വി.എസ് അച്യുതാനന്ദന് സീറ്റ് നിഷേധിച്ചു

Posted On: Wed, 16 Mar 2011

തിരുവനന്തപുരം: വരുന്ന നിയമസഭാ തെരഞ്ഞെടുപ്പില്‍ മുഖ്യമന്ത്രി വി.എസ്‌. അച്യുതാനന്ദനെ മത്സരിപ്പിക്കേണ്ടെന്ന് സി.പി.എം സെക്രട്ടറിയേറ്റ്‌ തീരുമാനിച്ചു. സംസ്ഥാന സമിതിയില്‍ അന്തിമ തീരുമാനം.

മുന്നണിയെയും പാര്‍ട്ടിയേയും ആഭ്യന്തര മന്ത്രി കോടിയേരി ബാലകൃഷ്ണനായിരിക്കും നയിക്കുക. പാര്‍ട്ടി സെക്രട്ടറി പിണറായി വിജയനും മത്സര രംഗത്തുണ്ടാവില്ല. തെരഞ്ഞെടുപ്പില്‍ മത്സരിക്കാന്‍ താല്‍പര്യമില്ലെന്ന്‌ പിണറായി വിജയന്‍ സെക്രട്ടറിയേറ്റിനെ അറിയിച്ചു.

തലശേരിയില്‍ നിന്നായിരിക്കും കോടിയേരി ബാലകൃഷ്ണന്‍ ജനവിധി തേടുക. പാര്‍ട്ടി തീരുമാനം എന്തായാലും അനുസരിക്കുമെന്ന്‌ സെക്രട്ടറിയേറ്റ്‌ യോഗത്തില്‍ വി.എസ്‌. അച്യുതാനന്ദന്‍ പറഞ്ഞു.

താന്‍ മത്സരിക്കുമോ എന്ന കാര്യം പറയേണ്ടവര്‍ പറയുമെന്ന്‌ മുഖ്യമന്ത്രി വി.എസ്‌. അച്യുതാനന്ദന്‍ വ്യക്തമാക്കി. സ്ഥാനാര്‍ത്ഥി നിര്‍ണയം സംബന്ധിച്ച സെക്രട്ടറിയേറ്റ്‌ യോഗത്തിനു ശേഷം സംസാരിക്കുകയായിരുന്നു അദ്ദേഹം.

Comment: Fukishima meltdown in Kerala CPM! What the CPM to achieve in election without the leader of the mass? An easy walkover for UDF in the next election.
K A Solaman