ജിഎസ്എം ഫോണുകള്‍ ഭീഷണിയിലെന്ന് വിദഗ്ധന്‍

ലോകത്ത് 80 ശതമാനം ഫോണുകളിലും ഉപയോഗിക്കുന്ന വയര്‍ലെസ്സ് സങ്കേതം സുരക്ഷാപഴുതുള്ളതാണെന്ന് മുന്നറിയിപ്പ്. ജിഎസ്എം വയര്‍ലെസ് സങ്കേതം ഉപയോഗിക്കുന്ന മൊബൈല്‍ ഫോണുകള്‍, ദുഷ്ടബുദ്ധികള്‍ക്ക് എളുപ്പത്തില്‍ നിയന്ത്രണത്തിലാക്കാമെന്ന് ജര്‍മന്‍ മൊബൈല്‍ സുരക്ഷാവിദഗ്ധനെ ഉദ്ധരിച്ച് റോയിട്ടേഴ്‌സ് വാര്‍ത്താഏജന്‍സി റിപ്പോര്‍ട്ടു ചെയ്തു.

കോടിക്കണക്കിന് ആളുകള്‍ ഉപയോഗിക്കുന്ന ജിഎസ്.എം സങ്കേതത്തിലെ പഴുത് ചൂഷണം ചെയ്യാനായാല്‍, ഉടമസ്ഥന്‍ അറിയാതെ ഫോണിനെക്കൊണ്ട് ടെക്‌സ്റ്റ് മെസേജുകള്‍ അയപ്പിക്കാനും ഫോണ്‍ കോളുകള്‍ വിളിപ്പിക്കാനും സാധിക്കും - ജര്‍മനിയിലെ സെക്യൂരിറ്റി റിസര്‍ച്ച് ലാബ്‌സിന്റെ മേധാവി കാര്‍സ്റ്റെന്‍ നോഹ്ല്‍ പറഞ്ഞു.

Comment: Let us wait for the comment of the other expert. Experts are two kind-one in favour and other against. For instance look at the dam row. When the Kerala experts warn about danger the TN counter parts  stand in negation
-K A Solaman