സംസ്ഥാനത്തെ എല്ലാ ബി പി എല് കാര്ഡ് ഉടമകള്ക്കും ഒരു കിലോക്ക് ഒരു രൂപ വെച്ചുള്ള അരി നല്കാന് മുഖ്യ മന്ത്രി ഉമ്മന് ചാണ്ടി തീരമാന മെടുത്തു. മുന് എല് ഡി എഫ് സര്ക്കാരിന്റെ രണ്ടു രൂപ അരിയുടെ തുടര്ച്ച ആണ് ഒരു രൂപയുടെ അരി. ഒരു മത്തിക്ക് രണ്ടുരൂപ ഉള്ളപ്പോള് എന്തിനാണ് സര്ക്കാര് അരിക്ക് ഒരു രൂപ വാങ്ങുന്നത്?
ബി പി എല് കാര്ഡ് ഉടമകള്ക്ക് അരി സൌജന്യമായി കൊടുത്തുകൂടെ? ഇരു മുന്നണികളും കണ്ണീര് പൊഴിക്കുന്നത് പാവപ്പെട്ടവര്ക്ക് വേണ്ടിയാണ്. ഇപ്പോള് നടന്നു കൊണ്ടിരിക്കുന്ന എസ് എഫ് ഐ - പോലിസ് തെരുവ് യുദ്ധം പാവപെട്ട കുട്ടികള്ക്ക് സ്വാശ്രയ മെഡിക്കല് കോളേജുകളില് എം ബി ബി എസ് അഡ്മിഷന് നേടി എടുക്കാന് വേണ്ടിയാണത്രേ! .
എന്ട്രന്സ് പരീക്ഷയൊക്കെ പാസ്സായി സ്വാശ്രയ കോളേജുകളില് അഡ്മിഷന് നെടാന്പാകത്തില് എത്ര കുട്ടികള് ബി പി എല് ഭവനങ്ങളില് നിന്ന് വരുന്നുണ്ട് എന്ന് ആര്ക്കെങ്കിലും ഒന്ന് വ്യെക്തമാക്കാമോ? അധികാരത്തില് ഇരിക്കുന്ന മുന്നണിയും അവരെ ഉടന് താഴെ ഇറക്കാന് വിദ്യാര്ത്ഥികളെ കമ്പും കല്ലും കൊടുത്തു തെരുവിലറ ക്കിയിരിക്കുന്ന പ്രതിപക്ഷ മുന്നണി യും ബി പി എല് കാര്ഡ് ഉടമകളെ ചികിത്സിക്കാന് ബി പി എല് ഡോക്ടര് മാര് വേണ്ടെന്നാണോ കരുതുന്നത്? കാശു ള്ളവന് വേണ്ടി മാത്രമുള്ള- അത് മെറിറ്റായാലും സ്വശ്രയമായാലും- സമരത്തില് തല്ലു കൊള്ളാന് പ്രൊഫെഷണല് വിദ്ധ്യാര്ഥി ഇല്ല , ചുക്കിനും ചുണ്ണാമ്പിനും കൊള്ളാത്ത ആര്ട്സ് ആന്ഡ് സയന്സ് കാരനെ യുള്ളൂ. എല്ലാ ജനങ്ങളെയും എല്ലാക്കാലത്തും വിഡ്ഢി കളാക്കുന്നതാണ് കേരളത്തിന്റെ രാഷ്ട്രിയ മുന്നണി സംസ്കാരം.
കെ എ സോളമന്
No comments:
Post a Comment