തിരുവനന്തപുരം: സംസ്ഥാനത്തു ലോഡ് ഷെഡിങ് വേണ്ടി വരുമെന്നു മന്ത്രിസഭായോഗം. ഗാര്‍ഹിക, വ്യാവസായികാവശ്യങ്ങള്‍ക്ക് അടക്കം എല്ലാ വിഭാഗത്തിനും വൈദ്യുതി നിയന്ത്രണം ഏര്‍പ്പെടുത്തും. ദിവസേന അര മണിക്കൂര്‍ വീതമോ രണ്ടു തവണയായി ഒരു മണിക്കൂറോ ആകും ലോഡ് ഷെഡിങ്. സംസ്ഥാനത്ത് വൈദ്യുതി ക്ഷാമം ഉണ്ടെന്ന്‌ മുഖ്യമന്ത്രി ഉമ്മന്‍ചാണ്ടി മന്ത്രിസഭായോഗത്തിന് ശേഷം അറിയിച്ചു. ഡാമുകളില്‍ ജലനിരപ്പ്‌ കുറഞ്ഞത്‌ വൈദ്യുതി പ്രതിസന്ധി സൃഷ്ടിക്കുന്നുണ്ട്‌. കേന്ദ്രത്തില്‍ നിന്ന്‌ കൂടുതല്‍ വൈദ്യുതി ലഭിച്ചില്ലെങ്കില്‍ നിയന്ത്രണം വേണ്ടി വരും. വൈദ്യുതി നിയന്ത്രണം ഏര്‍പ്പെടുത്തണമോയെന്ന കാര്യം വൈദ്യുതി മന്ത്രിയും കെ.എസ്‌.ഇ.ബിയും ചേര്‍ന്ന്‌ തീരുമാനിക്കുമെന്നും മുഖ്യമന്ത്രി അറിയിച്ചു.
Comment:ഇപ്പൊ പൊട്ടും ഇപ്പൊ പൊട്ടും എന്ന് പറഞ്ഞു ഡാമിലെ വെള്ളമെല്ലാം ഊറ്റിക്കളഞ്ഞു. ഇനി ലോഡ് ഷെഡിങ്ങേ മാര്‍ഗമുള്ളൂ
-കെ എ സോളമന്‍ .
No comments:
Post a Comment