ആദ്യ ദിവസം തന്നെ ലക്ഷംഹിറ്റ്‌ കിട്ടിയ മുഖ്യമന്ത്രിയുടെ ഒഫീസ് കാണാന്‍ കോയാകുഞ്ഞു മുതലാളിക്ക് പെരുത്തു മോഹം.
"ഒന്മാര്‍ ആപ്പിസില്‍ ഇരുന്നു കപ്പലണ്ടി കൊറിക്കുകയാണോ അതോ എസ് എം എസ് വിട്ടു കളിക്കുക യാണോ , ഒന്നറിയണമല്ലോ" .
കോയാകുഞ്ഞു മുതലാളിക്ക് തടി കച്ചവടമാണ് പണി. ബിസിനെസ് നോക്കി നടത്താന്‍ മാനേജര്‍ കം സെക്രട്ടറി ഹംസയുണ്ട്. എന്തിനും ഒരു കയ്യും കണക്കും വെണ മെന്നല്ലേ പറയണത് .
"എടാ ഹംസേ, ഹമുക്കേ , നീ എവിടെയായിരിന്നു ഇത്ര നേരം എവിടെ നിന്റെ ലാപ്‌ ടോപ്‌ ? "
" ഇവിടുണ്ട് മുതലാളി . "
" എടാ നീ അതൊന്നു ഓണാക്കി ചാണ്ടിന്റെ, ഉമ്മടെ മുഖ്യന്റെ ആപ്പീസ് ഒന്ന് കാട്ടിയെ ആ കുന്ത്രാണ്ടത്തില്‍ ഇപ്പ കാണാമെന്നല്ലേ ചന്ദ്രികേ വായിച്ചത് ".
" നോക്കട്ട മുതലാളി "
ഡബ്ളിയു. ഡബ്ളിയു. ഡബ്ളിയു. കേരള സി എം ഗവ ഇന്‍ -ഹംസ ലാപ്‌ ടോപ്പില്‍ ടൈപ്പു ചെയ്തു
എന്റര്‍ ചെയ്തതും ലാപ്‌ ടോപ്പില്‍ നിന്നും 'ടപ്‌' എന്നൊരു ശബ്ദം, സ്ക്രീന്‍ ബ്ളാക്ക് ഔട്ട്‌ .
"എന്താണ്ട അത് "
" ലാപ്‌ ടോപ്‌ ജാമായി മുതലാളി, വൈറസ്‌ ആണെന്ന് തോന്നുന്നു, ഒന്നും കിട്ടുന്നില്ല്ല "
"അപ്പ ഉമ്മടെ തടീന്റെ കണക്കൊക്കെ പോയോ , എന്റെ റബ്ബേ . ആ ഔസേപ്പ് മാപ്പിളയോട് എന്ത് പറയും ? ഒന്ന് തട്ടി നോക്കെടാ ഹമുക്കേ, ഉമ്മടെ "മാങ്ങോന്റെ റേഡിയോ" യില്‍ തട്ടി നോക്കണ പോലെ. കണക്കു കിട്ടയില്ലെങ്കില്‍ നിന്നെ ഞാന്‍ കൊല്ലും ഹമുക്കേ"
തോളില്‍ കിടന്ന ടര്‍ക്കി എടുത്തു കോയാകുഞ്ഞു മുതലാളി തല കിഴുകം വീശി .
------------
No comments:
Post a Comment