ന്യൂഡല്‍ഹി: കനത്ത അഴിമതി രാജ്യവികസനം ഇല്ലാതാക്കുമെന്ന് രാഷ്ട്രപതി പ്രതിഭാ പാട്ടീല്‍. അഴിമതി നിലവിലുള്ള നിയമസംവിധാനം തകര്‍ക്കുമെന്നും അവര്‍ പറഞ്ഞു. രാഷ്ട്രപതി ഭവനില്‍ നടക്കുന്ന രണ്ട് ദിവസത്തെ ഗവര്‍ണര്‍മാരുടെ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു രാഷ്ട്രപതി. 28 ഗവര്‍ണര്‍മാരും മൂന്ന് കേന്ദ്രഭരണപ്രദേശങ്ങളില്‍ നിന്നുള്ള ലെഫ്റ്റനന്റ് ഗവര്‍ണര്‍മാരുമാണ് സമ്മേളനത്തില്‍ പങ്കെടുക്കുന്നത്. അഴിമതി മൂലം രാജ്യത്തെ സാമൂഹ്യ പുരോഗതി തടസ്സപ്പെടും. ഇത് തടയാന്‍ അഴിമതിക്കെതിരായ നിയമങ്ങള്‍ ശക്തമാക്കണം. ജനങ്ങള്‍ക്കിടയില്‍ അഴിമതിക്കെതിരെ ബോധവത്ക്കരണം നടത്തണം. ഭരണ സുതാര്യത ഉറപ്പ് വരുത്തണം. ഇക്കാര്യത്തില്‍ ഗവര്‍ണര്‍മാര്‍ അതീവശ്രദ്ധ ചെലുത്തണം.
Comment: ഏവര്‍ക്കും അഴിമതിയെ ക്കുറിച്ചേ പറയാനുള്ളൂ , രാഷ്ട്രപതിക്കു പോലും . ഇതാരാണ് പിന്നെ നിയന്തിക്കേണ്ടത് ?
-കെ എ സോളമന്‍
No comments:
Post a Comment