ജീവിതവും മരണവും തമ്മിലുള്ള അതിവര്‍മ്ബേതു എന്ന ചോദ്യത്തിനുള്ള ഒരു ഉത്തരം അഞ്ചു കി മി /മണിക്കൂര്‍ എന്നതാണ്. അമ്പതു കി മി /മണിക്കൂര്‍ വേഗത ഉള്ള വാഹനം ഇടിച്ചാല്‍ വഴി യാത്രക്കാരില്‍ പത്തില്‍ ഒമ്പത് പേരും മരിക്കും. വേഗം അമ്പതെങ്കില്‍ മരണം പത്തില്‍ അഞ്ച്. സ്പീഡ് വെറുംമുപ്പതെ യുള്ളൂ എങ്കില്‍ പാത്തില്‍ ഒരു മരണം ഉറപ്പ്.അമിത വേഗതയാണ് റോഡ്‌ അപകടങ്ങളുടെ പ്രധാന കാരണമെന്ന നിഗമനത്തില്‍ എത്താന്‍ ഇതില്പരം തെളിവുകളുടെ ആവശ്യമില്ല.
പതിനഞ്ചു മിനുട്ടില്‍ ഒരു വാഹന അപകടം എന്നതാണ് കേരളത്തിലെ കണക്ക്. ഓരോ രണ്ടേകാല്‍ മണിക്കുറിലും കേരളത്തില്‍ റോഡപകടങ്ങള്‍ മൂലം ഒരു മരണം സംഭവിക്കുന്നു. പുതിയ സെന്‍സെസ് അനുസരിച്ച് രാജ്യത്തിലെ ജനസംഖ്യയുടെ രണ്ടര ശതമാനം ആണ് കേരളത്തില്‍ ഉള്ളത്. എന്നാല്‍ ഇന്ത്യയില്‍ 2009 -ല്‍ നടന്ന റോടപകടങ്ങളില്‍ 7 .3 ശതമാനവും ഈ സംസ്ഥാനത്ത് ആണ്. ഗതാഗത നിയമങ്ങള്‍ സ്കൂള്‍ തലത്തില്‍ തന്നെ കുട്ടികളെ പഠിപ്പിച്ചു തുടങ്ങണം. ഡ്രൈവര്‍മാര്‍ക്ക് ഇടയ്ക്കിടെ ബോധവല്‍കരണ ക്ളാസ്സുകള്‍ നടത്തേണ്ടത് അനിവാര്യം. നിരത്തുകളില്‍ കര്‍ശനമായ വേഗതാനിയന്ത്രണങ്ങളും വേണം. 12 വയസിനു താഴെ ഉള്ള കുട്ടികള്‍ സൈക്കിളും 18 നു താഴെ ഉള്ളവര്‍ motor ബൈക്കും റോഡില്‍ ഇറക്കരുതെന്ന നിയമം കാറ്റില്‍ പറത്തുന്നത്‌ ചില രക്ഷകര്‍ത്താക്കള്‍ തന്നെയാണ്.
വാഹനം ഓടിക്കുന്നവര്‍ കാല്നടക്കാര്‍ക്കും പരിഗണന നല്‍കണം. നിരത്തിന്റെ സ്ഥിതി അനുസരിച്ച് വാഹനം ഓടിക്കുന്നതാണ് ശരിയായ ഡ്രൈവിംഗ് രീതി. രോടപകടം മൂലമുള്ള ചോരപുഴ ഒഴിവാക്കുന്നതിനു റോഡ്‌ വശങ്ങളിലെ പരസ്യബോര്‍ഡുകളും നീക്കം ചെയണം. അപകടം ഉണ്ടാകുമ്പോള്‍ ദുഖിക്കുന്നതിനു പകരം മുന്‍കൂട്ടിയുള്ള ആസൂത്രണം ആണ് നമ്മുക്ക് വേണ്ടത്.
കെ എ സോളമന്‍
23 ജൂണ്‍ 2011
മംഗളം ദിനപത്രം
munkoottiyulla asoothranam athu thanneyanu vendathu......
ReplyDeletethank you Jayaraj for joining
ReplyDeleteK A Solaman