രാജിയില്‍ നിന്നും പിന്നോട്ടില്ല - ഡി.എം.കെ

Posted On: Mon, 08 Mar 2011

ന്യൂദല്‍ഹി: തീരുമാനം പുനഃപരിശോധിക്കില്ലെന്ന് ഡി.എം.കെ നേതാവ് ടി.ആര്‍ ബാലു വ്യക്തമാക്കി. രാജി നല്‍കാനായി പ്രധാനമന്ത്രിയെ കാണാനെത്തിയ ഡി.എം.കെ മന്ത്രിമാര്‍ക്ക് സമയം അനുവദിച്ചില്ല. പശ്നങ്ങള്‍ പരിഹാരമില്ലാതെ തുടരുകയാണെന്ന് കോണ്‍ഗ്രസ് നേതാവ് ഗുലാംനബി ആസാദും വ്യക്തമാക്കി.

ഇന്ന് വൈകുന്നേരം ആറ് മണിക്ക് പ്രധാനമന്ത്രിയെ കാണുമെന്ന സൂചനയാണ് ഡി.എം.കെ മന്ത്രിമാര്‍ നല്‍കുന്നത്. ഇന്ന് രാവിലെ പതിനൊന്ന് മണിക്ക് ഡി.എം.കെ മന്ത്രിമാര്‍ രാജിവയ്ക്കുമെന്നാണ് പറഞ്ഞിരുന്നത്. ഇതിനിടെ ഡി.എം.കെ മന്ത്രിമാര്‍ അഴഗിരിയുടെ വസതിയില്‍ യോഗം ചേര്‍ന്ന് സ്ഥിതിഗതികള്‍ വിലയിരുത്തി.

ഡി.എം.കെ നേതാവ് ദയാനിധിമാരന്‍ ധനമന്ത്രി പ്രണബ് മുഖര്‍ജിയുമായി കൂടിക്കാഴ്ച നടത്തി. ചര്‍ച്ചയ്ക്ക് ശേഷം പ്രണബ് മുഖര്‍ജി, ഗുലാം നബി ആസാദ്, ചിദംബരം എന്നിവര്‍ തമിഴ്‌നാട് സാഹചര്യം വിലയിരുത്തി.


Comment: Resignation will not happen. Enquiries from both Centre and State are detrimental for DMK.
K A Solaman