കണ്ണൂര്‍: പോസ്റ്റര്‍ വിവാദത്തില്‍ കെ.സുധാകരന് എം.പിക്കെതിരെ എ ഗ്രൂപ്പ് രംഗത്ത്. സുധാകരനെതിരെ അച്ചടക്ക നടപടി സ്വീകരിക്കണമെന്ന് കണ്ണൂരിലെ എ.വിഭാഗം നേതാക്കള്‍ ആവശ്യപ്പെട്ടു. പ്രശ്നം തെരുവിലേക്കു വലിച്ചിഴയ്ക്കുകയും മുഖ്യമന്ത്രിയുടെ മുഖചിത്രമുള്ള ബോര്ഡ് നീക്കാന്‍ നിര്‍ദേശിക്കുകയും ചെയ്ത കെ. സുധാകരന് എംപിക്കെതിരെ ഹൈക്കമാന്‍ഡിനു പരാതി നല്‍കുമെന്ന്‌ എ ഗ്രൂപ്പ് നേതാക്കള്‍ പറഞ്ഞു.
കൊച്ചി: കേരളത്തിലെ വിദ്യാഭാസ നിലവാരം താഴുകയാണെന്ന് ഹൈക്കോടതി. ഉത്തരക്കടലാസ് പുനര്‍മൂല്യ നിര്‍ണയം സമയബന്ധിതമായി പൂര്‍ത്തിയാക്കണമെന്ന് ആവശ്യപ്പെട്ട് സമര്‍പ്പിച്ച ഒരു കൂട്ടം ഹര്‍ജികള്‍ പരിഗണിക്കുമ്പോഴാണ് ജസ്റ്റിസ് സിരിജഗന്‍ ഈ അഭിപ്രായം പ്രകടിപ്പിച്ചത്.
കൊച്ചി: എറണാകുളം ലേക് ഷോര്‍ ആശുപത്രിയില്‍ സമരം ചെയ്ത അമ്പത് നഴ്സുമാരെ മാനേജുമെന്റ് പുറത്താക്കി. നഴ്സുമാര്‍ക്കെതിരെ മാനേജുമെന്റ് കോടതിയെ സമീപിച്ചു. മാന്യമായ ശമ്പളം നല്‍കുക, ജോലി സുരക്ഷിതത്വം ഉറപ്പാക്കുക എന്നീ ആവശ്യങ്ങള്‍ ഉന്നയിച്ചാണ് നഴ്സുമാര്‍ സമരം നടത്തുന്നത്. 
കോഴിക്കോട്: : പോലീസുദ്യോഗസ്ഥര്‍ പൊതുപ്രവര്‍ത്തകരോടും ജനങ്ങളോടും മാന്യമായി പെരുമാറണമെന്ന് കേന്ദ്രമന്ത്രി വയലാര്‍ രവി ആവശ്യപ്പെട്ടു. എന്തും ചെയ്യാന്‍ അധികാരമുണ്ടെന്ന ചിന്ത പോലീസുദ്യോഗസ്ഥര്‍ക്ക് പാടില്ല. പോലീസ് യൂണിഫോം എന്തും ചെയ്യാനുള്ള അധികാര പത്രമാണന്ന് ധരിക്കരുതെന്നും അദ്ദേഹം പറഞ്ഞു. 
ബാംഗ്ലൂര്‍: സെലിബ്രിറ്റി ക്രിക്കറ്റ് ലീഗില്‍ ചിന്നസ്വാമി സ്റ്റേഡിയത്തില്‍ കേരളാ സ്‌ട്രൈക്കേഴ്‌സിന് കനത്ത തോല്‍വി. തെലുങ്ക് വാരിയേഴ്‌സാണ് കേരളത്തെ ഒന്‍പതു വിക്കറ്റിന് തോല്‍പിച്ചത്. 
തിരുവനന്തപുരം : സംസ്ഥാനത്തിന്റെ വികസനം ലക്ഷ്യമിട്ട്‌ തീരദേശ ജലഗതാഗതം, വൈജ്ഞാനിക നഗരം, അതിവേഗ ട്രെയിന്‍ തുടങ്ങി പത്തിന പദ്ധതികള്‍ സംബന്ധിച്ച്‌ വിദഗ്ധരുമായി കൂടിയാലോചിച്ചശേഷം 90 ദിവസത്തിനകം സര്‍ക്കാരിന്‌ റിപ്പോര്ട്ട് സമര്‍പ്പിക്കുമെന്ന്‌ സംസ്ഥാനത്തിന്റെ വികസനകാര്യങ്ങളിലെ മാര്‍ഗ്ഗദര്‍ശി സാം പിട്രോഡ. മുഖ്യമന്ത്രി ഉമ്മന്‍ചാണ്ടിയും മന്ത്രിസഭാംഗങ്ങളുമായി നടത്തിയ മൂന്നുമണിക്കൂര്‍ ചര്‍ച്ചകള്‍ക്ക്‌ ശേഷം വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.
