കാര്‍ട്ടൂണ്‍ വിവാദം:ടിവി പരിപാടിക്കിടെ മമത പൊട്ടിത്തെറിച്ചു

കൊല്‍ക്കത്ത:സ്വകാര്യചാനലിന്റെ പരിപാടിയില്‍ പശ്ചിമബംഗാള്‍ മുഖ്യമന്ത്രി മമതബാനര്‍ജി പൊട്ടിത്തെറിച്ചു.തന്നെ പരിഹസിച്ച്‌ ഇന്റര്‍നെറ്റില്‍ കാര്‍ട്ടൂണുകള്‍ പ്രചരിപ്പിച്ച ജാദവ്പ്പൂര്‍ യൂണിവേഴ്സ്റ്റി പ്രൊഫസറെക്കുറിച്ചുള്ള ചോദ്യമാണ്‌ മമതയെ പ്രകോപിപ്പിച്ചത്‌.കാര്‍ട്ടൂണുകള്‍ തനിക്ക്‌ ഇഷ്ടമാണ്‌.എന്നാല്‍ പ്രൊഫസര്‍ പ്രചരിപ്പിച്ചത്‌ കാര്‍ട്ടൂണുകളല്ല.ഈ മെയിലിലൂടെ തന്റെ പ്രതിശ്ചായ തകര്‍ക്കാനുള്ള ശ്രമമായിരുന്നു അതെന്നും മമത പറഞ്ഞു.
അറുപതോളം പേര്‍ക്കാണ്‌ സിപിഎം കാരനായ പ്രൊഫസര്‍ കാര്‍ട്ടൂണുകള്‍ അയച്ചുകൊടുത്തതെന്നും അവര്‍ കൂട്ടിച്ചേര്‍ത്തു.ടിവി പരിപാടിക്കിടെ ജാദവ്പ്പൂരില്‍ നിന്നുള്ള വിദ്യാര്‍ത്തിയുടെ ചോദ്യത്തിനോടാണ്‌ മമത ഇത്തരത്തില്‍ രൂക്ഷമായി പ്രതികരിച്ചത്‌.പ്രൊഫസര്‍ സിപിഎം നിയോഗിച്ച ദൂതനാണ്‌ സംസ്ഥാനത്ത്‌ ഇത്തരത്തില്‍ നിരവധിപേരുണ്ട്‌.പലയിടങ്ങളിലും മാവോവാദികളും സിപിഎമ്മുകാരും ഒരുമിച്ചാണ്‌ അക്രമം അഴിച്ചു വിടുന്നത്‌.


Comment: കാര്‍ട്ടൂണുകള്‍ ഇഷ്ടമാണ്‌, പക്ഷേ തനിക്കെതിരെ പാടില്ല.


-കെ എ സോളമന്‍