തിരുവനന്തപുരം: സംസ്ഥാനത്തെ ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി പരീക്ഷാഫലം പ്രസിദ്ധീകരിച്ചു. ഹയര്‍ സെക്കണ്ടറിയില്‍ 81.34 ശതമാനം പേരാണ് വിജയിച്ചത്. ഓപ്പണ്‍ സ്‌കൂള്‍ വിഭാഗത്തില്‍ 31.56 ശതമാനവും വൊക്കേഷണല്‍ ഹയര്‍ സെക്കണ്ടറി വിഭാഗത്തില്‍ 90.32 ശതമാനവും വിജയം നേടി.
ഹയര്‍ സെക്കണ്ടറിയില്‍ 5132 പേര്‍ എല്ലാ വിഷയങ്ങള്‍ക്കും എ പ്ലസ് നേടി. ഏറ്റവും കൂടുതല്‍ പേര്‍ എ പ്ലസ് നേടിയത് തൃശൂര്‍ ജില്ലയിലാണ്. ഏറ്റവും ഉയര്‍ന്ന വിജയശതമാനം എറണാകുളം ജില്ലയിലും കുറവ് പത്തനംതിട്ടയിലുമാണ്. ഏറ്റവും കൂടുതല്‍ എ പ്ലസ് നേടിയത് പട്ടം സെന്റ് മേരീസ് സ്‌കൂളാണ്. 42 സ്‌കൂളുകള്‍ 100 ശതമാനം വിജയം നേടി. ഇതില്‍ രണ്ട് സര്‍ക്കാര്‍ സ്‌കൂളും നാലു വീതം എയ്ഡഡ്, സ്‌പെഷ്യല്‍ സ്‌കൂളുകളും നൂറുശതമാനം വിജയം നേടി. 32 സ്വകാര്യ സ്‌കൂളുകളും 100 ശതമാനം വിജയം കൈവരിച്ചു. വിദ്യാഭ്യാസമന്ത്രി പി.കെ അബ്ദുള്‍ റബ്ബ് ആണ് പരീക്ഷാഫലം പ്രഖ്യാപിച്ചത്.
Comment: ഫോട്ടോ കണ്ടപ്പം വിചാരിച്ചു ഒന്നാം റാങ്ക് ഇക്കുറി ആങ്കുട്ടിക്കാണെന്ന്
കെ എ സോളമന്‍
No comments:
Post a Comment