കൊച്ചി: ഇ-മെയില്‍ ചോര്‍ത്തല്‍ വിവാദത്തില്‍ മാധ്യമം വാരികക്കെതിരെ കേസെടുക്കുക തന്നെ ചെയ്യുമെന്ന്‌ മന്ത്രി ആര്യാടന്‍ മുഹമ്മദ് പറഞ്ഞു. മതസൗഹാര്‍ദ്ദം തകര്‍ക്കുന്ന നിലപാടാണ്‌ മാധ്യമം കൈകൊണ്ടതെന്നും ആര്യാടന്‍ മുഹമ്മദ് പറഞ്ഞു.
തിരുവനന്തപുരം: സര്‍ക്കാര്‍ ഉദ്യോഗസ്ഥര്‍ അനര്‍ഹമായി സമ്പാദിച്ച പതിനാറായിരത്തോളം ബി.പി.എല്‍ കാര്‍ഡുകള്‍ റദ്ദാക്കാന്‍ സര്‍ക്കാര്‍ നിര്‍ദ്ദേശം നല്‍കി. 23,400 പേര് ഇത്തരത്തില്‍ കാര്‍ഡുകള്‍ സമ്പാദിച്ചിട്ടുണ്ട്.. കാര്‍ഡുകള്‍ തിരികെ ഏല്‍പ്പിക്കാന്‍ സര്‍ക്കാര്‍ അനുവദിച്ച ജനുവരി 15നകം 8,000ത്തോളം പേര് കാര്‍ഡുകള്‍ തിരിച്ചു നല്‍കി. 
തിരുവനന്തപുരം: ഈ വര്‍ഷത്തെ മെഡിക്കല്‍, എഞ്ചിനീയറിങ് പ്രവേശന പരീക്ഷയുടെ പ്രോസ്‌പെക്ടസ് പ്രസിദ്ധീകരിച്ചു. എഞ്ചിനീയറിങ് എന്‍‌ട്രന്‍സിലെ മാര്‍ക്ക് ഏകീകരണത്തെച്ചൊല്ലി വ്യാപകമായ ആരോപണം ഉയര്‍ന്ന സാഹചര്യത്തില്‍ പുതിയ മാര്‍ക്ക് ഏകീകരണ ഫോര്‍മുലയോടെയാണ് പ്രോസ്‌പെക്ടസ് തയാറാക്കിയിരിക്കുന്നത്.
തിരുവനന്തപുരം: മുല്ലപ്പെരിയാര്‍ വിഷയത്തില്‍ ഹര്‍ത്താലല്ല പ്രശ്‌നപരിഹാരത്തിന് സമവായമാണ് വേണ്ടതെന്ന് മുസ്‌ലീം ലീഗ്. മുല്ലപ്പെരിയാര്‍ വിഷയം ഒരു വൈകാരികമായ വിഷയമാക്കുന്നത് തമിഴ്‌നാട്ടിലെ മലയാളികള്‍ക്ക് ദോഷം ചെയ്യുമെന്നും സമരമല്ല വേണ്ടതെന്നും ലീഗ് ജനറല്‍ സെക്രട്ടറി കെ.പി.എ.മജീദ് പറഞ്ഞു. വീണ്ടും സമരം തുടങ്ങാനുള്ള കേരളാ കോണ്‍ഗ്രസ് നീക്കം മുന്നണി യോഗം ചര്‍ച്ച ചെയ്യുമെന്നും ബാലകൃഷ്ണപിള്ള-ഗണേഷ്‌കുമാര്‍ തര്‍ക്കത്തില്‍ ലീഗ് ഇടപെടാന്‍ ഇപ്പോള്‍ ഉദ്ദേശിക്കുന്നില്ലെന്നും കെ.പി.എ.മജീദ് പറഞ്ഞു.
