്രി ഉമ്മന്ചാണ്ടി. ഇത്തരമൊരു വിപ്ലവകരമായ മാറ്റം നമ്മുടെ രക്ഷിതാക്കളുടെയടക്കം ചിന്തകളില് ഉണ്ടാകണം. സുസ്ഥിര വികസനം കൈവരിക്കാനുള്ള ശ്രമമാണ് യു.ഡി.എഫ് സര്ക്കാര് നടത്തുന്നത്. വിദ്യാര്ത്ഥികളില് സംരഭകത്വം പ്രോത്സാഹിപ്പിക്കാന് സര്ക്കാര് സഹായമുണ്ടാകും. പരിസ്ഥിതി സൗഹൃദമായ പദ്ധതികള് അവതരിപ്പിച്ചാല് വേഗം തന്നെ അനുമതി നല്കാനാകുമെന്നും മുഖ്യമന്ത്രി പറഞ്ഞു.
തൊടുപുഴ: അടുത്ത വര്ഷത്തോടെ സംസ്ഥാന ജീവനക്കാരുടെ വിരമിക്കല്പ്രായം 58 ആയി ഉയര്ത്തും. ഇതുസംബന്ധിച്ച് മന്ത്രിമാര്ക്കിടയില് അഭിപ്രായ ഐക്യമായി. പുറത്തുനിന്ന് എതിര്പ്പുകള് ഉയരാന് സാധ്യതയുള്ളതിനാല് ആദ്യം കോളേജ് അധ്യാപകര്ക്ക് യു.ജി.സി. പാക്കേജിന്റെ മറവില് വിരമിക്കല് പ്രായം 60 ആക്കാനാണ് നീക്കം. പിന്നീട് സംസ്ഥാന ജീവനക്കാരുടേത് 58ഉം ക്രമേണ 60ഉം ആക്കാന് കഴിയുമെന്നാണ് സര്ക്കാരിന്റെ പ്രതീക്ഷ.
ന്യൂഡല്ഹി: സ്ത്രീകളെ മോശമായി ചിത്രീകരിക്കുന്ന മെസേജുകളും ഇ മെയിലുകളും അയയ്ക്കുന്നവര്ക്ക് മൂന്നു വര്ഷംവരെ തടവുശിക്ഷ ലഭിക്കുന്ന തരത്തില് നിയമം ഭേദഗതി ചെയ്യുന്നു. പ്രധാനമന്ത്രിയുടെ അധ്യക്ഷതയില് ചേര്ന്ന കേന്ദ്രമന്ത്രിസഭാ യോഗം നിയമഭേദഗതിക്ക് അംഗീകാരം നല്കി. അശ്ലീല സന്ദേശം അയയ്ക്കുന്നവരില്നിന്ന് വന്തുക പിഴ ഈടാക്കാനും നിയമഭേദഗതി വ്യവസ്ഥ ചെയ്യുന്നു.
