കാത്തിരുന്നു ഞാന്‍
മനസിന്റെ മായ ജാലകം തുറന്നിട്ടു
കാത്തിരുന്നു ഞാന്‍ ,
തെന്നലായ്, ഒരു കുളിര്‍ മഴയായ് ,
നീ വരുന്നതും ഒരു നോക്കു കാണുന്നതും കിനാവില്‍
കാത്തിരുന്നു ഞാന്‍ .
കുസൃതിയാം തെന്നല്‍ വന്നില്ല,
കിളിവാതില്‍ തുറന്നില്ല
കുളിര്‍ മഴയായ്, തെളിമലരായ് നിന്നെ കണ്ടില്ല
എങ്കിലും പ്രിയേ നിനയ്ക്കായി , നിന്നെ യോര്‍ത്തു
കാത്തിരുന്നു ഞാന്‍ .
നീലനിലാവുള്ള രാത്രിയില്‍ സുഗന്ധമായ്
വാതില്‍ പതുക്കെ തുറന്നെത്തും സൌരഭ്യമായ്
വെളിച്ചമായ് അനുഭൂതിയായ്,
ഞരമ്പുകള്‍ ത്രസിപ്പിക്കും ഊര്‍ജ്ജമായ്
നീവരുന്നതും ഓര്‍ത്ത്‌ അക്ഷമനായി
കാത്തിരുന്നുഞാന്‍ .
ഞാനിന്നുമെന്നപോല്‍ ഓര്‍ക്കുന്നു
നിന്റെ സ്നേഹ സമ്മാനവും ചുടു നിശ്വാസവും
നിന്‍ കരിനീല കണ്ണില്‍ നിഴലിച്ച എന്‍രൂപവും
കവിതയായ് കിളിമൊഴിയായ്
എന്‍ ഹൃത്തില്‍ നിറഞ്ഞതും പ്രിയേ
ഇന്നുമെന്നപോല്‍ ഓര്‍ക്കുന്നു
നഷ്ടത്തിന്‍ ഏടുകല്‍ ജീവിതമെങ്കിലും
നീ ഹൃദയത്തില്‍ ചാലിച്ചു ആയിരം വര്‍ണങ്ങള്‍ -
സൌമ്യമാം അനുഭൂതി
നീ വരുന്നതും ഒരു നോക്കു കാണുന്നതും കിനാവില്‍
ഓര്‍ത്തിരുന്നു ഞാന്‍ ,
നിന്നെ കാത്തിരുന്നു ഞാന്‍ .
-കെ എ സോളമന്‍
No comments:
Post a Comment