വാഷിങ്ടണ്‍: ബുധനാഴ്ച അര്‍ദ്ധരാത്രി മുതല്‍ ഒരു ദിവസത്തേയ്ക്ക് വിക്കിപീഡിയ പ്രവര്‍ത്തനം നിര്‍ത്തിവയ്ക്കും. അമേരിക്കയുടെ ഹൗസ്‌ ഒഫ്‌ റെപ്രസന്റേറ്റീവ്‌ പാസാക്കുന്ന സ്റ്റോപ്പ്‌ ഓണ്‍ലൈന്‍ പൈറസി ആക്ട്‌, യു.എസ് സെനറ്റ്‌ പാസാക്കുന്ന പ്രൊട്ടക്‌ട്‌ ഇന്റലക്ച്വല്‍ പ്രോപ്രര്‍ട്ടി ആക്ട്‌ എന്നീ നിയമങ്ങള്‍ക്കെതിരെയുള്ള പ്രതിഷേധ പരിപാടികളുടെ ഭാഗമായാണിത്. 
തിരുവനന്തപുരം: ബാലകൃഷ്ണപിള്ള-ഗണേഷ് കുമാര്‍ പോര് പൊട്ടിത്തെറിയിലേക്ക്. മന്ത്രി സ്ഥാനം രാജി വയ്ക്കാന്‍ തയാറാണെന്ന് ഗണേഷ് കുമാര്‍ ഇന്ന് ചേര്‍ന്ന പാര്‍ട്ടിയോഗത്തില്‍ അറിയിച്ചു. യോഗത്തില്‍ കടുത്ത വിമര്‍ശനം ഉയര്‍ന്ന സാഹചര്യത്തിലാണിത്. അതേസമയം പാര്‍ട്ടിക്കെതിരെ ഗുരുതരമായ ആരോപണങ്ങളാണ് ഗണേഷ് ഉയര്‍ത്തിയത്. പാര്‍ട്ടിയില്‍ കൂടുതല്‍ പിന്തുണ തനിക്കാണെന്നും ഗണേഷ് അവകാശപ്പെട്ടു.
കോഴിക്കോട്: മുഖ്യമന്ത്രിയായിരിക്കെ ചട്ടങ്ങള്‍ ലംഘിച്ച്‌ ബന്ധുവായ ടി.കെ. സോമന്‌ ഭൂമി പതിച്ച്‌ നല്‍കിയ കേസില്‍ പ്രതിപക്ഷനേതാവ്‌ വി.എസ്. അച്യുതാനന്ദന്‍ ഒന്നാം പ്രതിയായി അന്വേഷണസംഘം വിജിലന്സ് സ്പെഷ്യല്‍ ജഡ്ജി വി. ജയറാമിന്‌ മുമ്പാകെ എഫ്‌ഐആര്‍ സമര്‍പ്പിച്ചു. വിജിലന്സ് എ.എസ്.ഐ. രത്നാകരനും സിവില്‍ ഓഫീസര്‍ രാധാകൃഷ്ണന്‍നായരും ജഡ്ജിയുടെ തിരുവണ്ണൂരിലെ വീട്ടിലെത്തിയാണ്‌ എഫ്‌ഐആര്‍ സമര്‍പ്പിച്ചത്‌. ഏഴ്‌ വര്‍ഷം വരെ ശിക്ഷ കിട്ടാവുന്ന കുറ്റങ്ങളാണ്‌ പ്രതികളുടെ പേരില്‍ ചേര്‍ത്തിരിക്കുന്നത്‌.
തിരുവനന്തപുരം: ബന്ധുവായ വിമുക്തഭടന് മുഖ്യമന്ത്രിയായിരുന്നപ്പോള്‍ അനധികൃതമായി ഭൂമി നല്‍കിയെന്ന പരാതിയില്‍ വി.എസ്. അച്യുതാനന്ദനെതിരെ അന്വേഷണത്തിന് ഉത്തരവിട്ട നടപടിയ്ക്ക് വിജിലന്സ് ഡയറക്ടര്‍ രേഖാമൂലം അനുമതി നല്‍കി. കോഴിക്കോട് വിജിലന്സ് കോടതിയുടെ പരിധിയിലാണ് കേസന്വേഷണം നടക്കുക. 
തിരുവനന്തപുരം: നിയമസഭാ തെരഞ്ഞെടുപ്പില്‍ ഉത്തരവാദപ്പെട്ട നേതാക്കള്‍ സ്ഥാനാര്‍ത്ഥികളെ കാ‍ലുവാരിയതായി വക്കം കമ്മിറ്റി റിപ്പോര്ട്ട് വ്യക്തമാക്കുന്നതായി കെ.പി.സി.സി അധ്യക്ഷന്‍ രമേശ് ചെന്നിത്തല പറഞ്ഞു. നേതാക്കളുടെ രാഷ്ട്രീയഭാവിയെക്കരുതി ഇവരുടെ പേരുകള്‍ വെളിപ്പെടുത്തുന്നില്ലെന്നും ചെന്നിത്തല പറഞ്ഞു. സ്ഥാനാര്‍ത്ഥി നിര്‍ണ്ണയം പാളിയെന്നും റിപ്പോര്‍ട്ടില്‍ പരാമര്‍ശമുണ്ട്.
