ജപ്പാന്‍ ആണവ വികരണ ഭീതിയില്‍

Posted On: Sun, 13 Mar 2011

ടോക്യോ: ഭൂകമ്പവും സുനാമിയും കൊടും ദുരന്തം വിതച്ച ജപ്പാനില്‍ അണുവികരണ ഭീഷണി. ഫുകുഷിമ ആണവനിലയത്തിലെ ഒരു ആണവറിയാക്ടറിന്റെ ശീതീകരണസംവിധാനം കൂടി ഞായറാഴ്ച രാവിലെ തകരാറിലായി. ഇതോടുകൂടി ആറ് ആണവറിയാക്ടറുകളാണ് പ്രവര്‍ത്തനരഹിതമായത്.

അണു വികിരണ ഭീതിയില്‍ അഞ്ച് ആണവനിലയങ്ങളില്‍ അടിയന്തരാവസ്ഥ പ്രഖ്യാപിച്ചതിനു തൊട്ടു പിന്നാലെയാണ് ഫുകുഷിമ ആണവറിയാക്ടറില്‍ നിന്ന് അണുവികിരണച്ചോര്‍ച്ച ഉണ്ടായതായി അധികൃതര്‍ സ്ഥിരീകരിച്ചത്. വെള്ളിയാഴ്ചയുണ്ടായ ഭൂകമ്പത്തിന്‍റെ ശക്തിയില്‍ ഡെയ്ച്ചിയെ കൂടാതെ ഡെയ്നി ആണവ കേന്ദ്രത്തിലും ശീതീകരണസംവിധാനങ്ങള്‍ തകര്‍ന്നിരുന്നു. യുഎസ് സഹായത്തോടെ ഇവ ശരിപ്പെടുത്തിവരുന്നതിനിടെയാണ് അപകടം.

Comment: A news more shocking to the rest of the world. And a warning to all countries hibernating on nuclear bombs.
K A solaman