കോട്ടയം: വിദ്യാഭ്യാസ പാക്കേജ്‌ സംബന്ധിച്ച്‌ എന്‍.എസ്.എസിന്റെ ബുദ്ധിമുട്ടുകള്‍ പരിഹരിക്കുമെന്ന്‌ മുഖ്യമന്ത്രി ഉമ്മന്‍ചാണ്ടി പറഞ്ഞു. വിദ്യാഭ്യാസ രംഗത്ത്‌ യു.ഡി.എഫ്‌ സര്‍ക്കാര്‍ ചരിത്രപരമായ മാറ്റം ഉണ്ടാക്കിയെന്നും അദ്ദേഹം പറഞ്ഞു.
കോട്ടയം പ്രസ്‌ക്ലബിന്റെ മുഖാമുഖം പരിപാടിയില്‍ സംസാരിക്കുകയായിരുന്നു അദ്ദേഹം. വിമര്‍ശനങ്ങളോട്‌ തനിക്ക്‌ അസഹിഷ്ണുതയില്ല. വിമര്‍ശനം ഏത്‌ വകുപ്പിനെക്കുറിച്ചായാലും ഒളിച്ചോടില്ല. തെറ്റുണ്ടെങ്കില്‍ തിരുത്തി മുന്നോട്ടുപോകുമെന്നും അദ്ദേഹം പറഞ്ഞു. കോണ്‍ഗ്രസോ യു.ഡി.എഫോ ഏതെങ്കിലും ഒരു വിഭാഗത്തിന്റേതു മാത്രമല്ല, എല്ലാവരുടേതാണെന്നും ഉമ്മന്‍ചാണ്ടി പറഞ്ഞു.
Comment: സമദൂരത്തില്‍ നിന്നു ശരിദൂരം അളക്കാനുള്ള മുഴക്കോല്‍ വാങ്ങി നല്കും, മുട്ടിന്‍മേല്‍ വീഴും, അങ്ങനെ എന്‍ എസ് എസ്സിന്റെ ബുദ്ധി മുട്ടുമാറ്റും
-K A Solaman
No comments:
Post a Comment