കൊച്ചി: അസിസ്റ്റന്റ് ഗ്രേഡ് നിയമനം റദ്ദാക്കാനുളള ലോകായുക്ത ഉത്തരവില്‍ ഈ മാസം 24 വരെ നടപടി സ്വീകരിക്കില്ലെന്നു കേരള സര്‍വകലാശാല ഹൈക്കോടതിയെ അറിയിച്ചു. യമനം ലഭിച്ച 31 പേര് ലോകായുക്ത ഉത്തരവിനെതിരെ സമര്‍പ്പിച്ച ഹര്‍ജികള്‍ പരിശോധിച്ചപ്പോഴാണ് സര്‍വ്വകലാശാല ഹൈക്കോടതിയെ നിലപാട് അറിയിച്ചത്.
ന്യൂദല്‍ഹി: കൊച്ചി മെട്രോ റെയില്‍ പദ്ധതി ദല്‍ഹി മെട്രോ റെയില്‍ കോര്‍പ്പറേഷനെ ഏല്‍പിച്ചാല്‍ പദ്ധതിയില്‍ താനുമുണ്ടാകുമെന്ന്‌ ഇ.ശ്രീധരന്‍ പറഞ്ഞു. മുഖ്യമന്ത്രി ഉമ്മന്‍ചാണ്ടിയുമായുള്ള കൂടിക്കാഴ്ച്‌യക്കു ശേഷം മാധ്യമങ്ങളോട്‌ സംസാരിക്കുകയായിരുന്നു അദ്ദേഹം. 
തിരുവനന്തപുരം: സി.പി.എം സമ്മേളനം കഴിയുന്നതോടെ വി.എസ് അച്യുതാനന്ദന്‍ ചരിത്രമായി മാറുമെന്ന് കെ.പി.സി.സി അധ്യക്ഷന്‍ രമേശ് ചെന്നിത്തല. ഇപ്പോള്‍ നടക്കുന്ന ജില്ലാ സമ്മേളനങ്ങളില്‍ ജനാധിപത്യ പ്രവര്‍ത്തനങ്ങളല്ല കൂട്ടക്കൊലയാണ് നടക്കുന്നതെന്നും ചെന്നിത്തല ആരോപിച്ചു.
മെക്‌സിക്കോ സിറ്റി: ചൂതുകളി സ്ഥാപനത്തില്‍ ബോംബ് വെച്ച് 52 പേരെ കൊന്ന മാഫിയാത്തലവന്‍ മെക്‌സിക്കോയില്‍ പിടിയിലായി. 
തിരുവനന്തപുരം: സി.പി.എം. സംസ്ഥാന സെക്രട്ടറി പിണറായി വിജയന്റെ താക്കീത് ഫലിച്ചു. വി.എസ്. പക്ഷത്തിന്റെ അവസാന തുരുത്തുകളിലൊന്നായിരുന്ന കൊല്ലം ജില്ലാ കമ്മിറ്റിയും അവരെ കൈവിട്ടു.
തിരുവനന്തപുരം: കൊച്ചി മെട്രോയില്‍ ഇ. ശ്രീധരന്റെ സേവനം പ്രയോജനപ്പെടുത്തുമെന്ന്‌ മുഖ്യമന്ത്രി ഉമ്മന്‍ ചാണ്ടി പറഞ്ഞു. മന്ത്രിസഭായോഗത്തിനു ശേഷം വാര്‍ത്താസമ്മേളത്തില്‍ സംസാരിക്കുകയായിരുന്നു മുഖ്യമന്ത്രി. വിവാദങ്ങളില്‍ കുടുങ്ങി ഒരു പദ്ധതിയും തടസ്സപ്പെടരുതെന്ന്‌ സര്‍ക്കാരിന്‌ നിര്‍ബന്ധമുണ്ടെന്നും മുഖ്യമന്ത്രി പറഞ്ഞു. 
Most of Allama Iqbal's writings were devoted to a revival of Islam. In his presidential address to the Muslim League in 1930, he first suggested that the Muslims of northwestern India should demand a separate nation for themselves. Although many compilations of Iqbal's poetry also deliver his message very eloquently, his foremost book Reconstruction of Religious Thought in Islam was intended to secure a vision of the spirit of Islam as emancipated from its Magian overlayings. 